Biblia Todo Logo
Bib sou entènèt

- Piblisite -




SAN JUAN 14:23 - Chatino Tataltepec

23 ―Ñati̱ nu chañi cha' ntsu'u tsa tyiquee jna', taquiya' ngu' ji'i̱ lcaa cha' nu nchcui' na' lo'o ngu' ―nacui̱ Jesús―. Lo'o li' tso'o tsa caca tyiquee ycui' Ndyosi Sti na' ña'a̱ Ni ji'i̱ ngu' bi'. Cuati ca̱a̱ ya lo'o Sti na' cha' tyanu ya lo'o ngu' bi' ―nacui̱ Jesús―.

Gade chapit la Kopi




SAN JUAN 14:23
30 Referans Kwoze  

Lcaa ñati̱ nu chañi cha' ntsu'u tyiquee ngu' ña'a̱ ngu' jna', bi' laca ñati̱ nu cua'a̱ jyaca̱ ji'i̱ lcaa cha' nu chcui' na' lo'o ngu'; taquiya' ngu' bi' ji'i̱ cha' bi' ―nacui̱―. Lo'o ntsu'u tsa tyiquee ngu' ña'a̱ ngu' jna', jua'a̱ Sti na' ntsu'u tyiquee Ni ña'a̱ Ni ji'i̱ ngu' bi' li'. Lo'o na', tso'o tsa caca tyiquee na' ña'a̱ na' ji'i̱ ngu' bi', cuati culu'u na' ji'i̱ ngu' bi' lcaa cha' ñi'ya̱ nu laca ycui' Na'.


’Taquiya' ma̱ ji'i̱ lcaa cha' nu nchcui' na' lo'o ma̱, si chañi cha' ntsu'u tyiquee ma̱ 'na ―nacui̱ Jesús―.


Bi' cha' nga'a̱ cha' tyanu tachaa cha' bi' ne' cresiya ji'i̱ ma̱, cha' nu cua ndyuna ma̱ ji'i̱ Jesús tya lo'o ngusñi ma̱ cha' ji'i̱ yu tya clyo. Si tya ndyanu cha' bi' ne' cresiya ji'i̱ ma̱, stu'ba tsa ntsu'u tyiquee ma̱ lo'o Jesucristo masi tya ndi'i̱ ma̱ chalyuu, lo'o jua'a̱ stu'ba ntsu'u tyiquee ma̱ lo'o ycui' Ndyosi Sti na li'.


Cu'ma̱ sñi' na', cua ntsu'u cha' ji'i̱ ma̱ lo'o ycui' Ndyosi, jua'a̱ cua ngua nguula la ti' tyiquee ma̱ xqui'ya Xtyi'i ycui' Ndyosi nu ndyanu ne' cresiya ji'i̱ ma̱ li'; bi' cha' nchca ji'i̱ ma̱ tyiji̱loo ma̱ ji'i̱ ngu' cuiñi nu cua ntsu'u cha' ji'i̱ lo'o ycui' nu xña'a̱. La cui' nu xña'a̱ laca nu nclyo cña ji'i̱ ñati̱ cuxi nde chalyuu.


Ñi'ya̱ nti' cu'ma̱ nu tyaca'a tsa ma̱ ji'i̱ ycui' Ndyosi ni, ná taca cua'ni tya'a ma̱ lo'o xa' ñati̱ nu ngusñi cha' ji'i̱ cua ña'a̱ ca jo'ó; tyaca'a tsa na ji'i̱ ycui' Ndyosi nu lu'ú ca xqui'ya cha' ndyanu Xtyi'i ycui' Ndyosi ne' cresiya ji'na. Ndi'ya̱ nacui̱ ycui' Ndyosi: Tyi'i̱ na' ca slo ñati̱ bi', lo'o jua'a̱ tya'a̱ na' lo'o ñati̱ bi'; caca na' ycui' Ndyosi cuentya ji'i̱ ngu' bi', bi' cha' taca caca ngu' bi' ñati̱ 'na. Jua'a̱ nacui̱ Ni.


