SAN JUAN 12:47 - Chatino Tataltepec

⁴⁷ Nda na' cha' lo'o ngu'; pana si cuna ngu' cha' bi', lo'o li' ná taquiya' ngu' ji'i̱ cha' bi', si'i na' nu sta̱ qui'ya ji'i̱ ngu' bi' li' ―nacui̱ Jesús―. Ná lijya̱ na' cha' cua'ni cuayá' na' ji'i̱ ñati̱ chalyuu; cha' cua'ni lyaá na' ji'i̱ ngu', bi' cha' lijya̱ na'.

SAN JUAN 12:47 Referans Kwoze

SAN JUAN 3:17

Si'i cha' sta ycui' Ndyosi Sti na' qui'ya ji'i̱ ñati̱ chalyuu nda Ni jna' lijya̱ na' chalyuu, na cua lijya̱ na' cha' cuityi̱ na' qui'ya nu ntsu'u ji'i̱ ñati̱ chalyuu; bi' cha' cua nda Ni jna' lijya̱ na' ―nacui̱ Jesús―.

SAN JUAN 12:48

Pana cua ndyuna ñati̱ lo'o nchcui' na' lo'o ngu'; bi' laca cha' nu tyanu cuentya ji'i̱ ngu', nu lo'o cua'ni cuayá' ycui' Ndyosi ji'i̱ ngu' lo'o cua ndye chalyuu ―nacui̱ Jesús―. Ca li' cua'ni cuayá' Ni ji'i̱ lcaa ñati̱ nu ná ndaquiya' ji'i̱ cha' nu nchcui' na', nu ná ntaja'a̱ xñi cha' nu nchcui' na' lo'o ngu'.

1 JUAN 4:14

Cua na'a̱ ycui' ya ji'i̱ Jesús. Chañi laca cha' nu nchcui' ya lo'o ma̱ juani, cha' cua nda ycui' Ndyosi Sti Jesús chacuayá' ji'i̱ Sñi' ycui' ca Ni cha' cua'ni lyaá ji'i̱ cua ña'a̱ ca ñati̱ ji'i̱ nu cuxi.

SAN LUCAS 19:10

Cua nda Ni 'na lijya̱a̱ cha' caca na' ñati̱ cha' clyana na' ji'i̱ ñati̱ nu nguna' chalyuu ji'i̱ xqui'ya nu cuxi, lo'o jua'a̱ cua'ni lyaá na' ji'i̱ ngu' bi'.

SAN JUAN 5:45

Si'i na' nu sta̱ qui'ya ji'i̱ ma̱ slo ycui' Ndyosi ―nacui̱ Jesús ji'i̱ ngu'―. Cua laca nscua qui'ya ji'i̱ ma̱ xqui'ya cha' nu cua nda jyo'o Moisés lo'o ma̱ nu ngua tya sa'ni bi', la cui' cha' nu jlya tsa ti' ma̱ ji'i̱, nacui̱ ma̱.

SAN MATEO 20:28

Na' nu cua nda Ni 'na lijya̱a̱ cha' caca na' ñati̱, ná lijya̱ na' nde chalyuu cha' caja msu 'na; ycui' na' laca na' msu ji'i̱ ñati̱, bi' cha' lijya̱ na'. Na cua lijya̱ na' cha' cajaa na' cha' cati̱ qui'ya nu ntsu'u ji'i̱ ñati̱, cha' cua'ni lyaá na' ji'i̱ quiña'a̱ tsa ñati̱ li' ―nacui̱ Jesús ji'i̱ ngu'.

2 PEDRO 3:15

Tyi'u ti' ma̱ cha' ndalo tsa tyiquee ycui' Ndyosi ña'a̱ Ni ji'na, cua nda tsa Ni tyempo ji'na cha' clyaá na ji'i̱ nu cuxi. Jua'a̱ Pablo tya'a na ni, la cui' tya'a cha' nguscua yu lo quityi; ñati̱ tya'a tso'o na laca yu bi', lo'o jua'a̱ tso'o tsa nchcui' quityi nu nguscua yu nu cua ndyalaa slo ma̱. Ycui' Ndyosi laca nu ngulu'u ji'i̱ yu lcaa ña'a̱ cha' tso'o nu nguscua yu lo quityi bi'.

SAN JUAN 8:26

Tya quiña'a̱ la cha' taca chcui' na' lo'o ma̱ nquicha' cuentya ji'i̱ qui'ya nu ntsu'u ji'i̱ ma̱; pana liñi tsa cha' nu nda ycui' Ndyosi nu nda 'na lijya̱a̱, lo'o jua'a̱ cua ña'a̱ ca cha' nu nda Ni lo'o na', bi' ti cha' laca nu nda na' lo'o ñati̱ chalyuu.

SAN MATEO 18:10

’Ná tso'o si ná taquiya' ma̱ ji'i̱ sca ñati̱ 'na, masi ji'i̱ sca nu piti. Cha' liñi nchcui' na' lo'o ma̱, cha' ntsu'u xca̱ ca su ntucua ycui' Ni cuentya ji'i̱ lcaa ngu' sube bi'; lcaa hora ntsu'u chacuayá' chcui' xca̱ bi' lo'o ycui' Ndyosi Sti na' cuentya ji'i̱ nu ngu' sube ji'i̱.

SAN LUCAS 9:56

Si'i cha' cua'ni tye na' chalyuu ji'i̱ ñati̱ nda ycui' Ndyosi Sti na' 'na lijya̱a̱ cha' caca na' ñati̱; cha' cua'ni lyaá Ni ji'i̱ ñati̱ chalyuu, bi' cña ntsu'u cha' cua'ni na' ―nacui̱ Jesús. Li' ndu'u ngu' ndyaa ngu' xa' quichi̱ sube ti.

SAN MATEO 18:11

Cua nda Ni 'na lijya̱a̱ chalyuu chacuayá' ji'i̱ ycui' Ndyosi cha' caca na' ñati̱, cha' cua'ni lyaá na' ji'i̱ ñati̱ nu cua nguna' chalyuu ji'i̱ xqui'ya cha' cuxi.