SAN JUAN 15:10 - Chatino Tataltepec

¹⁰ Lcaa tsa̱ tyi'u ti' ma̱ su ndi'i̱ ma̱ cha' ntsu'u tsa tyiquee na' ña'a̱ na' ji'i̱ ma̱. Jua'a̱ tso'o tsa caca tyiquee na' ña'a̱ na' ji'i̱ ma̱ si taquiya' ma̱ ji'i̱ lcaa cha' nu nda na' lo'o ma̱. Lo'o jua'a̱ na' ―nacui̱ Jesús― cua ngua'ni na' lcaa cña nu ngulo Sti na' 'na. Jlo ti' na' cha' ntsu'u tsa tyiquee Ni ña'a̱ Ni jna' tyucui su ndi'i̱ na'.

SAN JUAN 15:10 Referans Kwoze

SAN JUAN 14:15

’Taquiya' ma̱ ji'i̱ lcaa cha' nu nchcui' na' lo'o ma̱, si chañi cha' ntsu'u tyiquee ma̱ 'na ―nacui̱ Jesús―.

1 JUAN 5:3

Si chañi cha' ntsu'u tyiquee na ña'a̱ na ji'i̱ Ni, taquiya' na ji'i̱ cha' nu chcui' Ni lo'o na li', cha' si'i sca cña nu tucui tsa laca cha' taquiya' na ji'i̱ scaa cha' nu nchcui' Ni.

1 JUAN 2:5

Si chañi laca cha' ntucuá na lcaa cha' nu nda Jesucristo lo'o na, li' chañi laca cha' ntsu'u tyiquee na ña'a̱ na ji'i̱ ycui' Ndyosi Sti yu; jua'a̱ caca cuayá' ti' na cha' chañi cha' laca na ñati̱ ji'i̱ Jesucristo masi tya ndi'i̱ na chalyuu.

2 PEDRO 2:21

Tso'o la si ná ngua tsa'a̱ ngu' tsiya' ti ji'i̱ tyucui̱i̱ liñi su tsaa na ca slo ycui' Ndyosi; ná tso'o si ngua cuayá' ti' ngu', lo'o li' nguxtyanu ngu' tyucui̱i̱ liñi su tsaa na ca slo Ni. Nga'aa ndaquiya' ngu' bi' ji'i̱ cha' nu cua nda Cristo lo'o na li'.

SAN JUAN 8:29

Lcaa tsa̱ ndi'i̱ Ni lo'o na', ycui' Ni laca nu nda jna' lijya̱a̱ re. Ná nguxtyanu Sti na' jna', cha' xcui' cña nu ndiya ti' Ni, bi' laca cña nu ndu'ni na'.

SAN JUAN 4:34

Ndi'ya̱ nacui̱ Jesús ji'i̱ ngu' bi' li': ―Lo'o ndu'ni na' cña ji'i̱ ycui' Ndyosi Sti na', li' ndyaala' ti' na' ñi'ya̱ si cua ndyacu na', ñi'ya̱ si cua ndyo'o na' hitya ―nacui̱ yu―. Nga'a̱ cha' cua'ni tye na' cña nu nda Ni 'na lijya̱a̱ nde chalyuu ―nacui̱―.

1 TESALONICENSES 4:1

Cu'ma̱ ngu' tya'a na, juani ndijña ya ji'i̱ ma̱ chacuayá' ji'i̱ Jesús nu Xu'na na, cha' ña'a̱ ti cua'ni ma̱ lcaa ña'a̱ cha' tso'o nu nti' ycui' Ndyosi cha' cua'ni ma̱ laja lo'o tyi'i̱ ma̱ chalyuu. Li' tso'o la caca cua'ni ma̱ cña ji'i̱ ycui' Ndyosi. Chañi cha' tso'o tsa ndyu'ni ma̱, pana cua nti' ya cha' ña'a̱ ti tya cua'ni la ma̱ la cui' cña nu cua ngulu'u ya ji'i̱ ma̱ tya tsubi' la cuentya ji'i̱ ycui' Ndyosi.

SAN JUAN 17:4

’Nde lo yuu re su nguti'i̱ na' cua ngua'ni na' cha' tlyu tsa laca nu'u̱ ―nacui̱ Jesús―, jua'a̱ cua ndye ngua'ni na' lcaa cña nu nda nu'u̱ 'na cha' cua'ni na' ca nde.

SAN JUAN 14:31

Pana nga'a̱ cha' caca cuayá' ti' ngu' cha' ntsu'u tsa tyiquee na' ña'a̱ na' ji'i̱ ycui' Ndyosi Sti na', bi' cha' ndu'ni na' lcaa cña nu nclyo ycui' Ni 'na ―nacui̱ Jesús―. Pana juani tyatu̱ clya ma̱, ya'a clya ma̱ lo'o na'.

