SAN JUAN 13:17 - Chatino Tataltepec

¹⁷ Lo'o juani lo'o ngua cuayá' ti' ma̱ lcaa ña'a̱ cha' nu nda ca ti na' lo'o ma̱, tso'o tsa caca tyiquee ma̱ li', si taquiya' ma̱ ji'i̱ cha' bi' ―nacui̱―.

SAN JUAN 13:17 Referans Kwoze

SAN LUCAS 11:28

Li' nguxacui̱ Jesús cha' ji'i̱: ―Si'i cha' bi' ―nacui̱―. Tso'o la ntsu'u tyiquee ñati̱ nu cua'a̱ jyaca̱ ji'i̱ lcaa cha' nu nda ycui' Ndyosi lo'o ngu', nu taquiya' ji'i̱ lcaa cha' bi'.

SANTIAGO 4:17

Lo'o li' ntsu'u qui'ya ji'i̱ ma̱, cha' ná ntaja'a̱ ma̱ cua'ni ma̱ sca cña tso'o nu ngulo ycui' Ni ji'i̱ ma̱ cha' cua'ni ma̱.

SANTIAGO 1:25

Xtyucua ycui' Ndyosi ji'i̱ cua ña'a̱ ca ñati̱ nu chañi cha' cua'a̱ jyaca̱ ji'i̱ cha' tso'o nu nda Ni cha' tyanu ne' cresiya ji'na; bi' laca cha' nu xtyucua ji'na cha' taca tyi'i̱ tyiquee na tso'o ti. Si tso'o ti cua'ni na nde chalyuu, si cua'ni na lcaa cña nu nclyu'u ycui' Ndyosi ji'na lcaa tsa̱ lo'o tyi'i̱ na chalyuu, tso'o tsa caca ji'na li'. Si'i na nduna ti na cha' bi', lo'o li' xtyanu na ji'i̱.

APOCALIPSIS 22:14

Tso'o tsa caca tyiquee ñati̱ nu cua ngua lubii cresiya ji'i̱, cha' bi' ñati̱ laca nu ntsu'u chacuayá' cacu si'yu yaca nu caja ji'na nde chalyuu cucui. Jua'a̱ li' taca tyatí̱ ngu' tolo'o ji'i̱ quichi̱ tlyu bi'.

GÁLATAS 5:6

Lo'o jua'a̱ si chañi cha' stu'ba ntsu'u cha' ji'na lo'o Jesucristo, li' ná ndu'ni cha' masi ngulacua̱ na, masi ná ngulacua̱ na. Sca ti cha' ndulo tsa ji'na cha' cua'ni na, cha' xñi tso'o la na cha' ji'i̱ ycui' Ni; lo'o li' caca cua'ni na cha' tso'o ti tyu'u tyiquee na ña'a̱ na ji'i̱ tya'a ñati̱ na.

SAN MATEO 12:50

Tya'a na' laca lcaa ngu' nu ndu'ni ñi'ya̱ nu nti' Sti na' nu ntucua nde cua̱ cha' cua'ni ngu'; ñati̱ bi' laca ñi'ya̱ laca xtya'a̱ na', ñi'ya̱ laca tya'a na', masi nu qui'yu, masi nu cuna'a̱.

SAN JUAN 15:14

Tya'a tso'o na' laca cu'ma̱ si taquiya' ma̱ ji'i̱ cha' nu nda na' lo'o ma̱ ―nacui̱ Jesús―,

ROMANOS 2:13

Ná caca tso'o cresiya ji'na cuentya ji'i̱ ycui' Ndyosi lo'o ndyuna ti na cha' liñi nu nda Ni lo'o na; sca ti si taquiya' na ji'i̱ cha' bi', si cua'ni na lcaa ña'a̱ cña nu ngulo Ni ji'na, li' caca tso'o cresiya ji'na cuentya ji'i̱ Ni.