SAN JUAN 15:25 - Chatino Tataltepec

²⁵ Nga'a̱ cha' caca cha' jua'a̱, cha' nu nscua lo quityi cusu' ji'i̱ ngu' bi'; ndi'ya̱ nchcui' cha' bi': “Liye' ti' ngu' ña'a̱ ngu' jna', masi ná ntsu'u su̱u̱ cha' ji'i̱ ngu' cha' cua'ni ngu' jua'a̱”.

SAN JUAN 15:25 Referans Kwoze

SAN LUCAS 24:44

Lo'o ti nchcui' yu lo'o ngu' li': ―Cha' nu ngua ca ti 'na, bi' laca cha' nu cua ndacha' na' ji'i̱ ma̱ lo'o tya ndi'i̱ na' lo'o cu'ma̱ tya tsubi' la ―nacui̱ yu―. Cua nacui̱ na' ji'i̱ ma̱ cha' nga'a̱ cha' caca 'na lcaa cha' nu cua nscua cuentya 'na lo quityi nu nguscua jyo'o Moisés, lo'o jua'a̱ lo quityi nu nguscua jyo'o ngu' nu ngua tu'ba ji'i̱ ycui' Ndyosi nu ngua sa'ni, lo'o jua'a̱ lo quityi Salmos nscua cha' bi'.

2 CORINTIOS 11:7

Ná ngusñi na' caya' ji'i̱ ma̱ tsiya' ti nu lo'o ndi'i̱ na' ngulu'u na' cha' tso'o ji'i̱ ycui' Ndyosi ji'i̱ ma̱. Cua ntaja'a̱ na' li' cha' caca ti'í la na' xqui'ya cu'ma̱, cha' caja ñi'ya̱ caca tso'o la tyiquee ycui' cu'ma̱. ¿Ha ná tso'o cha' ngua'ni na' jua'a̱, nti' cu'ma̱?

APOCALIPSIS 21:6

Li' nchcui' Ni lo'o na' chaca quiya': ―Jua'a̱ caca lacua. Ñi'ya̱ nti' letra A ―nacui̱ Ni―, jua'a̱ nguxana lcaa cha' lo'o na'; ñi'ya̱ nti' letra Z, jua'a̱ tye lcaa cha' lo'o na' ―nacui̱ Ni―. Xlya'be ti ta na' na co'o ñati̱ nu jña tsa cha' bi' 'na; nu na co'o ngu' bi', tyu'u bi' ca su tyu'u lcaa cha' tso'o nu ta na' ji'i̱ ngu' cha' cua'ni cu'ú cresiya ji'i̱ ngu'.

APOCALIPSIS 22:17

―Tya̱a̱ ma̱ ca nde ―nacui̱ nu laca Xtyi'i ycui' Ni. La cui' jua'a̱ laca cha' nu nda lcaa na nu ngusñi na cha' ji'i̱ ycui' Ndyosi, tyucui ña'a̱ taju ñati̱ tya'a na nu ntsu'u cha' ji'na lo'o nu ñi'ya̱ ña'a̱ xlya' bi'. Lo'o li' la cui' jua'a̱ nga'a̱ cha' chcui' lcaa na nu ndyuna na cha' re: ―Tya̱a̱ cu'ma̱ lo'o cua ―ñacui̱ na li'. Lcaa ñati̱ nu lyiji tsa cha' ji'i̱, tya̱a̱ ngu' cha' co'o ngu' hitya nu ta ycui' Ndyosi ji'i̱ ngu' xlya'be ti; caja chalyuu cucui nu ta ycui' Ndyosi ji'i̱ ngu' li', lcaa ñati̱ nu nti' tsa cha' caja cha' bi' ji'i̱.

2 TESALONICENSES 3:8

Ná ndyacu laja ti ya slo cu'ma̱ nu ngua li'; nda ya caya' cha' nguxacu ma̱ ji'i̱ ya, cha' ngua'ni ya cña cha' cajá ñi'ya̱ nu tyiji̱ yu'u ji'i̱ ya. Tsa̱ lo'o talya ngua'ni ya cña lo'o ya' ti ya, cha' si'i cu'ma̱ nu ngüi'ya ma̱ na nu ndyacu ya li'.