Lo'o jua'a̱ stu'ba ntsu'u cha' ji'i̱ ycui' Ndyosi Sti na' lo'o na' ―nacui̱ Jesús.


Lo'o cua ña'a̱ ca ñati̱ nu jua'a̱ cacu ngu', nu jua'a̱ co'o ngu' cha' nu ta na' ji'i̱ ngu' ―nacui̱―, lcaa tsa̱ tyi'i̱ ngu' bi' lo'o na', tyi'i̱ na' lo'o ngu' bi' li'.


Ná caca tyanu Xtyi'i ycui' Ndyosi ne' cresiya ji'i̱ ñati̱ cuxi, cha' ná nchca ña'a̱ ngu' bi' ji'i̱ Ni, ná nslo ngu' tilaca laca ycui' Ni. Nu cu'ma̱, nslo ma̱ ji'i̱ Ni xqui'ya cha' ndi'i̱ nu bi' lo'o ma̱, lo'o jua'a̱ cua tyanu ti Ni ne' cresiya ji'i̱ ma̱ ―nacui̱ Jesús ji'i̱ ngu'―.


Ná ntucua laa ca quichi̱ bi', ná na'a̱ na' cha' ntucua bi' tsiya' ti. Tso'o cha' ntucua ycui' Ndyosi nu Xu'na na quichi̱ bi', ycui' Ni nu nchca ji'i̱ ndu'ni Ni lcaa lo cña; la cui' jua'a̱ ntucua nu ñi'ya̱ ña'a̱ xlya' bi'. Bi' cha' ni sca laa nga'aa nti' quichi̱ bi'.


Pana lquichi̱ bi' nga'aa caja cha' ti'í ji'i̱ ngu' tsiya' ti, ñi'ya̱ nu ntsu'u nde chalyuu xqui'ya yabe' nu ntsu'u ji'i̱ ñati̱. Ca quichi̱ bi' stu'ba ti caca loo ycui' Ndyosi lo'o nu ñi'ya̱ ña'a̱ xlya' bi'; ndacua ntucua yaca xlya tlyu ji'i̱ Ni, cha' cua'ni tlyu lcaa ñati̱ nu ndyu'ni cña ji'i̱ Ni ji'i̱ ycui' Ni nu ntucua ca ndacua.


Lo'o chañi tsa cha' nu ta na' lo'o cu'ma̱ ndi'ya̱: Lo'o taquiya' ngu' ji'i̱ cha' nu nclyu'u na' ji'i̱ ngu', ná tye chalyuu tso'o nu ta na' ji'i̱ ngu' bi', masi cajaa ngu'.


Li' xa' nchcui' ngu' judío bi' lo'o Jesús chaca quiya': ―Juani jlo ti' ya cha' ñi'ya̱ nti' sca nu xña'a̱, jua'a̱ nti' nu'u̱ ―nacui̱ ngu'―. Sa'ni ngujuii jyo'o Abraham, sa'ni ngujuii nu xa' la jyo'o cusu' nu nda cha' ji'i̱ ycui' Ndyosi lo'o ñati̱. ¿Ñi'ya̱ nti' nu'u̱ lo'o nacui̱ ca ti nu'u̱: “Ná nga'a̱ cha' tye chalyuu ji'i̱ ñati̱ nu taquiya' ji'i̱ cha' nu nclyu'u na' ji'i̱”? ―nacui̱ ngu'―.


Pana ñati̱ nu ná ntsu'u tyiquee jna', ná ndaquiya' ngu' tsiya' ti ji'i̱ cha' nu nchcui' na' lo'o ngu'. Cua ndyuna cu'ma̱ cha' nu nda Sti na' 'na cha' culu'u̱ ji'i̱ ma̱, cha' si'i sca cha' nu nda'ya hique ti na' laca cha' nu nda na' lo'o ma̱.


