SAN JUAN 13:33 - Chatino Tataltepec

³³ Sñi' na' ―nacui̱ Jesús ji'i̱ ngu' bi' li'―, tya xi ca tsa̱ tya tyi'i̱ na' nde chalyuu lo'o ma̱. Ñi'ya̱ nu ni na' ji'i̱ ngu' judío tya tsubi', la cui' ti cha' ta na' lo'o ma̱ juani: Tsaana ma̱ jna', pana ná caja chacuayá' tsaa ma̱ ca su tsa'a̱ ―nacui̱ yu―.

SAN JUAN 13:33 Referans Kwoze

1 JUAN 2:1

Ñi'ya̱ nti' na' ña'a̱a̱ ji'i̱ sñi' na', jua'a̱ nti' na' ña'a̱a̱ ji'i̱ cu'ma̱, cha' tyaca'a tsa ma̱ 'na; bi' cha' nscua na' quityi re cha' ca̱a̱ ca slo cu'ma̱, cha' ná nti' na' cha' sta ycui' Ndyosi qui'ya ji'i̱ ma̱. Pana si ntsu'u cha' sta Ni qui'ya ji'na lo'o cua ngusñi na cha' ji'i̱ Jesucristo, la cui' Jesucristo laca nu cua nchcube' yu cña loo na. Sca ñati̱ nu lubii tsa laca nu Jesucristo bi'.

SAN JUAN 14:19

Ca tiya' la xi, li' nga'aa ña'a̱ ñati̱ chalyuu jna'; pana cu'ma̱, tya ña'a̱ ma̱ jna'. Li' caca tso'o tyiquee ma̱, xqui'ya cha' lu'ú na'.

1 JUAN 5:21

Cu'ma̱ sñi' na', tii ti ti' ma̱ tyi'i̱ ma̱ chalyuu, cha' ná tyatí̱ yu'u ma̱ lo'o xa' jo'ó. Jua'a̱ laca cha' bi' lacua.

1 JUAN 4:4

Cu'ma̱ sñi' na', cua ntsu'u cha' ji'i̱ ma̱ lo'o ycui' Ndyosi, jua'a̱ cua ngua nguula la ti' tyiquee ma̱ xqui'ya Xtyi'i ycui' Ndyosi nu ndyanu ne' cresiya ji'i̱ ma̱ li'; bi' cha' nchca ji'i̱ ma̱ tyiji̱loo ma̱ ji'i̱ ngu' cuiñi nu cua ntsu'u cha' ji'i̱ lo'o ycui' nu xña'a̱. La cui' nu xña'a̱ laca nu nclyo cña ji'i̱ ñati̱ cuxi nde chalyuu.

GÁLATAS 4:19

Chaca quiya' ti'í tsa ntsu'u tyiquee na' ña'a̱ na' ji'i̱ ma̱, cha' ñi'ya̱ laca sñi' na', jua'a̱ laca ma̱; ña'a̱ na' ji'i̱ ma̱ ñi'ya̱ si laca na' sca nu cuna'a̱ nu ti'í tsa nchcube' ji'i̱ cha' cua cala ti sñi'. Talo cha' ti'í bi' 'na ña'a̱ cuayá' nu tyu'u xcui' cha' ji'i̱ Cristo tyiquee ma̱.

SAN JUAN 7:36

¿Ñi'ya̱ nti' yu jua cha' nchcui' yu ndi'ya̱: “Tsaana ma̱ jna' macala su ndi'i̱ na', lo'o ná quije na' ji'i̱ ma̱ tsiya' ti, cha' ná caja chacuayá' tyalaa ma̱ ca su tyi'i̱ na' li'”? ―nacui̱ ngu'.

SAN JUAN 13:36

Li' nchcui' Simón Pedro lo'o Jesús: ―Xu'na ―nacui̱―, ¿macala tsaa nu'u̱? ―Ná caja chacuayá' cha' tya'a̱ nu'u̱ lo'o na' ca su tsa'a̱ ―nacui̱ Jesús―. Ca tiya' la tsaa nu'u̱.

SAN JUAN 14:2

Quiña'a̱ tsa su tso'o ntsu'u su tyi'i̱ ma̱ ca slo ycui' Ndyosi Sti na'. Tsa'a na' ca bi' cha' cua'ni cho'o na' su tyi'i̱ ma̱. Ná nchcui' na' lo'o cu'ma̱ jua'a̱, si si'i cha' liñi nu nchcui' na' lo'o ma̱ ―nacui̱ Jesús―.