SAN JUAN 15:24 - Chatino Tataltepec

²⁴ Ná ntsu'u qui'ya ji'i̱ ngu' bi' clyo, pana juani ni, cua nguti'i̱ na' slo ngu' bi', cua ngua'ni na' cña nu ná caca ji'i̱ xa' ñati̱ cua'ni; cua na'a̱ ngu' lcaa ña'a̱ cña tonu nu ngua'ni na', bi' cha' liye' ti' ngu' ña'a̱ ngu' jna'. Lo'o jua'a̱ ji'i̱ Sti na' liye' ti' ngu' ña'a̱ ngu' ji'i̱ Ni, bi' cha' cua ndyanu yabe' hichu̱' ngu' bi' ―nacui̱ Jesús―.

SAN JUAN 15:24 Referans Kwoze

SAN JUAN 14:9

―Felipe ―nacui̱ Jesús ji'i̱―, cua tyu̱u̱ tsa tsa̱ ndi'i̱ na' lo'o cu'ma̱, ¿ha tya lyiji tyuloo ma̱ jna'? ―nacui̱―. Cua na'a̱ ma̱ 'na, bi' cha' jua'a̱ ji'i̱ Sti na' cua na'a̱ ma̱ li'. ¿Na laca nti' nu'u̱ lo'o ndi'ya̱ nchcui' nu'u̱ lo'o na': Culu'u nu'u̱ ji'i̱ Sti nu'u̱ ji'i̱ ya? ―nacui̱ Jesús ji'i̱ Felipe―.

SAN JUAN 5:36

Pana xti ti cha' 'na nchcui' Juan lo'o ma̱; cua quiña'a̱ la cha' caca ña'a̱ ma̱ juani cuentya jna', nu lo'o ña'a̱ ma̱ cña tonu nu nda Sti na' 'na cha' cua'ni na'. Tya cua'ni na' cña bi' ña'a̱ cuayá' tye bi'. Xqui'ya cña bi' caca cuayá' ti' ma̱ cha' ycui' Sti na' ngulo cña jna' cha' ca̱a̱ na' nde chalyuu re ―nacui̱ Jesús―.

SAN JUAN 10:37

Ná ntsu'u cha' jlya ti' ma̱ jna' ―nacui̱ Jesús li'―, si ná ndu'ni na' cua ña'a̱ ca cña nu ndu'ni Sti na' ―nacui̱―.

SAN JUAN 10:32

Li' nchcui' yu lo'o ngu' bi': ―Cua quiña'a̱ tsa cña tso'o ngua'ni na' chacuayá' ji'i̱ Sti na' slo cu'ma̱, lo'o jua'a̱ cua na'a̱ ma̱ cña nu ngua'ni na'. ¿Ha xqui'ya sca cña tso'o nu ngua'ni na', bi' cha' nti' ma̱ cuta ma̱ quee 'na?

SAN JUAN 9:32

Tya lo'o nguxana chalyuu, bilya cua'ni ngu' cha' tyu'u xee cloo ñati̱ chaca quiya' nu lo'o ca ña'a̱ cuityi̱' ngu' lo'o ngula ngu'.

SAN JUAN 7:31

Masi jua'a̱ ngua'ni ngu' bi', tya ndi'i̱ quiña'a̱ ñati̱ nu ngusñi cha' ji'i̱ yu. Nchcui' ngu' lo'o tya'a ngu' li': ―La cui' ña'a̱ cña tonu cuentya ji'i̱ ycui' Ndyosi ndu'ni yu re, ñi'ya̱ nu nscua lo quityi cha' cua'ni nu ñati̱ tlyu nu cua ca̱a̱ ti; bi' laca yu re, nti' ya ―nacui̱ ngu'.

SAN JUAN 3:2

Ndyaa nu cusu' bi' sca talya su nga'a̱ Jesús: ―Mstru Jesús ―nacui̱―, jlo ti' ngu' cha' nu'u̱ laca sca mstru nu nda ycui' Ndyosi ji'i̱ lijya̱ chalyuu, cha' ná ngua jinu'u̱ cua'ni ni sca cha' tlyu si ná nxtyucua ycui' Ndyosi jinu'u̱. Ná nchca ji'i̱ ñati̱ chalyuu cua'ni ngu' jua'a̱ ―nacui̱ Nicodemo ji'i̱ Jesús.

SAN MATEO 9:33

Lo'o ngulo Jesús cui'i̱ cuxi ji'i̱ nu quicha bi', li' ngua nchcui' yu, masi cu'u̱ yu tsa̱ la. Ndube tsa ti' lcaa ñati̱ nu ndu̱ ndacua li'. ―Bilya ña'a̱ na sca cha' tlyu jua'a̱ ―nacui̱ ngu' ji'i̱ tya'a ngu'―. Ná ntsu'u ñati̱ tyucui ña'a̱ nasiyu̱ Israel re nu caca cua'ni jo'o jua'a̱ ―nacui̱ ngu'.

