SAN JUAN 15:14 - Chatino Tataltepec

¹⁴ Tya'a tso'o na' laca cu'ma̱ si taquiya' ma̱ ji'i̱ cha' nu nda na' lo'o ma̱ ―nacui̱ Jesús―,

SAN JUAN 15:14 Referans Kwoze

SAN MATEO 12:50

Tya'a na' laca lcaa ngu' nu ndu'ni ñi'ya̱ nu nti' Sti na' nu ntucua nde cua̱ cha' cua'ni ngu'; ñati̱ bi' laca ñi'ya̱ laca xtya'a̱ na', ñi'ya̱ laca tya'a na', masi nu qui'yu, masi nu cuna'a̱.

1 JUAN 5:3

Si chañi cha' ntsu'u tyiquee na ña'a̱ na ji'i̱ Ni, taquiya' na ji'i̱ cha' nu chcui' Ni lo'o na li', cha' si'i sca cña nu tucui tsa laca cha' taquiya' na ji'i̱ scaa cha' nu nchcui' Ni.

SANTIAGO 2:23

Bi' laca cha' nu nscua lo quityi cusu' ndi'ya̱: “Ngusñi Abraham cha' ji'i̱ ycui' Ndyosi, bi' cha' ntucuá Ni cha' ji'i̱ Abraham cha' caca yu sca ñati̱ nu lubii tsa cresiya ji'i̱”. Tya'a tso'o ycui' Ndyosi ngua Abraham li', nacui̱ quityi.

SAN JUAN 14:21

Lcaa ñati̱ nu chañi cha' ntsu'u tyiquee ngu' ña'a̱ ngu' jna', bi' laca ñati̱ nu cua'a̱ jyaca̱ ji'i̱ lcaa cha' nu chcui' na' lo'o ngu'; taquiya' ngu' bi' ji'i̱ cha' bi' ―nacui̱―. Lo'o ntsu'u tsa tyiquee ngu' ña'a̱ ngu' jna', jua'a̱ Sti na' ntsu'u tyiquee Ni ña'a̱ Ni ji'i̱ ngu' bi' li'. Lo'o na', tso'o tsa caca tyiquee na' ña'a̱ na' ji'i̱ ngu' bi', cuati culu'u na' ji'i̱ ngu' bi' lcaa cha' ñi'ya̱ nu laca ycui' Na'.

SAN JUAN 14:15

’Taquiya' ma̱ ji'i̱ lcaa cha' nu nchcui' na' lo'o ma̱, si chañi cha' ntsu'u tyiquee ma̱ 'na ―nacui̱ Jesús―.

SAN LUCAS 12:4

’Tya'a tso'o na' laca cu'ma̱, bi' cha' chcui' na' cha' re lo'o ma̱, cha' ná cutsi̱i̱ ma̱ ji'i̱ ñati̱ chalyuu nu caca cujuii ji'na, cha' nu nga'aa caca cua'ni ngu' xa' la cha' cuxi ji'na ca tiya' la, nu lo'o cua ngujuii na.

SAN JUAN 13:17

Lo'o juani lo'o ngua cuayá' ti' ma̱ lcaa ña'a̱ cha' nu nda ca ti na' lo'o ma̱, tso'o tsa caca tyiquee ma̱ li', si taquiya' ma̱ ji'i̱ cha' bi' ―nacui̱―.

SAN JUAN 2:5

Masi jua'a̱ nchcui' yu, ndi'ya̱ nchcui' xtya'a̱ yu lo'o msu li': ―Cua'ni ma̱ ñi'ya̱ nu ñacui̱ yu cha' cua'ni ma̱ ―nacui̱.

SAN JUAN 14:28

Cua ndyuna ma̱ lo'o nchcui' na' ndi'ya̱: “Tya'a na', pana ca tiya' la li' ca̱a̱ na' su ndi'i̱ ma̱ chaca quiya'”. Bi' cha' taca ca chaa ti' ma̱ lo'o cuna ma̱ cha' cua tya'a ti na' slo ycui' Ndyosi Sti na', si chañi cha' ntsu'u tyiquee ma̱ ña'a̱ ma̱ jna'. Cua tlyu la cha' nu ntsu'u ji'i̱ ycui' Ndyosi Sti na', sube la cha' jna' ―nacui̱ Jesús―.