SAN JUAN 16:13 - Chatino Tataltepec

¹³ Nu lo'o ca̱a̱ Xtyi'i ycui' Ndyosi nu tyu'u nde slo ycui' Ni, li' culu'u nu bi' lcaa cha' nu liñi ca ji'i̱ ma̱; li' chcui' liñi nu bi' lo'o ma̱ lcaa cha' nu cuentya 'na ―nacui̱―. Ná chcui' nu bi' chacuayá' ji'i̱ ycui' ca Ni; tsa ña'a̱ cha' nu cua ndyuna ti Ni ca slo ycui' Ndyosi, bi' ti cha' ta nu bi' lo'o ma̱ ―nacui̱ Jesús―. Lo'o jua'a̱ ta nu bi' cha' lo'o ma̱, lcaa cha' nu caca jna'.

SAN JUAN 16:13 Referans Kwoze

SAN JUAN 14:26

Tiya' la li' caca cuayá' la ti' ma̱ lcaa cha', nu lo'o culu'u Xtyi'i ycui' Ndyosi cha' bi' ji'i̱ ma̱ ―nacui̱ Jesús―. Na cua ta ti ycui' Ndyosi Sti na' ji'i̱ Xtyi'i ycui' Ni cha' ca̱a̱ Ni chalyuu cha' xtyucua Ni ji'i̱ ma̱ lcaa hora chacuayá' jna'. Lo'o jua'a̱ cua'ni nu bi' cha' tyi'u ti' ma̱ lcaa cha' nu cua nchcui' na' lo'o ma̱.

SAN JUAN 14:17

Ná caca tyanu Xtyi'i ycui' Ndyosi ne' cresiya ji'i̱ ñati̱ cuxi, cha' ná nchca ña'a̱ ngu' bi' ji'i̱ Ni, ná nslo ngu' tilaca laca ycui' Ni. Nu cu'ma̱, nslo ma̱ ji'i̱ Ni xqui'ya cha' ndi'i̱ nu bi' lo'o ma̱, lo'o jua'a̱ cua tyanu ti Ni ne' cresiya ji'i̱ ma̱ ―nacui̱ Jesús ji'i̱ ngu'―.

SAN JUAN 15:26

’Cua'ni na' cha' ca̱a̱ nu laca Xtyi'i ycui' Ni lo yuu, Xtyi'i nu ndu'u slo ycui' Ndyosi ―nacui̱ Jesús―. Bi' laca nu culu'u ji'i̱ ma̱ lcaa cha' nu liñi ca, bi' laca nu xtyucua ji'i̱ ma̱ lcaa tyempo chacuayá' 'na. Nu lo'o ca̱a̱ nu bi' lo yuu, li' culu'u Ni lcaa cha' liñi nu ntsu'u 'na ji'i̱ ma̱ ―nacui̱ Jesús―.

1 JUAN 2:27

Nu cu'ma̱ ni, cua ndyanu Xtyi'i ycui' Ndyosi ne' cresiya ji'i̱ ma̱, bi' cha' nga'aa nti' cha' culu'u xa' ñati̱ ji'i̱ ma̱; Xtyi'i ycui' Ndyosi ni, bi' laca nu culu'u ji'i̱ ma̱ lcaa cha' nu lyiji cha' ca tsa'a̱ ma̱ ji'i̱. Nu lo'o nclyu'u Xtyi'i ycui' Ndyosi ji'i̱ ma̱ ni, liñi tsa laca cha' bi'; si'i cha' cuiñi nda nu bi'. Bi' cha' lacua, ñi'ya̱ nu nclyu'u Xtyi'i ycui' Ni ji'i̱ ma̱, la cui' jua'a̱ nga'a̱ cha' xñi ma̱ cha' ji'i̱ Jesús.

1 JUAN 2:20

Cua nda Cristo Xtyi'i ycui' Ni cha' tyanu ne' cresiya ji'i̱ lcaa ngu' tya'a ngusñi ma̱ cha' ji'i̱ Ni, bi' cha' cua ngua cuayá' tso'o ti' lcaa tya'a ma̱ lcaa cha' nu nclyu'u ycui' Ndyosi ji'na.