SANTIAGO 4:4

cua nguxtyanu ma̱ ji'i̱ ycui' Ndyosi, cua ntsu'u cha' ji'i̱ ma̱ lo'o sca cha' nu cuxi tsa, si jua'a̱ ndyu'ni ma̱. ¿Ha ná nchca cuayá' ti' ma̱ cha' tya'a cusu̱u̱ ycui' Ndyosi laca na, si xcui' cha' ji'i̱ ycui' ca ti na ntsu'u tyiquee na? Na nxu̱u̱ tya'a na lo'o ycui' Ndyosi, si cua'ni tya'a na lo'o nu cuxi nu ntsu'u nde chalyuu.

2 TIMOTEO 3:4

masi ngu' nu nñilo'o ji'i̱ tya'a tso'o ti ngu', masi ngu' nu ná cube ti' tsiya' ti' si lye tsa ndyu'ni tyucuaa ti' ji'i̱ tya'a ngu'; cua'ni ngu' cua ña'a̱ ca cha' cuxi nu jña cresiya ji'i̱ ycui' ca ngu', cha' nga'aa nti' ngu' bi' taquiya' ngu' ji'i̱ ycui' Ndyosi.

ROMANOS 1:30

hasta nchcui' ngu' cha' ti'í ji'i̱ tya'a ngu'; liye' ti' ngu' ña'a̱ ngu' ji'i̱ ycui' Ndyosi, cha' suba' nchcui' ngu'; tyixi ndu'ni ngu' lo'o tya'a ngu', ndu'ni tyucuaa tsa ti' ngu' lo'o tya'a ñati̱ ngu'. Lo'o jua'a̱ tya nclyana la ngu' cha' cuxi nu cua'ni ngu', ni ná ndaquiya' ngu' ji'i̱ sti ngu', ji'i̱ xtya'a̱ ngu'.

LOS HECHOS 10:38

Jlo ti' ma̱ ñi'ya̱ nguti'i̱ Jesús chalyuu, la cui' Jesús Nazaret. Cua ngusubi ycui' Ndyosi Sti yu ji'i̱ Jesús, nda la Ni juersa ji'i̱ nu Jesús bi' nu lo'o ndyalaa Xtyi'i ycui' Ni lo yu. Lcaa su nguta'a̱ yu ngua'ni yu cha' tso'o lo'o ñati̱, lo'o jua'a̱ ngua'ni yu cha' ndyaca tso'o ngu' nu quicha tsa, masi ñati̱ nu ntsu'u tsa cha' ti'í ji'i̱ xqui'ya cha' ngusñi cui'i̱ cuxi ji'i̱ ngu'. Ngua'ni Jesús cña jua'a̱, cha' nguxtyucua ycui' Ndyosi ji'i̱ yu.

LOS HECHOS 2:22

’Cu'ma̱ ngu' Israel ―nacui̱ yu―, cua'a̱ jyaca̱ ma̱ ji'i̱ cha' nu chcui' na' lo'o ma̱ juani: Ngu' Nazaret laca Jesús. Nguxtyucua ycui' Ni ji'i̱ yu lo'o ngua'ni yu xcui' cña tonu ca slo ma̱. Ngulacua tsa ti' ma̱ lo'o na'a̱ ma̱ cña tonu bi', lo'o ngua cuayá' ti' ma̱ cha' xcui' cña ji'i̱ ycui' Ndyosi ngua.

SAN JUAN 12:45

Lo'o ña'a̱ ñati̱ jna', li' ña'a̱ ngu' ji'i̱ ycui' Ni nu nclyo cña jna'.

SAN JUAN 6:36

Pana nu cu'ma̱ ni, ñi'ya̱ nu ni na' ji'i̱ ma̱ tsubi' cha' ná jlya ti' ma̱ jna', masi cua na'a̱ ma̱ jna' ―nacui̱ Jesús―.

SAN LUCAS 24:19

―¿Na laca ngua? ―nacui̱ Jesús ji'i̱ ngu'. Li' nguxacui̱ ngu' cha' ji'i̱ yu: ―Cha' ji'i̱ Jesús Nazaret ―nacui̱ ngu'―, tu'ba ji'i̱ ycui' Ndyosi ngua yu bi' nchcui' Ni lo'o ñati̱. Ngua tsa ji'i̱ cha' tu'ba, lo'o jua'a̱ ngua tsa ji'i̱ ngua'ni quiña'a̱ tsa cha' tlyu cuentya ji'i̱ ycui' Ndyosi; jua'a̱ quiña'a̱ tsa ñati̱ na'a̱ ji'i̱ cha' tlyu bi'.

