SAN JUAN 16:15 - Chatino Tataltepec

¹⁵ Lcaa cha' nu ntsu'u ji'i̱ ycui' Ndyosi Sti na' cua nda Ni 'na; bi' cha' ni na' ji'i̱ ma̱ lacua, cha' lcaa cha' nu culu'u Xtyi'i ycui' Ndyosi ji'i̱ ma̱, cha' jna' laca bi'.

SAN JUAN 16:15 Referans Kwoze

SAN JUAN 17:10

Lcaa ngu' nu ngusñi cha' 'na, laca ngu' bi' ñati̱ jinu'u̱ ―nacui̱―. La cui' ti cha', ñati̱ jna' laca ngu', xqui'ya cha' laca ngu' ñati̱ ji'i̱ ycui' nu'u̱. Lo'o ña'a̱ xa' ñati̱ chalyuu ji'i̱ ngu' bi', hora ti caca cuayá' ti' ngu' cha' tlyu tsa cha' tso'o ntsu'u jna'.

SAN JUAN 3:35

Ntsu'u tsa tyiquee ycui' Ndyosi Sti yu ña'a̱ Ni ji'i̱ Sñi' Ni, la cui' Jesús bi'; lo'o jua'a̱ lcaa chacuayá' nu ntsu'u ji'i̱ ycui' Ni, la cui' ti cua nda Ni ji'i̱ Sñi' Ni lijya̱.

SAN MATEO 11:27

Lo'o li' tya ngulu'u la Jesús xi ji'i̱ ngu': ―Lcaa chacuaya' ji'i̱ Sti na' ndyanu ya' na'. Ni sca ñati̱ ná jlo ti' ñi'ya̱ laca cha' nu ntsu'u ne' cresiya 'na nu laca̱ Sñi' ycui' Ni; sca ti ycui' Ndyosi Sti na' jlo ti' ñi'ya̱ laca cha' nu ntsu'u ne' cresiya 'na. Lo'o jua'a̱, ni sca ñati̱ ná jlo ti' ñi'ya̱ laca cha' nu ntsu'u ne' cresiya ji'i̱ Sti na'; sca ti na' nu laca̱ Sñi' ycui' Ni jlo ti' na', lo'o jua'a̱ culu'u na' cha' bi' ji'i̱ ñati̱ nu subi na' ji'i̱ cha' ca tsa'a̱ ngu' 'na.

COLOSENSES 1:19

Cua nacui̱ ycui' Ndyosi cha' caca Sñi' Ni ñi'ya̱ laca ycui' Ni tsiya' ti,

SAN LUCAS 10:22

Li' nchcui' yu lo'o ngu' nu ndyaa cuentya ji'i̱ yu bi': ―Cua nda Sti na' lcaa na jna'. Ná tucui jlo ti' cha' laca na' Sñi' ycui' Ni; sca ti ycui' Sti na', bi' nu jlo ti'. Ná tucui jlo ti' tilaca laca ycui' Sti na'; sca ti na', jlo ti' na' tilaca laca Ni. Lo'o jua'a̱ ca jlo ti' xi xa' la ñati̱ nu nti' na' cha' culu'u na' ji'i̱ ngu' tilaca laca ycui' Sti na', ca cuayá' ti' ngu' bi' li'.

SAN MATEO 28:18

Li' ñaa Jesús cacua la, nchcui' lo'o ngu': ―Cua nda ycui' Ndyosi Sti na' lcaa chacuayá' 'na cha' laca na' loo ji'i̱ lcaa na, masi lcaa na nu ntsu'u ca slo ycui' Ni nde cua̱, masi lcaa na nu ntsu'u nde chalyuu ―nacui̱ Jesús ji'i̱ ngu'―.

SAN JUAN 13:3

Jlo ti' Jesús cha' lcaa cha' nu ntsu'u ji'i̱ ycui' Ndyosi Sti yu cua nda Ni ji'i̱ yu. Lo'o jua'a̱ jlo ti' yu cha' cua ngutu'u yu ca slo ycui' Ndyosi ya̱a̱ yu chalyuu, cha' cua tyaa ti yu ca slo ycui' Ndyosi chaca quiya'. Masi jlo ti' Jesús cha' bi',

COLOSENSES 2:9

Pana nu Cristo bi' ni, ñi'ya̱ laca tyucui ña'a̱ ycui' Ndyosi, jua'a̱ laca yu lo'o ya̱a̱ yu nde chalyuu.

SAN JUAN 17:2

Na cua nda nu'u̱ chacuayá' jna' cha' caca na' loo ji'i̱ lcaa ñati̱, cha' ta na' chaca chalyuu ji'i̱ ñati̱ nu nda nu'u̱ 'na, chalyuu nu ná nga'a̱ cha' tye ―nacui̱ Jesús ji'i̱ ycui' Ndyosi Sti yu―.

COLOSENSES 2:3

Xqui'ya cha' ngusñi na cha' ji'i̱ Cristo, bi' cha' taca quijeloo cha' ji'na macala su ntucua quiya' lcaa cha' nu ntsu'u tyiquee ycui' Ndyosi, masi lcaa cha' nu nda'ya hique Ni cha' cua'ni Ni nde chalyuu.

SAN JUAN 14:21

Lcaa ñati̱ nu chañi cha' ntsu'u tyiquee ngu' ña'a̱ ngu' jna', bi' laca ñati̱ nu cua'a̱ jyaca̱ ji'i̱ lcaa cha' nu chcui' na' lo'o ngu'; taquiya' ngu' bi' ji'i̱ cha' bi' ―nacui̱―. Lo'o ntsu'u tsa tyiquee ngu' ña'a̱ ngu' jna', jua'a̱ Sti na' ntsu'u tyiquee Ni ña'a̱ Ni ji'i̱ ngu' bi' li'. Lo'o na', tso'o tsa caca tyiquee na' ña'a̱ na' ji'i̱ ngu' bi', cuati culu'u na' ji'i̱ ngu' bi' lcaa cha' ñi'ya̱ nu laca ycui' Na'.