SAN JUAN 14:30 - Chatino Tataltepec

³⁰ ’Nga'aa quiña'a̱ tsa cha' chcui' na' lo'o ma̱ juani ―nacui̱ Jesús li'―. Cua lijya̱ nu xña'a̱ nu laca loo nde chalyuu, cua lijya̱ nu bi' ca su ndi'i̱ na re. Ná ntsu'u chacuayá' ji'i̱ nu bi' cha' caca loo jna'.

SAN JUAN 14:30 Referans Kwoze

1 JUAN 5:19

Jlo ti' na cha' ñati̱ ji'i̱ ycui' Ndyosi laca na, xqui'ya cha' cua ngusñi na cha' ji'i̱ Jesucristo; pana xa' la ñati̱ chalyuu nu ná ndaquiya' ji'i̱ Ni tsiya' ti, ña'a̱ ti tya laca nu xña'a̱ loo ji'i̱ ñati̱ bi'.

1 JUAN 4:4

Cu'ma̱ sñi' na', cua ntsu'u cha' ji'i̱ ma̱ lo'o ycui' Ndyosi, jua'a̱ cua ngua nguula la ti' tyiquee ma̱ xqui'ya Xtyi'i ycui' Ndyosi nu ndyanu ne' cresiya ji'i̱ ma̱ li'; bi' cha' nchca ji'i̱ ma̱ tyiji̱loo ma̱ ji'i̱ ngu' cuiñi nu cua ntsu'u cha' ji'i̱ lo'o ycui' nu xña'a̱. La cui' nu xña'a̱ laca nu nclyo cña ji'i̱ ñati̱ cuxi nde chalyuu.

APOCALIPSIS 12:9

cua ngulo'o Ni ji'i̱ ngu' nu ndu̱ cuentya ji'i̱ nu cuaña bi' li'. Sa'ni ndya'a̱ nu cuaña bi', ycui' nu xña'a̱ naa bi'; la cui' bi' laca nu naa Satanás. Xcui' na ñilo'o bi' ji'i̱ ñati̱ tyucui ña'a̱ chalyuu. Pana cua ngulo'o ycui' Ni ji'i̱ nu xña'a̱ lo'o xca̱ ji'i̱, ndyaa ngu' nde lo yuu chalyuu li'.

SAN JUAN 12:31

Cua ndyalaa hora cha' cua'ni cuayá' Ni ji'i̱ lcaa ñati̱ chalyuu, nu lo'o tyiji̱loo na' tsiya' ti ji'i̱ nu xña'a̱ nu laca loo nde chalyuu ―nacui̱ Jesús ji'i̱ ngu'―.

EFESIOS 6:12

Si'i na nxu̱u̱ tya'a na lo'o ñati̱ chalyuu ti, siya' la juersa ntsu'u ji'i̱ ngu' bi'; tya'a cusu̱u̱ na laca lcaa cui'i̱ cuxi nu ntsu'u nde cua̱. Nguula tsa nu bi', hasta ngua ti' bi' tyiji̱loo ji'i̱ ycui' Ndyosi; pana ná ngua ji'i̱. La cui' laca nu ngua ti' caca xu'na chalyuu, lo'o jua'a̱ nclyo bi' cña ji'i̱ ñati̱ cha' cua'ni ngu' lcaa lo cha' cuxi nde chalyuu juani.

1 PEDRO 2:22

Ná ntsu'u ni sca qui'ya ji'i̱ nu Cristo bi', ni sca cha' cuiñi ná nchcui' yu;

EFESIOS 2:2

Nu ngua tyempo bi', ndya'a̱ tsa ma̱ ndu'ni ma̱ cua ña'a̱ ca cha' cuxi nu ndu'ni ñati̱ chalyuu; ndaquiya' tsa ma̱ ji'i̱ nu xña'a̱ nu laca loo ji'i̱ lcaa cui'i̱ cuxi nu ndya'a̱ nde chalyuu, la cui' nu cuxi bi' laca nu ndatsaa ji'i̱ ñati̱ chalyuu cha' ná taquiya' ngu' ji'i̱ ycui' Ndyosi.

2 CORINTIOS 4:4

Ná ntaja'a̱ ngu' bi' xñi ngu' cha' bi' xqui'ya nu xña'a̱ nu ñilo'o ji'i̱ ñati̱ chalyuu. Ndacu̱' nu cuxi bi' cha' ji'i̱ ngu' cha' ná cuna ngu' cha' tso'o nu cuentya ji'i̱ Cristo, bi' cha' ná nchca tyanu xee lubii ji'i̱ Cristo ne' cresiya ji'i̱ ngu' bi'. Tlyu tsa cha' laca ji'i̱ Cristo; lcaa cha' nu ntsu'u ji'i̱ Ni, stu'ba ntsu'u cha' ji'i̱ Ni lo'o ycui' Ndyosi Sti Ni ca su ntucua Ni juani.

