SAN JUAN 11:50 - Chatino Tataltepec

⁵⁰ ná nchca tii ma̱ tsiya' ti ―nacui̱ yu―. Tso'o la caca ji'i̱ ma̱ si cajaa sca ti ñati̱, cha' ná cajaa lcaa ngu' quichi̱ tyi na. Cuxi la cña caca si cuityi̱ ngu' tyucui ña'a̱ nasiyu̱ re.

SAN JUAN 11:50 Referans Kwoze

SAN JUAN 18:14

La cui' Caifás ngua nu nda cha' lo'o ngu' judío tya tsubi' la cha' caca tso'o la xi ji'i̱ ngu' quichi̱ masi cajaa sca ñati̱, cha' ná ntsu'u cha' cajaa lcaa ñati̱ li'.

SAN LUCAS 24:46

Nacui̱ yu ji'i̱ ngu': ―Cua sa'ni nscua cha' cajaa ycui' na' nu laca na' nu Cristo bi', lo'o tsa̱ nchca tyuna lo'o cua ngujuii na', li' nscua cha' tyu'ú na' chaca quiya'.

ROMANOS 3:8

La cui' ti ná tso'o laca cha' cua'ni la na cha' cuxi cha' caca tso'o la cha' ji'na nde loo la; pana ntsu'u ngu' nu ñilo'o ji'i̱ tya'a ngu' lo'o nchcui' ngu' cha' jua'a̱ laca cha' cuxi nu nchcui' ya. Liñi tsa cua'ni ycui' Ndyosi lo'o xcube' Ni ji'i̱ ngu' nu nchcui' cha' cuiñi ji'na jua'a̱.

SAN JUAN 19:12

Li' nguxana ndyu'ni cña ti' Pilato, si caja ñi'ya̱ nu cua'ni lyaá yu ji'i̱ Jesús. Pana ña'a̱ ti ndu'ni nu ngu' judío bi', cui̱i̱ ngusi'ya lo'o ngu' ji'i̱ Pilato: ―Si cua'ni lyaá nu'u̱ ji'i̱ nu qui'yu jua ni, li' nga'aa tso'o nu'u̱ cuentya ji'i̱ César nu laca xu'na cu'ma̱ ngu' romano ―nacui̱ ngu'―. Cua nacui̱ nu qui'yu jua cha' sca rey laca yu, bi' cha' tya'a cusu̱u̱ yu ji'i̱ César nu laca xu'na ma̱.

SAN JUAN 11:48

Lo'o ta na chacuayá' ji'i̱ yu cha' tya cua'ni la yu jua'a̱, li' xñi lcaa ngu' quichi̱ cha' ji'i̱ yu. Li' ca̱a̱ ngu' romano cha' cuityi̱ ngu' laa tlyu ji'na, culo'o ngu' ji'i̱ ñati̱ tya'a na su ndi'i̱ ngu' ―nacui̱ ngu'.

SAN MATEO 5:29

’Tso'o la si culo ma̱ si'yu cloo ma̱ la'a tsu' cui̱, xcua̱a̱ ma̱ ji'i̱ li', si si'yu cloo ma̱ ndacui qui'ya cha' ndu'ni ma̱ cha' cuxi. Masi cuityi̱' ma̱, tyanu lubii cresiya ji'i̱ ma̱ li', cha' ná tsaa ma̱ su lye ndyaqui̱ quii' ca bilyaa.