SAN JUAN 11:48 - Chatino Tataltepec

⁴⁸ Lo'o ta na chacuayá' ji'i̱ yu cha' tya cua'ni la yu jua'a̱, li' xñi lcaa ngu' quichi̱ cha' ji'i̱ yu. Li' ca̱a̱ ngu' romano cha' cuityi̱ ngu' laa tlyu ji'na, culo'o ngu' ji'i̱ ñati̱ tya'a na su ndi'i̱ ngu' ―nacui̱ ngu'.

SAN JUAN 11:48 Referans Kwoze

LOS HECHOS 5:28

―Cua ngulo ya cña ji'i̱ ma̱ ―nacui̱ sti jo'ó ji'i̱ ngu' preso―, cha' ná culu'u ma̱ cha' ji'i̱ jyo'o Jesús bi' ji'i̱ ñati̱ ―nacui̱―. ¿Na laca ngua ji'i̱ ma̱ juani? ¿Ni cha' laca ná nduna ma̱? ―nacui̱―. Nclyu'u ma̱ cha' bi' ji'i̱ lcaa ngu' quichi̱ Jerusalén re, lo'o jua'a̱ nti' ma̱ sta ma̱ qui'ya ji'i̱ ya cha' ndyujuii ya ji'i̱ Jesús.

SAN LUCAS 11:52

’Tya'na tsa cu'ma̱, mstru cha' jo'ó. Cua nquijeloo ji'i̱ ma̱ ñi'ya̱ nu ca tsa'a̱ ma̱ lcaa lo cha' nquicha', pana ná ntaja'a̱ ycui' ca ma̱ ca tsa'a̱ ma̱ cha' bi' tsiya' ti; jua'a̱ ndacu̱' ma̱ cha' ji'i̱ xa' ñati̱ nu lo'o ngua ti' ngu' ca tsa'a̱ ngu'.

SAN LUCAS 8:12

Ñi'ya̱ laca nu tsa ycu' si'yu nu ndyú tyucui̱i̱ bi', jua'a̱ laca lo'o ñati̱ nu cua ndyuna cha' tso'o bi' nquicha', lo'o li' hora ti lijya̱ nu xña'a̱ cha' cuityi̱ cha' tso'o nu ntsu'u ne' cresiya ji'i̱ ngu' bi'; nga'aa ndyi'u ti' ngu' cha' tso'o bi', ni ná nchca clyaá ngu' bi' ji'i̱ nu cuxi li'.

SAN MATEO 27:25

―Tso'o ―nacui̱ nu ngu' quiña'a̱ bi'―, tyanu qui'ya hichu̱' ya, lcaa ya lo'o sñi' ya; pana ntsu'u cha' cajaa yu re.

SAN MATEO 22:7

Nu lo'o ndyuna rey cha' nu ngua'ni ngu' bi' lo'o msu ji'i̱, ngua ñasi̱' tsa rey bi' ña'a̱ ji'i̱ ñati̱ xña'a̱ bi'. Li' ngulo rey cña ji'i̱ sendaru ji'i̱ cha' cujuii ngu' ji'i̱ lcaa ñati̱ xña'a̱ bi', cha' su'ba ngu' quii' tyaqui̱ quichi̱ tyi ñati̱ bi'.

SAN MATEO 22:9

Tso'o la tsaa clya ma̱ nde calle tlyu juani; chcui' ma̱ lo'o lcua ti tya'a ñati̱ nu ña'a̱ ma̱ ji'i̱ nde calle jua, cha' ca̱a̱ ngu' ta'a ca slo na'.”

SAN MATEO 24:15

’Jyo'o Daniel nu ngua tu'ba ji'i̱ ycui' Ndyosi cua sa'ni ni, cua nchcui' yu cuentya ji'i̱ sca na nu suba' tsa, nu cua'ni ñu'u̱ ji'i̱ lcaa na lubii. (Caca cuayá' ti' cu'ma̱ ji'i̱ cha' bi' nu lo'o chcui' ma̱ lo quityi re.) Nu lo'o ña'a̱ ma̱ cha' ndu̱ na suba' bi' ca su tacati tsa ne' laa tonu bi' ―nacui̱ Jesús―,