SAN JUAN 12:49

Si'i chacuayá' ji'i̱ ycui' ca ti na' nchcui' na' lo'o ñati̱; ycui' Ndyosi Sti na' nu cua nda jna' lijya̱a̱ chalyuu, bi' laca nu ngulo cña 'na ñi'ya̱ cha' nu ta na', ñi'ya̱ ña'a̱ cha' nu chcui' na' lo'o ñati̱ ―nacui̱ yu―.

1 JUAN 4:6

Pana ñati̱ ji'i̱ ycui' Ndyosi laca na. Nu lo'o ntsu'u cha' ji'i̱ ñati̱ lo'o ycui' Ndyosi, cuna ngu' lcaa cha' nu chcui' na lo'o ngu' li'; ñati̱ nu ná ntsu'u cha' ji'i̱ lo'o ycui' Ndyosi tsiya' ti, bi' ñati̱ laca nu ná nduna cha' nu nchcui' na. Jua'a̱ taca quijeloo cha' ji'na tilaca laca nu ntsu'u cha' liñi ji'i̱, tilaca laca nu ntsu'u cha' cuiñi ji'i̱.

SAN JUAN 14:6

―Na' laca̱ nu nclyu'u̱ tyucui̱i̱ ―nacui̱ Jesús li'―, na' nclyu'u̱ lcaa cha' nu liñi ca; na' nda̱ chalyuu tso'o ji'i̱ ngu', chalyuu nu ná nga'a̱ cha' tye. Ná taca ji'i̱ ngu' tyalaa ngu' ca slo ycui' Ndyosi si ná lo'o na' ―nacui̱ Jesús―.

APOCALIPSIS 1:19

Scua nu'u̱ cha' nu ndyaca re juani, cha' nu ña'a̱ nu'u̱ ca nde, jua'a̱ cha' nu caca nde chalyuu tyempo nde loo la, cha' tsaa quityi slo taju ñati̱ 'na nde quichi̱ tyi ngu' bi'.

SAN JUAN 8:38

Nclyu'u na' ji'i̱ ma̱ cua ña'a̱ ca cha' nu cua na'a̱ na' slo ycui' Ndyosi Sti na', bi' laca cha' nu nchcui' na' lo'o ma̱. Lo'o cu'ma̱ ni, ndu'ni ma̱ lcaa ña'a̱ cña nu ngua tsa'a̱ ma̱ ji'i̱ sti ma̱, bi' cña ndu'ni ma̱.

2 TESALONICENSES 2:3

Ná taquiya' ma̱ ji'i̱ ngu' cuiñi nu chcui' jua'a̱. Nu lo'o tya lyiji tyalaa tsa̱ bi', lye tsa xu̱u̱ tya'a ñati̱ chalyuu lo'o ycui' Ndyosi; li' ca̱a̱ sca ñati̱ nu ndu'ni cña ji'i̱ nu xña'a̱ nde chalyuu, nu ntsu'u cha' tsaa ca bilyaa lo'o tye chalyuu.

APOCALIPSIS 1:1

Nde nscua na' cha' nu ngulu'u Jesucristo 'na. Juan laca na', lo'o nde nscua na' sca cha' nu ntsu'u yacu̱' ti tya sa'ni la. Tya clyo la cua nda ycui' Ndyosi cha' bi' lo'o Jesús cha' culu'u ji'i̱ ñati̱ ji'i̱ ycui' lcaa ña'a̱ cha' nu cua lijya̱ ti cha' caca nde chalyuu. Li' nda Jesús cha' bi' lo'o na', nu lo'o nda Ni sca xca̱ ji'i̱ Ni nu ngutu'u nde cua̱ ya̱a̱ ca slo na', cha' ndyu'ni na' cña ji'i̱ Ni.

