SAN JUAN 10:26 - Chatino Tataltepec

²⁶ pana ná jlya ti' ma̱ ji'i̱ cña bi', cha' si'i taju ñati̱ 'na laca ma̱. Nacui̱ na' jua'a̱ ji'i̱ ma̱ tsubi' ―nacui̱ Jesús ji'i̱ ngu'―.

SAN JUAN 10:26 Referans Kwoze

SAN JUAN 8:47

Lcaa ñati̱ nu nacui̱ cha' ycui' Ndyosi laca Sti ngu', tyaja'a̱ ngu' bi' cuna ngu' lcaa cha' nu nchcui' Ni lo'o ngu' ―nacui̱ Jesús ji'i̱ ngu' judío bi'―. Pana si'i sñi' ycui' Ndyosi laca cu'ma̱, bi' cha' ná nti' ma̱ cuna ma̱ cha' nu nchcui' na' lo'o ma̱ tsiya' ti.

SAN JUAN 10:27

Ñi'ya̱ ndu'ni xlya', jua'a̱ nduna ñati̱ 'na jna' lo'o nchcui' na' lo'o ngu'. Cua nslo na' ji'i̱ ngu', cua ndya'a̱ ngu' lo'o na'.

1 JUAN 4:6

Pana ñati̱ ji'i̱ ycui' Ndyosi laca na. Nu lo'o ntsu'u cha' ji'i̱ ñati̱ lo'o ycui' Ndyosi, cuna ngu' lcaa cha' nu chcui' na lo'o ngu' li'; ñati̱ nu ná ntsu'u cha' ji'i̱ lo'o ycui' Ndyosi tsiya' ti, bi' ñati̱ laca nu ná nduna cha' nu nchcui' na. Jua'a̱ taca quijeloo cha' ji'na tilaca laca nu ntsu'u cha' liñi ji'i̱, tilaca laca nu ntsu'u cha' cuiñi ji'i̱.

SAN JUAN 10:4

Lo'o cua ngutu'u lcaa xlya' nde liya', li' nde loo la ntyucua nu laca xu'na ni', nde chu̱' la lca'a̱ xlya' ji'i̱ yu, cha' nduna ni' lo'o nxi'ya xu'na ni' ji'i̱ ni'.

SAN JUAN 6:65

Li' nacui̱ Jesús: ―Bi' cha' nacui̱ na' ji'i̱ ma̱ tsa̱ cha' ná tucui caca ñati̱ jna' si ná cua'ni Sti na' cha' ñati̱ 'na caca ngu' bi'.

SAN JUAN 6:37

Lcaa ñati̱ nu cua nda Sti na' jna', ngu' nu ngusñi cha' jna' ni, caca ngu' bi' ñati̱ 'na li'. Tucuá na' cha' ji'i̱ ngu' bi', ná culo'o na' ji'i̱ ngu' cha' tyaa ngu' chaca se'i̱.