SAN JUAN 11:54 - Chatino Tataltepec

⁵⁴ bi' cha' nga'aa ndyaa Jesús su ndi'i̱ ngu' judío, ngutu'u yu loyuu bi', ndyaa yu chaca loyuu su tyijyu' la xi, ca to' yuu btyi. Ndyalaa yu sca quichi̱ su naa Efraín li', ca bi' nguti'i̱ Jesús lo'o ngu' nu ndyaca tsa'a̱ ji'i̱.

SAN JUAN 11:54 Referans Kwoze

SAN JUAN 7:1

Tiya' la li' xcui' nde loyuu su cuentya Galilea ndya'a̱ Jesús; nga'aa ndya'a̱ yu loyuu su cuentya Judea bi', cha' nti' tsa ngu' bi' cujuii ngu' ji'i̱.

SAN JUAN 7:4

Ná cua'ni nu'u̱ cña bi' cuaana ti si nti' nu'u̱ cha' tyuloo lcaa ñati̱ hi̱; culu'u loo ycui' nu'u̱ ji'i̱ lcaa ñati̱ cha' taca jinu'u̱ cua'ni cha' tlyu jua'a̱.

SAN JUAN 18:20

Li' nguxacui̱ Jesús cha' ji'i̱ sti jo'ó bi': ―Lcua ti se'i̱ su ndya'a̱ na', liñi nchcui' na' lo'o ngu' ña'a̱ cuayá' nu cuna lcaa ñati̱ ―nacui̱ yu―. Masi ne' laa sube ti, masi ne' laa tlyu, lcaa su ndyu'u ti'i̱ ngu' judío, ca bi' ngulu'u na' ji'i̱ ngu'; ni sca quiya' ná nchcui' na' cuaana ti lo'o ngu'.

SAN JUAN 10:40

Li' ndyaa Jesús chaca quiya', ndyaa chaca tsu' sta'a̱ Jordán ca su ngutu̱ Juan ntyucuatya ji'i̱ ngu' tya clyo. Nde bi' nguti'i̱ yu, lo'o jua'a̱ ndya'a̱ tsa ngu' slo.

SAN JUAN 7:13

Pana ntsi̱i̱ ngu' si cuna ngu' judío cha' nu nchcui' ngu', bi' cha' cuaana ti nchcui' ngu' lo'o tya'a ngu'.

SAN JUAN 7:10

Ndyaa nu ngu' qui'yu tya'a Jesús ta'a. Ca tiya' la lo'o ycui' Jesús ndyaa. Ná ndyaa yu tsa tlyu ti lo'o xa' ñati̱, ycui' ti yu ndyaa yu cha' ná ña'a̱ ñati̱ ji'i̱ yu.