SAN JUAN 16:25 - Chatino Tataltepec

²⁵ ’Xcui' cui̱i̱ ti nda na' lo'o ma̱ ―nacui̱ Jesús―, cha' caca cuayá' ti' ma̱ scaa cha'; pana tyalaa sca tsa̱ lo'o nga'aa si'i cui̱i̱ ti chcui' na' lo'o ma̱ li', liñi ti ta na' cha' lo'o ma̱ cha' ji'i̱ ycui' Ndyosi Sti na'.

SAN JUAN 16:25 Referans Kwoze

SAN JUAN 16:12

’Tya quiña'a̱ la cha' ntsu'u cha' nti' na' chcui' na' lo'o ma̱ nquicha' ―nacui̱ Jesús ji'i̱ ñati̱ nu ndyaca tsa'a̱ ji'i̱―, pana ná talo ma̱ cua'a̱ jyaca̱ ma̱ ji'i̱ cha' bi' juani, cha' tucui tsa cha' bi'.

SAN JUAN 10:6

Bi' ngua sca cha' nu nchcui' ne' ti Jesús lo'o ngu', pana ná ngua cuayá' ti' ngu' tsiya' ti ñi'ya̱ ndyu'u cha' nu nchcui' Jesús lo'o ngu' li'.

SAN MARCOS 4:13

’¿Ha ná ngua cuayá' ti' ma̱ ñi'ya̱ nti' ñacui̱ cui̱i̱ bi'? ―nacui̱ Jesús ji'i̱ ngu' bi' li'―. ¿Ñi'ya̱ caca ta ma̱ cuentya ji'i̱ xi xa' la cui̱i̱ lacua, si ná nduna ma̱ cha' nu nchcui' na' bi'? ―nacui̱―.

2 CORINTIOS 4:2

Cua nguxtyanu ya ji'i̱ lcaa cha' cuxi nu ndyu'ni ngu' cuaana ti, lcaa cha' nu ntyuju'u tsa ti' ngu' cua'ni ngu' ji'i̱. Si'i na nñilo'o ya ji'i̱ ngu', la cui' jua'a̱ ná nchcutsa'a̱ ya cha' ji'i̱ ycui' Ndyosi lo'o xi xa' la cha', nu lo'o nchcui' ya cha' bi' lo'o ngu'; tso'o ti nclyu'u ya tyucui cha' ji'i̱ Jesús ji'i̱ ngu'. Lo'o jua'a̱ chañi tsa laca cha' bi', cha' jua'a̱ caca cuayá' ti' lcaa ñati̱ cha' tyucui tyiquee ya ndu'ni ya cña ji'i̱ ycui' Ndyosi; jua'a̱ nti' ycui' Ni ña'a̱ Ni ji'i̱ ya.

SAN JUAN 16:2

masi ná ta ngu' chacuayá' ji'i̱ ma̱ cha' tsaa ma̱ ne' laa ji'i̱ ngu' li' ―nacui̱ Jesús―. Tyalaa sca tyempo nu culacua ti' ngu' cha' cña tacati cua'ni ngu' si cujuii ngu' ji'i̱ ngu' tya'a ma̱.

SAN MARCOS 4:34

Xcui' lo'o cui̱i̱ ti ngulu'u Jesús ji'i̱ ñati̱ quiña'a̱, masi ná nda tso'o ngu' cuentya ñi'ya̱ cha' nda cui̱i̱ bi'; pana tiya' la ngulu'u tso'o yu cha' bi' ji'i̱ nu ngu' nu ndyaca tsa'a̱ ji'i̱ yu.

SAN MARCOS 8:32

Liñi ngulu'u Jesús cha' bi' ji'i̱ nu ngu' nu ndyaca tsa'a̱ ji'i̱; bi' cha' ngusñi Pedro ya' Jesús li', nchcui' lo'o yu cha' ngua ti' cua'a ji'i̱ yu, cha' nga'aa chcui' Jesús jua'a̱.

SAN JUAN 10:24

Li' ndyu'u ti'i̱ tyu̱u̱ tya'a ngu' judío slo Jesús, nchcuane ngu' ji'i̱ yu: ―¿Ni jacua' chcui' liñi nu'u̱ lo'o cua, cha' caca cuayá' ti' ya si nu'u̱ laca nu ñati̱ tlyu nu ta ycui' Ndyosi ji'i̱ ca̱a̱? ―nacui̱ ngu' ji'i̱ Jesús―. Ná talo ya si ná cacha' nu'u̱ lcaa cha' ji'i̱ cua. Tso'o si chcui' liñi nu'u̱ juani.

SAN JUAN 16:32

Cua'a̱ jyaca̱ ma̱ xi ji'i̱ cha' nu chcui' na' re lacua: Cua ngulala ti hora, cua la cui' hora ndyaca juani cha' tyaa ma̱ toni'i̱ ji'i̱ scaa ma̱. Li' tyanu na' ycui' ti na' ―nacui̱―, pana si'i sca ti na' tyanu na', cha' stu'ba ndi'i̱ Sti na' lo'o na'.