SAN JUAN 12:19 - Chatino Tataltepec

¹⁹ Li' nchcui' ngu' fariseo lo'o tya'a ngu': ―Ña'a̱ ma̱ ji'i̱ yu bi'. ¿Ñi'ya̱ cua'ni na juani? Ná caca ji'na tsiya' ti tacu̱' na cha' ji'i̱ yu bi'. Tyucui ña'a̱ chalyuu ngusñi ngu' cha' ji'i̱ yu juani.

SAN JUAN 12:19 Referans Kwoze

LOS HECHOS 17:6

Pana ná nquije Pablo lo'o Silas ji'i̱ ngu', bi' cha' ngusñi ngu' ji'i̱ ycui' Jasón lo'o ji'i̱ tya'a ndya'a̱ yu, ndyaa lo'o ngu' ji'i̱ ngu' bi' ca slo ngu' tisiya. Cui̱i̱ nchcui' ngu' lo'o ngu' tisiya li', ngusta ngu' qui'ya ji'i̱ Jasón lo'o ji'i̱ tya'a ndya'a̱ yu: ―Tyaala tsa ngu' bi' ―nacui̱ nu ngu' xña'a̱ bi'―. Lcaa quichi̱ su ndya'a̱ ngu' bi' nga'aa si'i ti̱ ti ndi'i̱ ngu' quichi̱ bi' xqui'ya cha' cuxi nu nchcui' ngu' bi' ―nacui̱ ngu'―. Lo'o juani cua ndyalaa ngu' xña'a̱ bi' quichi̱ tyi na,

1 JUAN 2:2

Ngua cuxi tyiquee na cuentya ji'i̱ ycui' Ndyosi Sti na, xqui'ya cha' ngua'ni na cha' cuxi; bi' cha' nchcube' Jesucristo cña loo na, cha' qui'ya ycui' yu yabe' nu ntsu'u ji'na xqui'ya cha' cuxi nu ngua'ni na. La cui' jua'a̱ qui'ya Jesucristo yabe' nu ntsu'u ji'i̱ lcaa ñati̱ chalyuu nu tso'o ntsu'u tyiquee ña'a̱ ji'i̱ ycui' Ni.

SAN JUAN 17:21

Ndijña na' jinu'u̱ cha' caca stu'ba cresiya ji'i̱ ngu' bi' lo'o tya'a ngu'. Sti na', ñi'ya̱ stu'ba ntsu'u cha' jinu'u̱ lo'o na', ñi'ya̱ stu'ba nchca tyiquee na' lo'o nu'u̱, jua'a̱ cua'ni nu'u̱ cha' caca stu'ba tyiquee ngu' bi' lo'o na; li' taca jlya ti' xa' ñati̱ cha' nu'u̱ nda 'na lijya̱a̱ ―nacui̱ Jesús―.

SAN JUAN 3:26

Bi' cha' ya̱a̱ ngu' slo Juan cha' chcui' ngu' lo'o: ―Mstru ―nacui̱ ngu'―, nu ñati̱ nu ya̱a̱ slo nu'u̱ nde chaca tsu' sta'a̱ Jordán tya tsubi' la, la cui' nu nacui̱ nu'u̱ cha' loo la laca ycui' yu, cua ndyalaa yu bi' ntyucuatya yu ji'i̱ ñati̱ nde tsu' re juani. Ndya'a̱ tsa ngu' slo.

SAN MATEO 21:15

Na'a̱ sti jo'ó nu laca loo cha' tlyu nu ngua'ni Jesús; lo'o nu mstru cha' jo'ó bi', na'a̱ ngu' ñi'ya̱ ngua cha' ndyaca tso'o ngu' quicha bi'. Lo'o jua'a̱ na'a̱ ngu' cha' ndi'i̱ tyu̱u̱ tya'a nu sube, cha' cui̱i̱ tsa nchcui' nu sube bi' ndyu'ni chi̱ ngu' loo Jesús: ―Cua'ni tlyu ya jinu'u̱, cha' la cui' ñati̱ tya'a ji'i̱ jyo'o rey David laca nu'u̱ ―nacui̱ nu sube bi'. Nu lo'o ndyuna ngu' tlyu bi' ñi'ya̱ nu nchcui' nu sube, ngua ñasi̱' tsa ngu' nu laca loo bi' li'.

SAN JUAN 12:18

bi' cha' ngutu'u ñati̱ quiña'a̱ bi', ndyaa ngu' cha' tyacua tya'a ngu' lo'o Jesús tyucui̱i̱, cha' cua ndyuna ngu' ñi'ya̱ ngua'ni Jesús cña tonu bi' lo'o Lázaro.

SAN JUAN 12:20

Lo'o ngu' griego ndyalaa laja ñati̱ nu ndya'a̱ ta'a bi' nde Jerusalén.