Lcaa tsa̱ tyi'u ti' ma̱ su ndi'i̱ ma̱ cha' ntsu'u tsa tyiquee na' ña'a̱ na' ji'i̱ ma̱. Jua'a̱ tso'o tsa caca tyiquee na' ña'a̱ na' ji'i̱ ma̱ si taquiya' ma̱ ji'i̱ lcaa cha' nu nda na' lo'o ma̱. Lo'o jua'a̱ na' ―nacui̱ Jesús― cua ngua'ni na' lcaa cña nu ngulo Sti na' 'na. Jlo ti' na' cha' ntsu'u tsa tyiquee Ni ña'a̱ Ni jna' tyucui su ndi'i̱ na'.


la cui' ycui' Ndyosi Sti na' ntsu'u tsa tyiquee Ni ña'a̱ Ni ji'i̱ ma̱. Ntsu'u tyiquee ma̱ ña'a̱ ma̱ jna', jua'a̱ jlya ti' ma̱ cha' ca slo ycui' Ndyosi ngutu'u na', bi' cha' ntsu'u tyiquee Ni ña'a̱ Ni ji'i̱ ma̱ ―nacui̱―.


ndijña na' ji'i̱ Ni cha' ca cuayá' ti' ma̱ cha' ngua'ni Ni cha' cua ndyanu Xtyi'i ycui' Jesús ne' cresiya ji'i̱ ma̱, nu lo'o ngusñi tso'o ma̱ cha' ji'i̱ ycui' Ndyosi; ndijña na' ji'i̱ Ni cha' tsa cu' ti tyu'u tyiquee ma̱ ña'a̱ ma̱ ji'i̱ tya'a ñati̱ ma̱, xqui'ya cha' tso'o tsa ngusñi su̱u̱ cha' bi' ne' cresiya ji'i̱ ma̱;


Si chañi laca cha' ntucuá na lcaa cha' nu nda Jesucristo lo'o na, li' chañi laca cha' ntsu'u tyiquee na ña'a̱ na ji'i̱ ycui' Ndyosi Sti yu; jua'a̱ caca cuayá' ti' na cha' chañi cha' laca na ñati̱ ji'i̱ Jesucristo masi tya ndi'i̱ na chalyuu.


Si chañi cha' ntsu'u tyiquee na ña'a̱ na ji'i̱ Ni, taquiya' na ji'i̱ cha' nu chcui' Ni lo'o na li', cha' si'i sca cña nu tucui tsa laca cha' taquiya' na ji'i̱ scaa cha' nu nchcui' Ni.


Lo'o nu ni na' ji'i̱ ma̱ cha' tso'o ti tyu'u tyiquee na ña'a̱ na ji'i̱ tya'a ñati̱ na, la cui' jua'a̱ ntsu'u cha' taquiya' na lcaa cña nu nclyo ycui' Ndyosi ji'na. Nu lo'o ngusñi ma̱ cha' bi' tya clyo, cua ndyuna ma̱ lcaa cña nu ntsu'u cha' cua'ni ma̱ cha' tso'o ti tyu'u tyiquee lcaa ma̱ ña'a̱ ma̱ ji'i̱ tya'a ñati̱ ma̱.


Cui̱i̱ tsa nchcui' sca nu ndu̱ cacua ti su tlyu ca su ntucua ycui' Ndyosi li': ―Ca juani ntucua tyi ycui' Ndyosi la cui' ca su ndi'i̱ ñati̱ nu ngusñi cha' ji'i̱ Ni nde chalyuu. Tyi'i̱ ycui' Ni ca su ndi'i̱ ñati̱ ji'i̱ Ni li'; jua'a̱ caca ngu' bi' ñati̱ ji'i̱ ycui' Ni, caca ycui' Ni loo ji'i̱ ngu' bi' li'.


Swiv nou:

Piblisite


Piblisite