Biblia Todo Logo
Bib sou entènèt

- Piblisite -




SAN JUAN 16:22 - Chatino Tataltepec

22 Lo'o jua'a̱ cu'ma̱ ―nacui̱―, xti ti tyempo caca xñi'i̱ ti' ma̱; pana ca̱a̱ na' ca̱a̱ na'a̱ na' ji'i̱ ma̱ chaca quiya', lo'o li' caca chaa ti' ma̱ chaca quiya'. Ná tucui taca cua'a ji'i̱ ma̱ cha' ná caca chaa ti' ma̱ li'.

Gade chapit la Kopi




SAN JUAN 16:22
40 Referans Kwoze  

Ntsu'u tsa tyiquee ma̱ ña'a̱ ma̱ ji'i̱ Jesús, masi bilya ña'a̱ ma̱ ji'i̱ Ni; hasta juani tya lyiji ña'a̱ ma̱ ji'i̱, pana jlya ti' ma̱ cha' lu'ú Ni. Chañi cha' tso'o tsa ntsu'u tyiquee ma̱ juani xqui'ya Jesús, ni ná tye chca cha' chcui' ma̱ lcaa cha' tso'o nu ntsu'u tyiquee ma̱ cuentya ji'i̱ ycui' Jesús lo'o xa' ñati̱.


Lo'o nu ñati̱ ji'i̱ Jesucristo nu ndyanu quichi̱ Antioquía bi' ni, chaa ti' ndyanu ngu' quichi̱ tyi ngu' cha' cua ndyanu Xtyi'i ycui' Ndyosi ne' cresiya ji'i̱ ngu'.


Xñi'i̱ tsa ti' ma̱ xqui'ya cha' nu nda na' lo'o ma̱ tsa̱.


Ndi'ya̱ nti' na' cha' cua'ni Ni lo'o ma̱, masi Jesucristo nu Xu'na na, masi ycui' Ndyosi Sti na: cua'ni Ni cha' caca nguula ti' tyiquee ma̱, cha' caja juersa ji'i̱ ma̱, cha' taca cua'ni ma̱ cua ña'a̱ ca cha' tso'o, cha' xcui' cha' tso'o chcui' ma̱ lo'o tya'a ma̱. Ntsu'u tsa tyiquee ycui' Ni ña'a̱ Ni ji'na, bi' cha' tso'o tsa ndu'ni Ni lo'o na, cha' ti̱ ti tyi'i̱ tyiquee na lcaa hora laja lo'o ntajatya na ji'i̱ ycui' Jesús cha' ca̱a̱ Ni.


Nu lo'o ngua cla'be talya nga'a̱ Pablo lo'o Silas ne' chcua̱ bi'; nchcui' ngu' lo'o ycui' Ndyosi, ndyula tu'ba ngu' ji̱i̱ ji'i̱ ycui' Ni. Lo'o jua'a̱ ndyuna lcaa preso tya'a ntsu'u ngu' ne' chcua̱.


Lcaa tsa̱ ndyu'u ti'i̱ ngu' bi' ne' laa tonu ji'i̱ ngu' judío, jua'a̱ stu'ba ti ndacu ngu' bi' to' tyi tya'a ngu'. Tso'o tsa ntsu'u tyiquee ngu' bi', tso'o ti nchcui' ngu' lo'o tya'a ngu',


Lo'o jua'a̱ ndyaa na'a̱ ma̱ ji'i̱ ngu' tya'a ma̱ nu lo'o ntsu'u ngu' bi' ne' chcua̱, nguxtyucua ma̱ ji'i̱ ngu' bi' li'; masi nguaana xa' ñati̱ lcaa cha' tso'o nu ntsu'u ji'i̱ ma̱, ndalo tsa tyiquee ma̱ li'. Tso'o ntsu'u tyiquee ma̱, cha' cua jlo ti' ma̱ cha' tso'o la tsiya' ti laca nu cha' ji'i̱ Jesús nu cua ngusñi ma̱ bi'; jlo ti' ma̱ cha' ná tye chca cha' bi', cha' nu cua ndyuna ma̱ cuentya ji'i̱ Jesús.


Xqui'ya lcaa cha' bi' cua jlo ti' na cha' ná nga'a̱ cha' cha'a̱ tsiya' ti sca cha' nu cua nacui̱ ycui' Ndyosi cha' caca, cha' ná nti' Ni cñilo'o Ni ji'na tsiya' ti. Tso'o ti ndi'i̱ tyiquee na juani, cha' ni sca cha' cuxi ná taca xcutsi̱i̱ ji'na, xqui'ya cha' jlya ti' na cha' nu nda ycui' Ndyosi lo'o na; cua ngua'ni Ni cha' ndyaca tlyu la tyiquee na, cha' xñi tso'o na lcaa cha' nu cua nchcui' Ni lo'o na ña'a̱ cuayá' nu tyu'u tucua cha' bi'.


Ndu'u ngu', chaa tsa ti' ngu' li', masi cua nchcube' ngu' nu laca loo bi' ji'i̱ ngu' xqui'ya cha' ngusñi ngu' cha' ji'i̱ Jesús.


Li' nchcui' nu qui'yu nu ngua tsa'a̱ ji'i̱ Jesús nu tyaca'a tsa ji'i̱ yu, nacui̱ ji'i̱ Pedro: ―Nu ndu̱ ca bi' laca ycui' nu Xu'na na ―nacui̱. Nu lo'o ndyuna Pedro cha' bi', li' ndyacu' ste' cha' quichi' ti ndyu'ni cña, ngutacua̱ Pedro ndyú lo hitya, ngutu'u to' tayu'.