HEBREOS 4:15

Laca Jesús sti jo'ó nu laca loo la cuentya ji'na, lo'o jua'a̱ tya'na tsa ti' Jesús ña'a̱ yu ji'na. Cua jlo ti' yu cha' ntsu'u tsa quiya' lo'o cua cua'ni ti nu cuxi ngana ji'na, cha' nu lo'o tya ndi'i̱ Jesús lo yuu chalyuu, la cui' jua'a̱ lye tsa ngua'ni cuayá' nu xña'a̱ ji'i̱ yu, si cua'ni yu cha' cuxi. Pana nu Jesús bi' ni, ni sca cha' cuxi ná ngua'ni yu, bi' cha' taca caca yu sti jo'ó nu laca loo la cuentya ji'na, cha' jlo ti' Jesús ñi'ya̱ nñilo'o tsa nu xña'a̱ ji'na.

SAN LUCAS 22:53

Lcaa tsa̱ lo'o nguti'i̱ na' lo'o cu'ma̱ ne' laa tonu bi', ni sca quiya' ná ngusacui̱ ya' cu'ma̱ 'na. Pana cua ngujui xi tyempo ji'i̱ ma̱ cha' cua'ni ma̱ cha' cuxi bi' juani, cha' cua nda nu xña'a̱ chacuayá' ji'i̱ ma̱; la cui' nu bi' laca loo ji'i̱ ma̱.

COLOSENSES 1:13

Na cua ngua'ni lyaá Ni ji'na, cua ngua'ni tye Ni ji'i̱ chalyuu talya su nguta'a̱ na, lo'o jua'a̱ cua ngulu'u Ni chaca tyucui̱i̱ ji'na nu tsaa ca chalyuu tso'o su laca Cristo loo ji'na. Sñi' ycui' Ndyosi laca Cristo, lo'o jua'a̱ tyaca'a tsa yu ji'i̱ ycui' Ni;

HEBREOS 7:26

Xñi na cha' ji'i̱ Jesús lacua; bi' laca sti jo'ó nu laca loo la, nu chañi cha' taca xtyucua ji'na. Ñati̱ lubii tsiya' ti laca Ni, cha' ná ntsu'u cha' cuxi, ná ntsu'u qui'ya ji'i̱ Ni. Xa' ña'a̱ laca Jesús, nu ná nda ycui' Ndyosi chacuayá' cha' tyanu yu slo ñati̱ chalyuu nu ndu'ni tsa cha' cuxi; cua nda Sti yu su tyucua yu la cui' su tlyu ca su ntucua ycui' Ndyosi Sti yu.

2 CORINTIOS 5:21

Masi ná ntsu'u qui'ya ji'i̱ Cristo tsiya' ti, pana ycui' Ndyosi ngua'ni cha' ndyanu qui'ya nu ntsu'u ji'na hichu̱' Cristo. Si cua ngua stu'ba cha' ji'na lo'o Cristo, li' caca lubii cresiya ji'na ñi'ya̱ nu nti' ycui' Ndyosi cha' caca na.

LOS HECHOS 1:3

Lo'o cua ngujuii Jesús, ndyu'ú yu chaca quiya', li' ndu'u tucua yu slo ngu' bi'. Tya tu'ba tsa̱ ndya'a̱ Jesús chalyuu, lo'o jua'a̱ tyu̱u̱ quiya' ndu'u tucua yu slo ngu' bi'; tso'o tsa ngulu'u yu ji'i̱ ngu' cha' chañi cha' cua ndyu'ú yu chaca quiya'. Lo'o jua'a̱ ngulu'u yu ji'i̱ ngu' bi' ñi'ya̱ nu caca ycui' Ndyosi loo ne' cresiya ji'i̱ ñati̱.

SAN LUCAS 1:35

Li' nda xca̱ sca cha' lo'o: ―Ta ycui' Ndyosi Xtyi'i Ni cha' tya̱a̱ su ndi'i̱ nu'u̱, cha' tyu'ú tyucui ña'a̱ nu'u̱; sca cha' tlyu nu cua'ni ycui' Ndyosi nu laca loo caca cha' bi'. Nu lo'o cala sñi' nu'u̱, sca ñati̱ nu lubii tsa cuentya ji'i̱ ycui' Ndyosi caca cubi' nu cala bi', la cui' bi' laca nu caca naa Sñi' ycui' Ndyosi.

1 PEDRO 1:19

Nu lo'o ngujuii Cristo lo crusi lo'o ndyalú tañi ycui', li' nda Ni caya' loo qui'ya nu ntsu'u ji'na, cha' ngua Cristo ñi'ya̱ nti' sca msta̱ lu'ú nu xcui' na tso'o, nu xcui' na lubii; lo'o nu tañi ycui' Cristo bi' ni, bi' laca caya' nu ngua'ni lyaá ji'na.

1 JUAN 5:18

Jlo ti' na cha' nga'aa ndu'ni ñati̱ ji'i̱ Jesucristo cha' cuxi. Jesucristo nu laca nu sca ti Sñi' ycui' Ndyosi, bi' laca nu ndaca'a ji'i̱ ngu', cha' ná taca cala' nu xña'a̱ ji'i̱ ngu' bi' li'.