SAN JUAN 15:22 - Chatino Tataltepec

²² ’Ná ntsu'u qui'ya ji'i̱ ngu' bi' lo'o bilya ca̱a̱ na' chcui' na' lo'o ngu'; pana juani ni, nga'aa cua'ni clyu ti' ycui' Ndyosi ji'i̱ ngu' bi' ji'i̱ cha' cuxi nu ndu'ni ngu'.

SAN JUAN 15:22 Referans Kwoze

SAN JUAN 9:41

―Ná ntsu'u qui'ya ji'i̱ ma̱, si jlo ti' ma̱ cha' cuityi̱' ti ma̱ ―nacui̱ Jesús―. Cha' nchcui' ma̱ cha' taca ña'a̱ ma̱, bi' cha' ña'a̱ ti ntsu'u qui'ya ji'i̱ ma̱.

SANTIAGO 4:17

Lo'o li' ntsu'u qui'ya ji'i̱ ma̱, cha' ná ntaja'a̱ ma̱ cua'ni ma̱ sca cña tso'o nu ngulo ycui' Ni ji'i̱ ma̱ cha' cua'ni ma̱.

LOS HECHOS 17:30

Cua ndalo tsa tyiquee ycui' Ndyosi ji'i̱ ñati̱ chalyuu tyempo sa'ni lo'o bilya ca jlo ti' ngu' lcaa cha' bi', pana juani cua ngulo Ni cña ji'i̱ lcaa ñati̱ chalyuu cha' culochu̱' ngu' lcaa cha' cuxi nu ntsu'u ji'i̱ ngu'.

ROMANOS 1:20

Ycui' Ndyosi ni, ná nchca ji'na ña'a̱ na ji'i̱ Ni ca su ntucua Ni nde cua̱, ni ná taca ca cuayá' ti' na ñi'ya̱ laca cha' ná tye chca cha' tlyu nu ndu'ni Ni. Pana tya lo'o nguxana chalyuu tya clyo, tya li' taca tyuloo na ji'i̱ ycui' Ni; tya li' ngujui ñi'ya̱ caca cuayá' ti' na tilaca laca ycui' Ni, si clyana na ji'i̱ Ni. Taca tyuloo ñati̱ ji'i̱ Ni lo'o ña'a̱ ngu' ji'i̱ lcaa lo na nu ngüiñá Ni. Bi' cha' ná ntsu'u cha' clyu ti' ji'i̱ ycui' Ndyosi lo'o ñati̱ cuxi bi'.

SAN JUAN 12:48

Pana cua ndyuna ñati̱ lo'o nchcui' na' lo'o ngu'; bi' laca cha' nu tyanu cuentya ji'i̱ ngu', nu lo'o cua'ni cuayá' ycui' Ndyosi ji'i̱ ngu' lo'o cua ndye chalyuu ―nacui̱ Jesús―. Ca li' cua'ni cuayá' Ni ji'i̱ lcaa ñati̱ nu ná ndaquiya' ji'i̱ cha' nu nchcui' na', nu ná ntaja'a̱ xñi cha' nu nchcui' na' lo'o ngu'.

1 PEDRO 2:16

Ñati̱ nu ndi'i̱ tso'o ti laca ma̱ juani, pana ná tso'o si ná taquiya' ma̱ ji'i̱ ngu' nu laca loo lo yuu chalyuu; msu ji'i̱ ycui' Ndyosi laca ma̱ juani, bi' cha' tso'o la si cua'ni ma̱ cña nu cuentya ji'i̱ ycui' Ni lacua, cha' ña'a̱ xa' ñati̱ cha' ntsu'u cha' ji'i̱ ma̱ lo'o Ni.

ROMANOS 2:1

Lo'o cu'ma̱ ni, nchcui' tsa ma̱ ji'i̱ sca cha' cuxi nu ndyu'ni ñati̱; pana ná caja ñi'ya̱ nu cua'ni clyu ti' Ni ji'i̱ ycui' ma̱, nu lo'o nclyotu̱ ma̱ qui'ya nu ntsu'u ji'i̱ xa' ñati̱, lo'o jua'a̱ ycui' ca ma̱ ntsu'u qui'ya bi' ji'i̱ ma̱. Ñi'ya̱ ndu'ni cuayá' bese ji'i̱ ñati̱ cuxi, jua'a̱ ndu'ni ma̱, nu lo'o nchcui' ma̱ jua'a̱ ji'i̱ ñati̱; pana stu'ba ntsu'u qui'ya ji'i̱ ma̱ lo'o nu ñati̱ cuxi bi'.

SAN LUCAS 12:46

Lo'o li' tsiya' ca tyu'u tucua xu'na yu sca tsa̱ lo'o ná tii yu. Ná jlo ti' yu ni hora tyu'u tucua ycui' nu xu'na yu chaca quiya', la cui' ti ná jlya ti' yu si tyalaa xu'na yu tsa̱ bi'. Li' ti'í tsa xcube' xu'na yu ji'i̱ yu xña'a̱ bi'. Stu'ba ti tsaa yu ca bilyaa cha' chcube' yu lo'o ñati̱ nu ná ndaquiya' ji'i̱ ycui' Ndyosi tsiya' ti.

SAN JUAN 19:11

―Ná ntsu'u chacuayá' jinu'u̱ tsiya' ti cha' caca nu'u̱ loo jna' ―nacui̱ Jesús ji'i̱ Pilato―. Ycui' Ndyosi nu laca loo la, bi' laca nu ta chacuayá' ji'na; bi' cha' tlyu la qui'ya ntsu'u ji'i̱ yu nu cua ndyujui' cresiya 'na jinu'u̱.

SAN JUAN 15:23

Nu lo'o liye' ti' ngu' ña'a̱ ngu' jna', jua'a̱ ji'i̱ ycui' Ndyosi Sti na' liye' ti' ngu' ña'a̱ ngu' ji'i̱ Ni ―nacui̱ Jesús―.

SAN JUAN 15:24

Ná ntsu'u qui'ya ji'i̱ ngu' bi' clyo, pana juani ni, cua nguti'i̱ na' slo ngu' bi', cua ngua'ni na' cña nu ná caca ji'i̱ xa' ñati̱ cua'ni; cua na'a̱ ngu' lcaa ña'a̱ cña tonu nu ngua'ni na', bi' cha' liye' ti' ngu' ña'a̱ ngu' jna'. Lo'o jua'a̱ ji'i̱ Sti na' liye' ti' ngu' ña'a̱ ngu' ji'i̱ Ni, bi' cha' cua ndyanu yabe' hichu̱' ngu' bi' ―nacui̱ Jesús―.

SAN JUAN 16:9

Cua'ni Xtyi'i ycui' Ni cha' cube ti' ngu' cha' ntsu'u qui'ya ji'i̱ ngu' cuentya ji'i̱ ycui' Ndyosi, xqui'ya cha' jlo ti' ngu' cha' ná ndaquiya' ngu' ji'i̱ cha' nu nchcui' na' ―nacui̱ Jesús―.