SAN JUAN 12:17 - Chatino Tataltepec

¹⁷ Jua'a̱ ngua li'. Nu ñati̱ nu nguti'i̱ slo Jesús nu lo'o ngusi'ya Jesús ji'i̱ jyo'o Lázaro ca tyuquee su nguatsi' cha' tyu'ú Lázaro chaca quiya', nda ngu' cha' lo'o ngu' quichi̱ ñi'ya̱ nu ngua cha' bi';

SAN JUAN 12:17 Referans Kwoze

APOCALIPSIS 1:2

Nde nscua na' lcaa cha' nu cua na'a̱ ycui' na'; jua'a̱ nchcui' liñi na' lo'o ñati̱ ji'i̱ Ni lcaa cha' nu cua nda ycui' Ndyosi lo'o ngu', la cui' cha' tso'o nu nchcui' tsa Jesús ji'i̱ lo'o ñati̱.

LOS HECHOS 5:32

Cha' liñi nchcui' ya lo'o ma̱ cha' cua na'a̱ ya ji'i̱ ycui' Jesús bi'. Cua nda ycui' Ndyosi Xtyi'i ycui' Ni cha' tyanu ne' cresiya ji'i̱ lcaa ñati̱ nu ndu'ni cña nu ngulo Ni ji'i̱ ngu'. Lo'o jua'a̱ Xtyi'i ycui' Ndyosi laca nu ndu'ni cha' taca ca jlo ti' ya cha' chañi laca cha' ji'i̱ Jesucristo nu nclyu'u ya ji'i̱ lcaa ñati̱.

SAN JUAN 19:35

Lo'o na' nu nscua̱ quityi re, Juan laca na', na'a̱ na' cha' jua'a̱ ña'a̱ ngua cha' bi'. Chañi cha' jlo ti' na', bi' cha' nchcui' na' cha' liñi lo'o cu'ma̱, cha' lo'o ma̱ taca jlya ti' ma̱ cha' bi'.

SAN JUAN 12:9

Ngujui cha' ji'i̱ ngu' cha' ndi'i̱ Jesús ca bi', lo'o li' ndyaa quiña'a̱ tya'a ngu' judío; tsa tlyu ti ngu' ndyaa na'a̱ ngu' ji'i̱ Jesús. Lo'o jua'a̱ nti' ngu' ña'a̱ ngu' ji'i̱ nu ngua jyo'o Lázaro bi', cha' ngua'ni Jesús cha' ndyu'ú chaca quiya'.

SAN JUAN 21:24

Lo'o na' laca̱ nu qui'yu nu ngua tsa'a̱ ji'i̱ Jesús bi'. Na' nguscua̱ cha' re lo quityi, lo'o jlo ti' na' cha' liñi tsa nchcui' na' lo'o ma̱. Jlo ti' na' cha' liñi laca lcaa cha' nu nscua na' re.

SAN JUAN 11:42

Lcaa tsa̱ cua jlo ti' na' cha' nduna nu'u̱ lcaa cha' nu nchcui' na' lo'o nu'u̱; pana nchcui' na' lo'o nu'u̱ juani xqui'ya ñati̱ nu ndi'i̱ re, cha' taca ca jlya ti' ngu' jna' cha' chañi cha' cua nda nu'u̱ jna' lijya̱a̱ chalyuu.

SAN JUAN 11:31

Lo'o nu ngu' judío nu ndi'i̱ nxtyucua ji'i̱ María ni'i̱ ni, lo'o na'a̱ ngu' cha' tsa tsiya' ca ngutu'u María ndyaa, li' ndyaa lca'a̱ ngu' ji'i̱ cho'; ngua ti' ngu' cha' to' cuaá ndyaa cho' cha' cunaa cho'.

SAN JUAN 1:34

Ycui' ti na' cua na'a̱ na' ji'i̱ cha' bi'. Chañi cha' nu nchcui' na' lo'o cu'ma̱, cha' yu bi' laca nu sca ti Sñi' ycui' Ndyosi; na cua ngusubi Ni ji'i̱ yu bi'.

SAN JUAN 1:32

Chaca quiya' tso'o tsa nchcui' Juan cha' ji'i̱ Jesús lo'o ngu': ―Cua na'a̱ na' lo'o ngutu'u Xtyi'i ycui' Ndyosi nde cua̱ ya̱a̱ ngua'ya lo Jesús ñi'ya̱ nda'ya sca paloma ―nacui̱―.

SAN JUAN 1:19

Nda Juan cha' lo'o tyu̱u̱ tya'a sti jo'ó lo'o ngu' xirta; ngutu'u ngu' nde quichi̱ Jerusalén, ndyalaa ngu' su ndi'i̱ nu Juan bi' li'. Cua ngulo ngu' judío nu ndi'i̱ ca bi' cña ji'i̱ ngu' bi', cha' ca̱a̱ ngu' slo Juan cha' xcuane ngu' ji'i̱ Juan tilaca laca.