GÁLATAS 2:21

Si'i cha' ná ndube ti' na' ji'i̱ lcaa cha' tso'o nu ngua'ni ycui' Ndyosi lo'o ngu' judío tya'a ya; laca cha' ndube tsa ti' na' cha' ná taca ca tso'o cresiya ji'na cuentya ji'i̱ ycui' Ndyosi, masi tso'o tsa ndaquiya' na ji'i̱ cña nu nclyo cha' cusu' bi' ji'na. Ndube tsa ti' na' cha' ná ngujuii Jesús jua'a̱ ti; ntsu'u cña nu ngua'ni yu lo'o ngujuii yu lo crusi bi', na cua ngua'ni tso'o yu ji'i̱ cresiya ji'na cuentya ji'i̱ ycui' Ndyosi nu ngua li'.

ROMANOS 3:24

Pana cua'ni Ni cha' caca tso'o cresiya ji'na, cha' tso'o ti ntsu'u tyiquee Ni ña'a̱ Ni ji'na; sca cha' tso'o nu ngua'ni ti Ni cuentya ji'na laca, cha' tlyu tsa cña nu ngua'ni ycui' Jesucristo cha' cati̱ qui'ya nu ntsu'u ji'na, nu lo'o ngujuii yu lo crusi cha' cua'ni lyaá yu ji'na.

ROMANOS 3:19

Cua jlo ti' na cha' cua nscua lcaa cha' cusu' bi', cha' cube ti' ngu' judío nu ntsu'u cha' ji'i̱ lo'o cha' bi'; jua'a̱ nguscua jyo'o cusu', cha' cua nti' ycui' Ndyosi cha' caca cuayá' ti' lcaa ñati̱ tyucui ña'a̱ chalyuu cha' ná caja ñi'ya̱ nu cua'ni lyaá ngu' ji'i̱ ycui' ca ngu' lo'o Ni, cha' nga'a̱ cha' cua'ni cuayá' Ni ji'i̱ ngu'.

SAN JUAN 10:34

Li' nacui̱ Jesús ji'i̱ ngu': ―Lo quityi nscua cha' cusu' nu jlya tsa ti' ma̱, ntsu'u sca cha' nu nchcui' ndi'ya̱: “Ndyosi laca lcaa cu'ma̱ cuentya jna'” ―nacui̱ Jesús―.

SAN JUAN 19:36

Cua ngua jua'a̱, ñi'ya̱ nu nscua cha' lo quityi ji'i̱ ycui' Ndyosi ndi'ya̱: “Ná catsa ni tsaca tyijya̱ yu”.

SAN MATEO 10:8

Cua'ni ma̱ cha' tyaca tso'o ngu' quicha, cua'ni ma̱ cha' chaca quiya' tyu'ú ngu' nu cua ngujuii; cua'ni ma̱ jo'o ji'i̱ ngu' nu ndyatsu' cuaña', cha' nu xa' caca lubii cuaña' ngu' quicha bi'; culo ma̱ ji'i̱ cui'i̱ cuxi nu ngusñi ji'i̱ xa' la ñati̱. Ná ngusñi na' cñi lo'o nda na' chacuayá' ji'i̱ ma̱ cha' cua'ni ma̱ jo'o ji'i̱ ngu' quicha, bi' cha' ná cui'ya ma̱ caya' lo'o cua'ni ma̱ jo'o ji'i̱ ngu'.

SAN JUAN 13:18

’Ná nchcui' na' ji'i̱ lcaa cu'ma̱. Jlo ti' na' ti ji'i̱ ngusubi na' cha' caca tsa'a̱ ngu' jna' ―nacui̱ Jesús―. Tya sa'ni nguscua ngu' sca cha' ji'i̱ ycui' Ndyosi lo quityi ndi'ya̱: “La cui' ñati̱ nu stu'ba ndyacu tyaja lo'o na', bi' laca nu xu̱u̱ tya'a lo'o na' juani”; jlo ti' na' cha' nga'a̱ cha' caca cha' bi' ―nacui̱ Jesús―.