SAN JUAN 11:37 - Chatino Tataltepec

³⁷ Lo'o jua'a̱ ndi'i̱ xi ngu' nu nacui̱: ―¿Ni cha' laca ná ngujui ñi'ya̱ nu cua'ni yu cha' ná cajaa Lázaro nquicha'? Nchca ji'i̱ yu cua'ni yu cha' tyaca tso'o cloo ngu' cuityi̱'.

SAN JUAN 11:37 Referans Kwoze

SAN JUAN 11:32

Lo'o li' ndyalaa María ca su ndu̱ Jesús. Lo'o na'a̱ cho' ji'i̱ yu, hora ti ngutu̱ sti̱' cho' slo Jesús. Lo'o li' nacui̱ María bi': ―Si nguti'i̱ nu'u̱ tsubi', cusu' ―nacui̱―, ná ngujuii tya'a ngula na' li'.

SAN JUAN 11:21

Lo'o li' nchcui' Marta lo'o Jesús: ―Ná ngujuii tya'a ngula na' si nguti'i̱ nu'u̱ ca nde, cusu' ―nacui̱ nu cuna'a̱ bi' ji'i̱ Jesús―.

SAN LUCAS 23:39

Li' chiya'a̱ tsa nchcui' sca nu cuaana tya'a nga'a̱ Jesús lo crusi: ―Si chañi cha' Cristo laca nu'u̱, cua'ni lyaá nu'u̱ ji'i̱ ycui' ca nu'u̱ lacua; lo'o jua'a̱ cua'ni lyaá nu'u̱ ji'i̱ cuare ―nacui̱ ji'i̱ Jesús.

SAN LUCAS 23:35

Lo'o jua'a̱ ndi'i̱ tsa ñati̱ cha' ña'a̱ cui'ya ngu' ji'i̱ Jesús. Lo'o ngu' tisiya ni, nxtyí lo'o ngu' ji'i̱ Jesús li'. Ndi'ya̱ nacui̱ ngu' bi': ―Ngua'ni lyaá yu ji'i̱ xa' ñati̱ nquicha'; pana juani ntsu'u cha' cua'ni lyaá yu ji'i̱ ycui' ca ti yu, si chañi cha' laca yu Cristo nu ngusubi ycui' Ndyosi ji'i̱ lijya̱ chalyuu re ―nacui̱ ngu' bi'.

SAN MARCOS 15:32

Cristo laca yu, nu rey ji'i̱ ngu' Israel tya'a na laca yu, nacui̱ yu. Tso'o la si ca'ya yu lo crusi ycui' ti yu, cha' ña'a̱ na si caca ji'i̱ yu. Jlya ti' na ji'i̱ yu li' ―nacui̱ ngu' ji'i̱ tya'a ngu'. Lo'o jua'a̱ nu ngu' cuaana tya'a ngujui'i̱ ca'a̱ ngu' ji'i̱ lo crusi, lo'o ngu' bi' nchcui' ngu' cha' suba' ji'i̱ Jesús.