SAN JUAN 12:44 - Chatino Tataltepec

⁴⁴ Li' cui̱i̱ tsa nchcui' Jesús lo'o ngu': ―Nu lo'o ngusñi ñati̱ cha' jna' ni, si'i ji'i̱ sca ti na' jlya ti' ngu' bi' li'; lo'o ji'i̱ ycui' Ndyosi nu nda 'na lijya̱a̱ nde chalyuu xñi ngu' cha' li' ―nacui̱―.

SAN JUAN 12:44 Referans Kwoze

SAN MATEO 10:40

’Chaca cha' ni: lo'o ta ñati̱ su tyi'i̱ ma̱ to' tyi ngu', stu'ba ndyu'u cha' ñi'ya̱ si cua nda ngu' bi' su tyi'i̱ na' to' tyi ngu'. Lo'o jua'a̱, lo'o ta ngu' su tyi'i̱ na' lo'o ngu', stu'ba ndyu'u cha' ñi'ya̱ si cua nda ngu' bi' su tyi'i̱ ycui' Ndyosi lo'o ngu', cha' la cui' ycui' Ndyosi laca nu cua nda Ni 'na lijya̱ na' ca nde.

SAN JUAN 13:20

Ta na' sca cha' liñi lo'o ma̱ ―nacui̱ yu―. Nu lo'o taquiya' ma̱ ji'i̱ sca ñati̱ nu ta na' cha' tya'a̱ slo ma̱, li' stu'ba laca si taquiya' ma̱ jna'; lo'o taquiya' ma̱ jna', li' stu'ba laca si taquiya' ma̱ ji'i̱ ycui' Ndyosi Sti na' nu nda jna' lijya̱a̱.

SAN JUAN 5:24

’Liñi tsa cha' nu ta na' lo'o ma̱ juani: Cua ña'a̱ ca ñati̱ nu taquiya' ji'i̱ lcaa cha' nu chcui' na' lo'o ngu', lcaa ñati̱ nu jlya ti' ji'i̱ ycui' Ndyosi Sti na' nu nda jna' lijya̱a̱, bi' ngu' laca nu ná nga'a̱ cha' tye chalyuu tso'o nu ta ycui' Ndyosi ji'i̱ ngu' bi'. Ná cua'ni cuayá' Ni ji'i̱ ngu' bi', ná nscua cha' cajaa ngu' bi'; lcaa tyempo tyi'i̱ ngu' bi' lo'o ycui' Ndyosi ―nacui̱ Jesús ji'i̱ ngu'―.

SAN MARCOS 9:37

―Lo'o xtyucua ma̱ ji'i̱ sca ñati̱ ñi'ya̱ laca nu piti re xqui'ya na', la cui' jua'a̱ na nxtyucua ma̱ 'na laca ―nacui̱ Jesús―. Lo'o jua'a̱, lo'o ndu'ni ma̱ cña 'na, la cui' jua'a̱ ndu'ni ma̱ cña ji'i̱ ycui' Ni nu cua nda 'na lijya̱a̱ nde chalyuu ―nacui̱ Jesús.

1 PEDRO 1:21

Xqui'ya Cristo, bi' cha' jlya ti' ma̱ ji'i̱ ycui' Ndyosi, cha' cua ngua'ni ycui' Ni cha' ndyu'ú Cristo chaca quiya' lo'o cua ngujuii yu. Lo'o li' nda ycui' Ndyosi sca su tso'o su tyi'i̱ Cristo, ca su tlyu su ntucua ycui' Ni. Ngua'ni Cristo cña tonu bi', cha' taca xñi ma̱ cha' ji'i̱ ycui' Ndyosi, lo'o li' taca tyu̱ ti' ma̱ cha' caca lcaa ña'a̱ cha' nu nacui̱ Ni cha' caca.

SAN JUAN 7:28

Bi' cha' cui̱i̱ nchcui' Jesús ca su ndu̱ yu nclyu'u ji'i̱ ngu' ne' laa tonu bi': ―Chañi cha' nslo ma̱ 'na, chañi cha' jlo ti' ma̱ mala ngutu'u na' ―nacui̱―, pana si'i cuentya jna' lijya̱ na' ca nde. Sca ti ycui' Ndyosi nda 'na lijya̱a̱ chalyuu, lo'o jua'a̱ ná nslo ma̱ ji'i̱ nu bi' ―nacui̱―.

SAN JUAN 11:43

Li' cui̱i̱ tsa nchcui' Jesús: ―Lázaro, tyu'u nu'u̱ su ntsu'u nu'u̱ ndacua, tya̱a̱ nu'u̱ nde liya' re.

SAN MARCOS 9:23

―¿Ni cha' laca nacui̱ nu'u̱ 'na jua'a̱, si nchca 'na? ―nacui̱ Jesús ji'i̱―. Lcaa lo cña nchca ji'i̱ sca ñati̱ nu jlya ti' ji'i̱ ycui' Ndyosi ―nacui̱.