SAN JUAN 13:2 - Chatino Tataltepec

² Laja li' cua ngua'ni nu xña'a̱ cha' ngua'ya cha' hique Judas sñi' Simón Iscariote cha' cujui' cresiya ji'i̱ Jesús ji'i̱ ngu' cuxi.

SAN JUAN 13:2 Referans Kwoze

LOS HECHOS 5:3

Nchcui' Pedro lo'o yu li': ―Ananías ―nacui̱―, ¿na laca ngua hi̱? ¿Ni cha' laca nda nu'u̱ chacuayá' ji'i̱ nu xña'a̱ nu naa Satanás cha' caca loo ne' cresiya jinu'u̱? Bi' laca nu ngua'ni cha' nguñilo'o nu'u̱ ji'i̱ Xtyi'i ycui' Ndyosi ―nacui̱ Pedro ji'i̱ yu bi'―. Nacui̱ nu'u̱ cha' nde laca lcaa cñi nu ngujui jinu'u̱ lo yuu bi', lo'o si'i lcaa cñi laca re.

APOCALIPSIS 17:17

Cua ngua'ni ycui' Ndyosi cha' ca'ya cha' hique rey, bi' cha' cua'ni ngu' jua'a̱, cha' ta ngu' chacuayá' caca nu na'ni chiya'a̱ ña'a̱ loo, ña'a̱ cuayá' tyu'u scua lcaa cha' nu nacui̱ Ni cha' caca.

EFESIOS 2:3

Ca ta'a na ni, chañi cha' ñi'ya̱ nu ndaquiya' ngu' bi' ji'i̱ nu cuxi, jua'a̱ ngua'ni na tya tsubi' la; ngua'ni na cua ña'a̱ ca cha' cuxi nu ndijña ti' cresiya ji'na. Na laca nu ngua ti' ycui' ca na cha' cua'ni na, ngua'ni na ji'i̱ li'; cua ña'a̱ ca cha' cuxi nu ngua'ya hique ti na, ngua'ni na cha' bi'. Bi' cha' ndyanu cha' xcube' ycui' Ndyosi ji'na, cha' ñasi̱' tsa Ni xqui'ya cha' cuxi nu ngua'ni na lo'o Ni; stu'ba ti xcube' Ni ji'na lo'o cua ña'a̱ ca ñati̱ chalyuu li'.

2 CORINTIOS 8:16

Tso'o tsa nti' ya lo'o nchcui' ya lo'o ycui' Ndyosi, cha' nu Tito, tya'a ndya'a̱ ya cña bi' ni, nti' tsa yu xtyucua yu ji'i̱ ma̱. Stu'ba ti nti' yu lo'o na' cha' xtyucua ya ji'i̱ cu'ma̱.

SAN LUCAS 22:31

Lo'o li' nchcui' Jesús lo'o Simón Pedro bi': ―Simón ―nacui̱―, laca cha' ñi'ya̱ laca si cua ngüijña Satanás chacuayá' cha' cua'ni lya' ti' ji'i̱ lcaa cu'ma̱; cua nti' yu cua'ni cuayá' yu ji'i̱ ma̱, cha' xcutsi̱i̱ yu ji'i̱ ma̱. Ñi'ya̱ laca lo'o nscui̱i̱ ngu' ji'i̱ si'yu trigo cha' tyubii ji'i̱, jua'a̱ cua'ni yu lo'o ma̱, nti' yu.

SAN LUCAS 22:3

Li' ndyatí̱ ycui' nu xña'a̱ nu naa Satanás ne' cresiya ji'i̱ Judas Iscariote, masi la cui' tya'a ngu' nu ndyaca tsa'a̱ ji'i̱ Jesús laca yu bi'.

SAN JUAN 13:4

pana ndatu̱ Jesús to' mesa laja lo'o ndyacu ngu' si̱i̱, ngulo yu late' tyucui̱ nu lacu' yu, ndaya' yu chaca late' cha' sca̱' yu sii' yu;

SAN MATEO 10:4

ngusubi yu ji'i̱ Simón nu ngua ji'i̱ taju ngu' cananista, lo'o ji'i̱ Judas Iscariote nu cujui' cresiya ji'i̱ Jesús ji'i̱ ngu' cuxi ca tiya' la.

SAN JUAN 13:11

Jua'a̱ nacui̱ Jesús: “Ntsu'u chaca yu laja cu'ma̱ nu ná lubii cresiya ji'i̱”, nacui̱, cha' cua jlo ti' Jesús tilaca laca nu cujui' cresiya ji'i̱ yu ji'i̱ ngu' cuxi.