SAN JUAN 10:25 - Chatino Tataltepec

²⁵ ―Jua'a̱ ni na' tsaca quiya' ji'i̱ ma̱ ―nacui̱ Jesús ji'i̱ ngu' bi' li'―, lo'o ná jlya ti' ma̱ cha' nu nchcui' na' lo'o ma̱ tsiya' ti ―nacui̱―. Lo'o ña'a̱ ma̱ cha' ndu'ni na' cña tonu bi' chacuayá' ji'i̱ Sti na', ndyiji cha' liñi ji'i̱ ma̱ li';

SAN JUAN 10:25 Referans Kwoze

SAN JUAN 10:38

Pana nu lo'o ndu'ni na' cña ji'i̱ ycui' Ndyosi, li' caca jlya ti' ma̱ jna' xqui'ya cña nu ndu'ni na' bi', masi ná jlya ti' ma̱ cha' nu nchcui' na'. Lo'o li' caca cuayá' ti' ma̱, caca jlo ti' ma̱, cha' stu'ba ntsu'u cha' ji'i̱ Sti na' lo'o na', stu'ba ntsu'u cha' jna' lo'o Sti na'.

SAN JUAN 8:58

―Liñi tsa cha' nu nchcui' na' lo'o cu'ma̱ juani ―nacui̱ Jesús―, cha' cua laca lu'ú na' lo'o ngula jyo'o Abraham bi'.

SAN JUAN 14:11

Xñi ma̱ cha' jna' lacua, cha' nu nacui̱ na' ji'i̱ ma̱ cha' stu'ba ntsu'u cha' 'na lo'o ycui' Ndyosi Sti na'. Si ná caca jlya ti' ma̱ 'na jua'a̱, li' tso'o masi xqui'ya cña tonu nu ndu'ni na', bi' cha' jlya ti' ma̱ jna' ―nacui̱ Jesús―.

HEBREOS 2:3

La cui' ti cha' caca ji'na juani, si ná taquiya' na ji'i̱ cha' nu cua ndyuna na bi', cha' clyaá na ji'i̱ nu cuxi; ná caja ñi'ya̱ clyaá na ji'i̱ ycui' Ndyosi lo'o cua ndye chalyuu, nu lo'o cua'ni cuayá' Ni ji'i̱ lcaa ñati̱. Clyo ndacha' ycui' Jesús nu Xu'na na cha' bi' ji'i̱ ñati̱ nu ngua tsa'a̱ ji'i̱ yu, jua'a̱ ndyuna ngu' bi' cha' nu nchcui' yu; tiya' la li', lo'o ji'na ndacha' ngu' bi' cha' bi'. Bi' cha' jlo ti' na cha' chañi laca cha' bi'.

LOS HECHOS 10:38

Jlo ti' ma̱ ñi'ya̱ nguti'i̱ Jesús chalyuu, la cui' Jesús Nazaret. Cua ngusubi ycui' Ndyosi Sti yu ji'i̱ Jesús, nda la Ni juersa ji'i̱ nu Jesús bi' nu lo'o ndyalaa Xtyi'i ycui' Ni lo yu. Lcaa su nguta'a̱ yu ngua'ni yu cha' tso'o lo'o ñati̱, lo'o jua'a̱ ngua'ni yu cha' ndyaca tso'o ngu' nu quicha tsa, masi ñati̱ nu ntsu'u tsa cha' ti'í ji'i̱ xqui'ya cha' ngusñi cui'i̱ cuxi ji'i̱ ngu'. Ngua'ni Jesús cña jua'a̱, cha' nguxtyucua ycui' Ndyosi ji'i̱ yu.

SAN JUAN 20:30

Chañi cha' ngua'ni Jesús quiña'a̱ la cha' tlyu cha' cube ti' ñati̱ ji'i̱ ycui' Ndyosi Sti yu. Na'a̱ ngu' nu ngua tsa'a̱ ji'i̱ cha' bi', masi ná nchcui' quityi re cha' ji'i̱ lcaa cha' bi'.

SAN JUAN 12:37

Masi cua ngua'ni Jesús quiña'a̱ cha' tlyu slo ñati̱ bi', ná ntaja'a̱ ngu' xñi ngu' cha' nu nchcui' yu.