2 TESALONICENSES 2:12

Chañi cha' tsaa ngu' bi' ca su ná nga'a̱ cha' tye chcube' ngu', lcaa ngu' nu ná jlya ti' cha' tso'o ji'i̱ ycui' Ndyosi, ngu' nu ndiya la ti' cua'ni cua ña'a̱ ca lo cha' cuxi.

LOS HECHOS 27:24

ndi'ya̱ nchcui' nu bi' lo'o na': “Ná cutsi̱i̱ nu'u̱, Pablo”, nacui̱ xca̱ bi' jna'. “Na cua nscua cha' tyatu̱ nu'u̱ slo rey ji'i̱ ngu' romano nu laca loo la”, nacui̱, “bi' cha' cua'ni lyaá ycui' Ndyosi ji'i̱ lcaa ngu' tya'a ndya'a̱ nu'u̱ ne' yaca ni'i̱ re xqui'ya nu'u̱, cha' nu'u̱ laca tu'ba ji'i̱ Ni.”

LOS HECHOS 20:23

Tsa bi' ti cha' jlo ti' na' cha' lcaa quichi̱ su ndya'a̱ na' nacui̱ ngu' cha' cua tejeya' ti ngu' jna', cha' su'ba ngu' jna' ne' chcua̱; nacui̱ ngu' cha' lye tsa ca quicha ti' na' ca quichi̱ Jerusalén bi'. Tsa lo cua ti cha' jlo ti' na', cha' jua'a̱ laca cha' nu cua nda Xtyi'i ycui' Ndyosi lo'o na'.

SAN JUAN 3:32

nda yu cha' liñi lo'o na cuentya ji'i̱ lcaa na nu cua na'a̱ yu, lcaa cha' nu cua ndyuna yu ca bi'. Pana ná ntaja'a̱ ñati̱ xñi cha' nu nda yu lo'o ngu'.

LOS HECHOS 11:28

Agabo naa tsaca ngu' bi'. Cua nda Xtyi'i ycui' Ndyosi sca cui̱i̱ lo'o nu Agabo bi' cha' chcui' yu lo'o ngu'. Li' nchcui' Agabo lo'o ngu' cha' cua ca̱a̱ ti sca jbi'ña tlyu tsa tyucui ña'a̱ chalyuu. Chañi cha' jua'a̱ ngua cha' nu nda Agabo bi', pana nde loo la ngua cha' bi', nu lo'o ngua Claudio rey nu laca loo.

SAN JUAN 16:12

’Tya quiña'a̱ la cha' ntsu'u cha' nti' na' chcui' na' lo'o ma̱ nquicha' ―nacui̱ Jesús ji'i̱ ñati̱ nu ndyaca tsa'a̱ ji'i̱―, pana ná talo ma̱ cua'a̱ jyaca̱ ma̱ ji'i̱ cha' bi' juani, cha' tucui tsa cha' bi'.

HEBREOS 1:1

Nu ngua tya sa'ni la, tyu̱u̱ tsa quiya' cua nchcui' ycui' Ndyosi lo'o jyo'o cusu' ji'na, quiña'a̱ xi cha' nda Ni lo'o jyo'o bi'; cua nda ycui' Ndyosi cha' lo'o jyo'o bi', cha' chcui' ngu' lo'o lcaa tya'a quichi̱ tyi ngu'.

1 JUAN 5:6

Nu sca ti Sñi' ycui' ca Ndyosi laca Jesucristo, nu ya̱a̱ chalyuu. Ntyucuatya ngu' ji'i̱ yu li'. Ngujuii yu lo crusi, ndyalú tañi ycui' yu li'. Si'i xqui'ya cha' nu cua ntyucuatya ti yu, masi lo'o xqui'ya cha' cua ngujuii yu lo crusi ndyalú tañi yu, bi' cha' nchca cuayá' ti' na juani cha' nu sca ti Sñi' ycui' Ndyosi laca Jesucristo. Bi' laca cha' nu ndacha' Xtyi'i ycui' Ndyosi ji'na, lo'o jua'a̱ chañi tsa laca cha' bi'.