Liñi tsa laca cha' nu nchcui' ycui' Ndyosi; cua'ni Ni cha' ná xtyanu na cha' bi', si jlya ti' na cha' nu nchcui' ycui' Ndyosi ndi'ya̱: “Cua nslo ycui' nu Xu'na na tilaca laca ñati̱ ji'i̱ Ni”. Lo'o chaca cha' nchcui' ndi'ya̱: “Cua ña'a̱ ca ñati̱ nu ntsu'u cha' ji'i̱ lo'o Cristo ni, ntsu'u cha' xtyanu ngu' bi' lcaa cha' cuxi”. Jua'a̱ nacui̱ quityi ji'i̱ ycui' Ndyosi.
SAN JUAN 10:3 - Chatino Tataltepec3 Nslo nu ntsu'u cua̱ to' lo'o ji'i̱ xu'na xlya', bi' cha' nda chacuayá' ndyatí̱ yu bi' ne' lo'o ―nacui̱ Jesús―. Nslo xlya' xtyi'i xu'na ni'; lo'o nxi'ya yu ji'i̱ xlya' ji'i̱ ycui' ca, lijya̱ ni' slo yu, ndya'a̱ lo'o yu ji'i̱ xlya' bi' li'. Gade chapit la |
SAN JUAN 10:3
32 Referans Kwoze
Tya ntsu'u la xa' ñati̱ 'na nu ndi'i̱ xa' quichi̱, nu ná stu'ba nga'a̱ lo'o taju ñati̱ re; nga'a̱ cha' tsa'a na' tsaqui'ya na' ji'i̱ ngu' bi', cha' lo'o ngu' bi' tya̱a̱ ngu' ca ne' lo'o re. Lo'o li' cuna ngu' cha' nu chcui' na' lo'o ngu'; caca ngu' sca ti taju ñati̱ 'na, lo'o jua'a̱ caca na' nu sca ti Xu'na ngu' ―nacui̱ Jesús―.
La cui' tyempo bi' jña ma̱ cha' clyu ti' ji'i̱ ycui' Ndyosi cuentya ji'i̱ ya cha' caja la juersa ji'i̱ ya, cha' chcui' ya cha' tso'o ji'i̱ Cristo lo'o xa' la ñati̱, cha' cuna ngu' cha' bi' masi bilya caja ñi'ya̱ nu cuna ngu' cha' bi' yala la; xqui'ya cha' cua nchcui' tsa na' lo'o ngu' jua'a̱, bi' cha' ntsu'u na' ne' chcua̱ juani.
Lo'o nu'u̱ nu tso'o tsa tya'a ndya'a̱ na cña, cua nti' na' cha' xtyucua nu'u̱ ji'i̱ tyucuaa ma' cusu' bi', cha' taca ca tso'o tyiquee ngu' bi' lo'o tya'a ngu'. Tyucuaa ma' cusu' bi' cua ngua'ni tsa ngu' cña cha' cañi la cha' tso'o ji'i̱ Jesús nquicha'; stu'ba ti ngua'ni ngu' bi' cña lo'o na', lo'o Clemente, lo'o xa' la ngu' tya'a ndya'a̱ ya cña. Cua nscua xtañi lcaa ngu' bi' lo quityi ji'i̱ ycui' Ndyosi, nu nscua xtañi ñati̱ nu caja chalyuu nu ná nga'a̱ cha' tye ji'i̱.
Pana ná nquije cha' bi' ji'i̱ ngu' bi' li'; sca ti cha' nchcui' ycui' Ni lo'o ngu' bi', cha' si'i ycui' ngu' bi' laca nu ca cuayá' tso'o ti' ñi'ya̱ caca cha' bi' tyempo nde loo la. Pana cu'ma̱ ni, nu lijya̱ chalyuu nde loo la ji'i̱ ngu' jyo'o bi', nchca cuayá' ti' ma̱ juani, xqui'ya cha' cua ndyuna ma̱ lcaa cha' tlyu nu ngua'ni Jesucristo. Cua ndacha' liñi ya cha' bi' ji'i̱ ma̱; chacuayá' ji'i̱ Xtyi'i ycui' Ndyosi ngulu'u ya cha' bi' ji'i̱ ma̱, cha' cua nda ycui' Ndyosi Xtyi'i ycui' Ni lijya̱ lo ya nde chalyuu. Lo'o jua'a̱ lcaa xca̱ ji'i̱ ycui' Ni nu ndi'i̱ slo Ni, lcaa ngu' bi' nti' tsa ngu' ca cuayá' ti' ngu' lcaa cha' nu ngua ji'i̱ Cristo lo'o ñaa yu nde chalyuu.
Nu nga'a̱ to' lo'o, tso'o tsa ña'a̱si̱i̱ ji'i̱ xlya' ji'i̱; lo'o jua'a̱ na', tso'o tsa ña'a̱si̱i̱ na' ji'i̱ ñati̱ 'na ―nacui̱ Jesús―. Taca tyeje tacui ngu' cha' tyatí̱ ngu' ne' lo'o su nga'a̱ na', cha' ná caca cuxi ji'i̱ ngu' bi' li'. Tso'o ti tyatí̱ ngu' ne' lo'o su nga'a̱ na', tso'o ti tyu'u ngu' chaca quiya', ñi'ya̱ nu ndu'ni xlya'. Caja ñi'ya̱ tyiji̱ yu'u ji'i̱ ngu' bi' li', ñi'ya̱ laca lo'o ndyiji na ndacu xlya'.
Pana ñati̱ ji'i̱ ycui' Ndyosi laca na. Nu lo'o ntsu'u cha' ji'i̱ ñati̱ lo'o ycui' Ndyosi, cuna ngu' lcaa cha' nu chcui' na lo'o ngu' li'; ñati̱ nu ná ntsu'u cha' ji'i̱ lo'o ycui' Ndyosi tsiya' ti, bi' ñati̱ laca nu ná nduna cha' nu nchcui' na. Jua'a̱ taca quijeloo cha' ji'na tilaca laca nu ntsu'u cha' liñi ji'i̱, tilaca laca nu ntsu'u cha' cuiñi ji'i̱.
Piblisite