SAN JUAN 11:47

Bi' cha' nu ngu' sti jo'ó nu laca loo lo'o ngu' fariseo bi', nguxana nxi'ya ngu' ji'i̱ lcaa ngu' tisiya, cha' tyu'u ti'i̱ ngu'. Lo'o li' nchcui' ngu' lo'o tya'a ngu': ―¿Ñi'ya̱ cua'ni na juani? ―nacui̱ ngu'―. Quiña'a̱ tsa cha' tlyu ndyu'ni nu qui'yu bi'.

SAN JUAN 10:32

Li' nchcui' yu lo'o ngu' bi': ―Cua quiña'a̱ tsa cña tso'o ngua'ni na' chacuayá' ji'i̱ Sti na' slo cu'ma̱, lo'o jua'a̱ cua na'a̱ ma̱ cña nu ngua'ni na'. ¿Ha xqui'ya sca cña tso'o nu ngua'ni na', bi' cha' nti' ma̱ cuta ma̱ quee 'na?

SAN JUAN 8:24

Bi' cha' ni na' ji'i̱ ma̱ cha' cajaa ycui' ma̱ ña'a̱ lo'o cresiya cuxi ji'i̱ ma̱; chañi cha' bi': cajaa ma̱ ña'a̱ lo'o cresiya cuxi ji'i̱ ma̱, si ná jlya ti' ma̱ cha' laca na' ñi'ya̱ nu ni na' ji'i̱ ma̱ cha' laca na'.

SAN JUAN 8:12

Chaca quiya' nda Jesús cha' lo'o ngu' ne' laa bi'. ―Na' laca̱ nu nda̱ xee cha' tyu'ú ne' cresiya ji'i̱ ñati̱ ―nacui̱ yu―. Tyanu xee lubii jna' ne' cresiya ji'i̱ ñati̱ nu xñi cha' jna', lo'o jua'a̱ ná nga'a̱ cha' tye chalyuu ji'i̱ ngu' bi' li'; nga'aa ntsu'u cha' tya'a̱ yu'u ngu' bi', ñi'ya̱ nu ndu'ni ngu' nu ná ntsu'u xee jna' ne' cresiya ji'i̱ tsiya' ti.

SAN JUAN 7:31

Masi jua'a̱ ngua'ni ngu' bi', tya ndi'i̱ quiña'a̱ ñati̱ nu ngusñi cha' ji'i̱ yu. Nchcui' ngu' lo'o tya'a ngu' li': ―La cui' ña'a̱ cña tonu cuentya ji'i̱ ycui' Ndyosi ndu'ni yu re, ñi'ya̱ nu nscua lo quityi cha' cua'ni nu ñati̱ tlyu nu cua ca̱a̱ ti; bi' laca yu re, nti' ya ―nacui̱ ngu'.

SAN JUAN 3:2

Ndyaa nu cusu' bi' sca talya su nga'a̱ Jesús: ―Mstru Jesús ―nacui̱―, jlo ti' ngu' cha' nu'u̱ laca sca mstru nu nda ycui' Ndyosi ji'i̱ lijya̱ chalyuu, cha' ná ngua jinu'u̱ cua'ni ni sca cha' tlyu si ná nxtyucua ycui' Ndyosi jinu'u̱. Ná nchca ji'i̱ ñati̱ chalyuu cua'ni ngu' jua'a̱ ―nacui̱ Nicodemo ji'i̱ Jesús.

LOS HECHOS 2:22

’Cu'ma̱ ngu' Israel ―nacui̱ yu―, cua'a̱ jyaca̱ ma̱ ji'i̱ cha' nu chcui' na' lo'o ma̱ juani: Ngu' Nazaret laca Jesús. Nguxtyucua ycui' Ni ji'i̱ yu lo'o ngua'ni yu xcui' cña tonu ca slo ma̱. Ngulacua tsa ti' ma̱ lo'o na'a̱ ma̱ cña tonu bi', lo'o ngua cuayá' ti' ma̱ cha' xcui' cña ji'i̱ ycui' Ndyosi ngua.

SAN JUAN 8:56

Nu Abraham jyo'o cusu' ji'i̱ ma̱ ni, lye tsa ngua ti' yu ña'a̱ yu jna' lo'o cala na' chalyuu. Lo'o li' ndi'ya̱ ngua, cha' cua na'a̱ nu cusu' jna', tso'o tsa ndyu'u tyiquee yu li'.

SAN JUAN 10:37

Ná ntsu'u cha' jlya ti' ma̱ jna' ―nacui̱ Jesús li'―, si ná ndu'ni na' cua ña'a̱ ca cña nu ndu'ni Sti na' ―nacui̱―.