SAN JUAN 12:49

Si'i chacuayá' ji'i̱ ycui' ca ti na' nchcui' na' lo'o ñati̱; ycui' Ndyosi Sti na' nu cua nda jna' lijya̱a̱ chalyuu, bi' laca nu ngulo cña 'na ñi'ya̱ cha' nu ta na', ñi'ya̱ ña'a̱ cha' nu chcui' na' lo'o ñati̱ ―nacui̱ yu―.

APOCALIPSIS 22:14

Tso'o tsa caca tyiquee ñati̱ nu cua ngua lubii cresiya ji'i̱, cha' bi' ñati̱ laca nu ntsu'u chacuayá' cacu si'yu yaca nu caja ji'na nde chalyuu cucui. Jua'a̱ li' taca tyatí̱ ngu' tolo'o ji'i̱ quichi̱ tlyu bi'.

SAN JUAN 14:21

Lcaa ñati̱ nu chañi cha' ntsu'u tyiquee ngu' ña'a̱ ngu' jna', bi' laca ñati̱ nu cua'a̱ jyaca̱ ji'i̱ lcaa cha' nu chcui' na' lo'o ngu'; taquiya' ngu' bi' ji'i̱ cha' bi' ―nacui̱―. Lo'o ntsu'u tsa tyiquee ngu' ña'a̱ ngu' jna', jua'a̱ Sti na' ntsu'u tyiquee Ni ña'a̱ Ni ji'i̱ ngu' bi' li'. Lo'o na', tso'o tsa caca tyiquee na' ña'a̱ na' ji'i̱ ngu' bi', cuati culu'u na' ji'i̱ ngu' bi' lcaa cha' ñi'ya̱ nu laca ycui' Na'.

1 CORINTIOS 7:19

Ná ndu'ni cha' cuentya ji'i̱ ycui' Ndyosi, masi ngulacua̱ na jua'a̱, masi ná ngulacua̱ na jua'a̱; nu ndu'ni cha' cuentya ji'i̱ ycui' Ndyosi laca cha' cua'ni na cña nu nclyo Ni ji'na.

HEBREOS 7:26

Xñi na cha' ji'i̱ Jesús lacua; bi' laca sti jo'ó nu laca loo la, nu chañi cha' taca xtyucua ji'na. Ñati̱ lubii tsiya' ti laca Ni, cha' ná ntsu'u cha' cuxi, ná ntsu'u qui'ya ji'i̱ Ni. Xa' ña'a̱ laca Jesús, nu ná nda ycui' Ndyosi chacuayá' cha' tyanu yu slo ñati̱ chalyuu nu ndu'ni tsa cha' cuxi; cua nda Sti yu su tyucua yu la cui' su tlyu ca su ntucua ycui' Ndyosi Sti yu.

SAN JUAN 8:55

masi ná ndyuloo ma̱ ji'i̱ Ni, pana jua'a̱ ndu'ni ma̱. Nslo na' ji'i̱ Ni tu'ni. Ná taca ñacui̱ na' cha' ná nslo na' ji'i̱ Ni; cuiñi na' si jua'a̱ ñacui̱ na', ñi'ya̱ laca cu'ma̱, cha' cuiñi tsa ma̱. Chañi cha' nslo na' ji'i̱ Ni, jua'a̱ ndaquiya' na' ji'i̱ lcaa cha' nu nchcui' Ni lo'o na' ―nacui̱ Jesús ji'i̱ ngu' judío bi'―.

SAN JUAN 10:18

Ná tucui xlyaá cresiya 'na, ycui' ca ti na' ntaja'a̱ na' caja̱a̱ ―nacui̱ Jesús―. Taca cua'ni na' jua'a̱, cha' cua nda ycui' Ndyosi Sti na' chacuayá' cajaa na', lo'o jua'a̱ cua nda Ni chacuayá' cha' tyu'ú na' chaca quiya'.

SAN JUAN 14:23

―Ñati̱ nu chañi cha' ntsu'u tsa tyiquee jna', taquiya' ngu' ji'i̱ lcaa cha' nu nchcui' na' lo'o ngu' ―nacui̱ Jesús―. Lo'o li' tso'o tsa caca tyiquee ycui' Ndyosi Sti na' ña'a̱ Ni ji'i̱ ngu' bi'. Cuati ca̱a̱ ya lo'o Sti na' cha' tyanu ya lo'o ngu' bi' ―nacui̱ Jesús―.

1 JUAN 2:3

Nu lo'o nti' na taquiya' na cua ña'a̱ ca cña nu nti' Ni cha' cua'ni na, li' taca jlo ti' na cha' chañi cha' ntsu'u cha' ji'na lo'o Jesucristo.

1 JUAN 2:6

Ñati̱ nu nchcui' lo'o xa' la ngu' cha' ñati̱ ji'i̱ Jesucristo laca ycui', ntsu'u cha' cua'ni ñati̱ bi' cña, cua ña'a̱ ca cña nu ngua'ni ycui' Jesucristo.