’Ndi'ya̱ cua'ni na' lo'o ma̱ cha' cua tya'a ti na': cua'ni na' cha' ti̱ ti tyi'i̱ tyiquee ma̱. Ná nchca ji'i̱ ñati̱ chalyuu tyi'i̱ ti̱ ti ngu', pana ycui' na' cua'ni na' cha' ti̱ ti tyi'i̱ ma̱ ―nacui̱ Jesús―. Nga'aa culacua tsa ti' ma̱, nga'aa cutsi̱i̱ ma̱ ―nacui̱―.


’Ná quiña'a̱ tsa cha' culacua ti' ma̱ cuentya 'na ―nacui̱ Jesús ji'i̱ ngu' li'―. Cua ngusñi ma̱ cha' ji'i̱ ycui' Ndyosi, jua'a̱ xñi tso'o ma̱ cha' jna' li'.


Lo'o co'o ngu' hitya nu ta na', nga'aa tyucua nguityi ngu' tsiya' ti li' ―nacui̱―. Ta na' sca lo hitya co'o ngu' nu cua'ni cu'ú cresiya ji'i̱ ngu'. Ndi'ya̱ laca bi': ñi'ya̱ si laca sca su̱u̱ hitya nde ne' cresiya ji'i̱ ngu', jua'a̱ ná nga'a̱ cha' tye chalyuu ji'i̱ ngu' li'.


Ná ngua tyuloo tso'o ngu' ji'i̱ yu xqui'ya cha' chaa tsa ti' ngu' ngua, cha' ndube tsa ti' ngu' ña'a̱ ngu' ji'i̱ yu. Bi' cha' nacui̱ Jesús ji'i̱ ngu': ―¿Ha ntsu'u na cacu na' ji'i̱ ma̱?


Li' nacui̱ jyo'o Abraham ji'i̱: “Sñi'”, nacui̱, “tso'o tsa ngua hi̱ lo'o nguti'i̱ nu'u̱ nde chalyuu. Lo'o Lázaro re ni, si'i jua'a̱ ngua ji'i̱ yu, cha' lye tsa nchcube' yu su nguti'i̱ yu chalyuu. Bi' cha' caja su tso'o tyi'i̱ yu ca nde juani; lo'o nu'u̱ ni, nga'a̱ cha' chcube' nu'u̱.


Pana tya lijyi sca cha' nu tso'o cua'ni nu'u̱, sca cha' nu ndulo la; bi' laca cha' nu cua nti' María cua'ni juani. Cua ndyu'ni cho' sca cña nu tso'o la, lo'o ná ntsu'u cha' xlyaá xa' ñati̱ cña bi' ji'i̱ cho'.


Hora ti ndu'u nu ngu' cuna'a̱ bi' to' cuaá bi', ndyaa ngu'. Lo'o jua'a̱ tso'o tsa ntsu'u tyiquee ngu', masi ndyutsi̱i̱ ngu' xi. Ngusna ngu' cha' ndyaa ngu' cacha' ngu' ji'i̱ ngu' nu ndyaca tsa'a̱ ji'i̱ Jesús.


Liñi tsa cha' nu ta na' lo'o ma̱ juani ―nacui̱ Jesús ji'i̱ ngu' bi' li'―, cha' chañi xi'ya ma̱, chañi cunaa ma̱ nu lo'o cua ndya'a na', masi chaa ti' xa' la ñati̱ chalyuu. Pana ná cube tsa ti' ma̱, masi xñi'i̱ ti' ma̱; caca chaa ti' ma̱ lo'o tyu'ú na' chaca quiya' li'.


Nguxacui̱ rey cha' ji'i̱ ngu' li': “Jua'a̱ laca lo'o ñati̱ nu ntsu'u sca cha' ji'i̱, tya ta na' quiña'a̱ la cha' ji'i̱ ñati̱ bi'; pana ñati̱ nu xixi ca cha' ntsu'u ji'i̱ ni, si ná nti' cua'ni cña lo'o, hasta xlyaá na' nu xti ti cha' nu ntsu'u ji'i̱ li'.


’Ca tiya' la xi, nga'aa ña'a̱ ma̱ jna', xqui'ya cha' tya'a na' slo ycui' Ndyosi Sti na'; pana tiya' la li' ña'a̱ ma̱ jna' chaca quiya' ―nacui̱ Jesús.


Ca tiya' la xi, li' nga'aa ña'a̱ ñati̱ chalyuu jna'; pana cu'ma̱, tya ña'a̱ ma̱ jna'. Li' caca tso'o tyiquee ma̱, xqui'ya cha' lu'ú na'.


Masi xñi'i̱ tsa ti' ya xqui'ya cha' ti'í nu ndyacua ji'i̱ ya tu'ni, pana ña'a̱ ti chaa ti' ya; ti'i tsa ya tu'ni, pana ndyiji juersa ji'i̱ ya cha' xtyucua ya ji'i̱ tyu̱u̱ tya'a ñati̱. Masi ná sca na ntsu'u ji'i̱ ya tsiya' ti lo'o ndi'i̱ ya nde chalyuu; pana ycui' Ndyosi nxtyucua ji'i̱ ya, lcaa na ntsu'u ji'i̱ ya li'.


Swiv nou:

Piblisite


Piblisite