SAN MARCOS 2:12

Hora ti ndyatu̱ nu quicha bi', ngusñi catya̱ ji'i̱, ngutu'u ndyaa li'; na'a̱ lcaa ngu' nu lo'o ndu'u nu ngua quicha bi' ndyaa lo'o catya̱ ji'i̱. Ndube tsa ti' ngu', li' ngua'ni tlyu ngu' ji'i̱ ycui' Ndyosi xqui'ya cha' bi': ―Ni sca ya bilya ña'a̱ ya sca cha' tlyu ñi'ya̱ nu ngua'ni nu'u̱ juani ―nacui̱ ngu' ji'i̱ ycui' Ndyosi li'.

SAN MATEO 21:32

Nu lo'o ñaa jyo'o Juan bi' ni, xcui' cha' liñi nchcui' yu lo'o ma̱. Liñi tsa ngua'ni yu, pana ná ngua'ni cuentya ma̱ tsiya' ti ji'i̱ cha' nu nchcui' yu lo'o ma̱. Lo'o nu ngu' cuxi nu nxñi cñi cña loo ngu' ni, cua ndaquiya' ngu' bi' ji'i̱ cha' nu nchcui' Juan bi' li'; jua'a̱ nu cuna'a̱ calle bi', ndaquiya' ngu' ji'i̱ cha' nu nchcui' Juan. Masi cua na'a̱ ma̱ ñi'ya̱ jlya ti' nu ngu' cuxi tyiquee bi' cha' nu ngulu'u Juan, ná nchca caca tyuju'u ti' ma̱ ji'i̱ qui'ya nu ntsu'u ji'i̱ ycui' ca ma̱, xqui'ya cha' ná ngusñi ma̱ cha' nu nchcui' Juan bi' tsiya' ti.

SAN MATEO 11:5

Cacha' ma̱ cha' nu cua na'a̱ ma̱ ca nde ji'i̱ yu; cacha' ma̱ ji'i̱ cha' ndu'ni na' cha' ndyaca tso'o cloo ngu' nu ngua cuityi̱', cha' ndya'a̱ ngu' nu ngua quicha quiya', cha' ngua lubii cuaña' ngu' nu ndyatsu' cuaña', cha' nduna ngu' nu ngua cu'u̱ jyaca̱, cha' ndyu'ú ngu' chaca quiya' nu cua ngujuii, cha' nchca cuayá' ti' ngu' ti'i ñi'ya̱ nu cua'ni lyaá ycui' Ni ji'i̱ ñati̱ chalyuu ji'i̱ nu cuxi.

SAN JUAN 12:10

Lo'o li' ngua'ni stu'ba sti jo'ó nu laca loo cha' ji'i̱ ngu' lo'o tya'a ngu', cha' lo'o ji'i̱ Lázaro cujuii ngu',

SAN JUAN 9:41

―Ná ntsu'u qui'ya ji'i̱ ma̱, si jlo ti' ma̱ cha' cuityi̱' ti ma̱ ―nacui̱ Jesús―. Cha' nchcui' ma̱ cha' taca ña'a̱ ma̱, bi' cha' ña'a̱ ti ntsu'u qui'ya ji'i̱ ma̱.

SAN JUAN 15:21

Jua'a̱ cua'ni ngu' lo'o cu'ma̱ xqui'ya na' ―nacui̱ Jesús―, cha' ná nslo ngu' tilaca laca nu nda 'na lijya̱a̱ nde chalyuu.

SAN JUAN 15:22

’Ná ntsu'u qui'ya ji'i̱ ngu' bi' lo'o bilya ca̱a̱ na' chcui' na' lo'o ngu'; pana juani ni, nga'aa cua'ni clyu ti' ycui' Ndyosi ji'i̱ ngu' bi' ji'i̱ cha' cuxi nu ndu'ni ngu'.

SAN JUAN 15:23

Nu lo'o liye' ti' ngu' ña'a̱ ngu' jna', jua'a̱ ji'i̱ ycui' Ndyosi Sti na' liye' ti' ngu' ña'a̱ ngu' ji'i̱ Ni ―nacui̱ Jesús―.

SAN JUAN 16:9

Cua'ni Xtyi'i ycui' Ni cha' cube ti' ngu' cha' ntsu'u qui'ya ji'i̱ ngu' cuentya ji'i̱ ycui' Ndyosi, xqui'ya cha' jlo ti' ngu' cha' ná ndaquiya' ngu' ji'i̱ cha' nu nchcui' na' ―nacui̱ Jesús―.