SAN JUAN 13:13 - Chatino Tataltepec

¹³ “Mstru”, ndu'ni ma̱ 'na; “Xu'na ya”, ndu'ni ma̱ 'na, lo'o chañi tsa cha' bi'. Jua'a̱ laca na' cuentya ji'i̱ ma̱ ―nacui̱ yu―.

SAN JUAN 13:13 Referans Kwoze

SAN LUCAS 6:46

Tya nda Jesús chaca cui̱i̱ lo'o ngu' li': ―¿Ni cha' ndu'ni tsa ma̱ jna' cha' Xu'na ma̱ laca na', pana ná ndaquiya' ma̱ ji'i̱ cha' nu nchcui' na' lo'o ma̱? ―nacui̱―.

FILIPENSES 2:11

Cui̱i̱ tsa chcui' lcaa ñati̱ cha' Jesucristo laca Xu'na lcaa ca chalyuu, jua'a̱ tso'o tsa cua'ni tlyu ngu' ji'i̱ ycui' Ndyosi Sti na.

1 CORINTIOS 12:3

Bi' cha' nti' tsa na' cha' caca cuayá' ti' ma̱ cha' re. Si'i Xtyi'i ycui' Ndyosi ndu'ni cha' ñacui̱ ngu': “Cuiñaja laca nu Jesús bi'”. Ná taca ñacui̱ ngu' jua'a̱ xqui'ya Xtyi'i ycui' Ndyosi. Lo'o ñacui̱ ngu': “Xu'na na laca Jesús”, Xtyi'i ycui' Ndyosi laca nu ndu'ni cha' ñacui̱ ngu' jua'a̱ li'.

SAN JUAN 11:28

Ndye nchcui' Marta, li' ndyaa nu cuna'a̱ bi', cuaana ti ngusi'ya ji'i̱ María tya'a ngula: ―Cua tyalaa ti nu Mstru bi' juani ―nacui̱―. Nxi'ya yu jinu'u̱ cha' tsaa nu'u̱ slo yu.

FILIPENSES 3:8

Lo'o jua'a̱, masi tucuna' na' lcaa cha' nu ndiya tsa ti' na' nde chalyuu, ná cube ti' na'; tlyu la tsiya' ti laca cha' tso'o nu cua ngujui 'na juani, laja lo'o ndyuloo na' ji'i̱ Jesucristo nu Xu'na na'. Xqui'ya Cristo, bi' cha' cua nguxtyanu na' ji'i̱ lcaa cha' cusu' bi'; nga'aa tso'o cha' cusu' bi' tsiya' ti, nti' na', hasta xcua̱a̱ na' ji'i̱, nti' na'. Tsa bi' ti cha' nti' na', cha' xñi tso'o na' cha' ji'i̱ Cristo,

1 CORINTIOS 8:6

Pana nu ñati̱ tya'a ntsu'u cha' ji'na lo'o Jesús, sca ti ycui' Ndyosi Sti na jlya ti' na ji'i̱ tsiya' ti; la cui' ti jua'a̱ sca ti ycui' Jesucristo nu Xu'na na ngusñi na cha' ji'i̱. Ngüiñá Ni tyucui ña'a̱ chalyuu, xqui'ya Jesús ndya' lcaa lo na; cuentya ji'i̱ ycui' Jesús laca lcaa lo na nu ntsu'u chalyuu, lo'o jua'a̱ xqui'ya ycui' Jesús ndi'i̱ na chalyuu.

SANTIAGO 2:19

Jlya ti' ma̱ cha' sca ti ycui' Ndyosi ntsu'u chalyuu. Tso'o tsa, pana cua ña'a̱ ca cui'i̱ xña'a̱ jlya ti' cha' bi'; lo'o jua'a̱ lye tsa nchcua̱ cui'i̱ xña'a̱ bi', cha' ntsi̱i̱ cui'i̱ ji'i̱ ycui' Ni.

SAN LUCAS 10:28

Li' nacui̱ Jesús ji'i̱ yu bi': ―Tso'o tsa cha' nu nguxacui̱ nu'u̱ 'na. Si jua'a̱ cua'ni nu'u̱, caja chalyuu bi' jinu'u̱ li'.

SAN LUCAS 7:43

Li' nguxacui̱ Simón cha' ji'i̱ Jesús: ―Bi' laca nu quiña'a̱ la ndacui, nu ngüi'ya nu culiya' bi' cha' clyu ti' ji'i̱. Jua'a̱ nti' na' ―nacui̱ Simón. ―Chañi cha' nu nchcui' nu'u̱ ―nacui̱ Jesús li'.

SAN MATEO 20:28

Na' nu cua nda Ni 'na lijya̱a̱ cha' caca na' ñati̱, ná lijya̱ na' nde chalyuu cha' caja msu 'na; ycui' na' laca na' msu ji'i̱ ñati̱, bi' cha' lijya̱ na'. Na cua lijya̱ na' cha' cajaa na' cha' cati̱ qui'ya nu ntsu'u ji'i̱ ñati̱, cha' cua'ni lyaá na' ji'i̱ quiña'a̱ tsa ñati̱ li' ―nacui̱ Jesús ji'i̱ ngu'.

SAN JUAN 11:2

(Tya'a ngula María laca Lázaro nu quicha bi', lo'o jua'a̱ María laca nu su'ba setye tyixi xtyi'i chu̱' quiya' Jesús nde loo la, lo'o li' sube' cho' quicha̱' que ycui' cho' quiya' Jesús cha' quityi.)

SAN JUAN 11:3

Cua nda tyucuaa nu cuna'a̱ bi' cha' ndyaa ca slo Jesús: ―Tyu'u cha' clyu ti' jinu'u̱, Xu'na ―nacui̱ ngu' cuna'a̱ bi'―, nde lijya̱ cha', cha' caca cuayá' ti' nu'u̱ cha' ntsiya tya'a tso'o nu'u̱, quicha tsa yu.

EFESIOS 6:9

Nu cu'ma̱ ngu' xu'na msu bi' ni, la cui' jua'a̱ nga'a̱ cha' cña'a̱si̱i̱ tso'o ma̱ ji'i̱ msu ji'i̱ ma̱. Ná xcutsi̱i̱ ma̱ ji'i̱ ngu', ni ná cua'ni tyaala ma̱ lo'o ngu' bi'; tyi'u ti' ma̱ cha' sca ti nu Xu'na na laca loo ji'i̱ cu'ma̱ lo'o ji'i̱ ngu' bi', lo'o jua'a̱ sca ti cuayá' ndu'ni Ni lo'o cua ña'a̱ ca ñati̱.