SAN JUAN 11:20 - Chatino Tataltepec

²⁰ Tya cuayá' ndyuna ngu' cha' cua lijya̱ Jesús, hora ti ngutu'u Marta ndyaa cha' tyacua tya'a lo'o Jesús tyucui̱i̱. Sca ti María ndyanu ni'i̱.

SAN JUAN 11:20 Referans Kwoze

1 TESALONICENSES 4:17

li' tyacuí̱ lcaa ngu' tya'a na ña'a̱ lu'ú ti na, cha' tyalo'o ycui' Ni ji'na. Ca laja coo nde cua̱ tyacua tya'a na lo'o jyo'o tya'a na li', cha' lcaa na, stu'ba ti tyacua tya'a na lo'o ycui' nu Xu'na na ca bi'. Tsa cu' ti tyi'i̱ na lo'o ycui' Ndyosi li'.

LOS HECHOS 28:15

Cua ngujui cha' ji'i̱ tya'a ñati̱ ji'i̱ Jesucristo nu ca tyi nde Roma cha' cua lijya̱ ya tyucui̱i̱, bi' cha' ndu'u ngu' to' tyi ngu' lijya̱ ngu' cha' tyacua tya'a ngu' lo'o ya tyucui̱i̱. Ndyacua tya'a ya lo'o sca taju ngu' bi' ca quichi̱ Foro de Apio, lo'o li' ndyacua tya'a ya lo'o chaca taju ngu' ca su naa Tres Tabernas; ndya tsa Pablo xlya'be ji'i̱ ycui' Ndyosi lo'o na'a̱ yu ji'i̱ ca ta'a ngu' bi', ngua tlyu la tyiquee yu li'.

LOS HECHOS 10:25

Nu lo'o ndyalaa Pedro to' tyi Cornelio, li' ndu'u nu cusu' ñaa nde liya', ndyatu̱ sti̱' nde loo Pedro cha' cua'ni tlyu ji'i̱ yu ngua ti' Cornelio, ñi'ya̱ ndu'ni tlyu na ji'i̱ ycui' Ndyosi.

SAN JUAN 11:30

Tya lyiji tyalaa Jesús quichi̱, tya nga'a̱ yu su ndyacua tya'a Marta lo'o yu tya tsa̱ la.

SAN MATEO 25:1

’Ta na' chaca cha' lo'o ma̱ cha' ca cuayá' ti' ma̱ ñi'ya̱ caca lo'o laca ycui' Ni loo ne' cresiya ji'i̱ ñati̱: Ndyaa tii tya'a nu cuna'a̱ cuañi' ca to' tyi sca nu cuna'a̱ nu laca cuxi̱i̱ ji'i̱ ngu'; ntsu'u candil ji'i̱ ca ta'a tii tya'a ngu', cha' jatya ngu' ji'i̱ cutsii.

SAN MATEO 25:6

Cla'be talya tsiya' ti nguañi ngusi'ya sca ñati̱: “Cua lijya̱ cutsii juani”, nacui̱. “Tyu'u clya ma̱ nde liya' cha' tsaa ma̱ tyacua tya'a ma̱ lo'o yu, cha' tya̱a̱ lo'o ma̱ ji'i̱ nde ni'i̱.”