SAN JUAN 10:24 - Chatino Tataltepec

²⁴ Li' ndyu'u ti'i̱ tyu̱u̱ tya'a ngu' judío slo Jesús, nchcuane ngu' ji'i̱ yu: ―¿Ni jacua' chcui' liñi nu'u̱ lo'o cua, cha' caca cuayá' ti' ya si nu'u̱ laca nu ñati̱ tlyu nu ta ycui' Ndyosi ji'i̱ ca̱a̱? ―nacui̱ ngu' ji'i̱ Jesús―. Ná talo ya si ná cacha' nu'u̱ lcaa cha' ji'i̱ cua. Tso'o si chcui' liñi nu'u̱ juani.

SAN JUAN 10:24 Referans Kwoze

SAN JUAN 1:19

Nda Juan cha' lo'o tyu̱u̱ tya'a sti jo'ó lo'o ngu' xirta; ngutu'u ngu' nde quichi̱ Jerusalén, ndyalaa ngu' su ndi'i̱ nu Juan bi' li'. Cua ngulo ngu' judío nu ndi'i̱ ca bi' cña ji'i̱ ngu' bi', cha' ca̱a̱ ngu' slo Juan cha' xcuane ngu' ji'i̱ Juan tilaca laca.

SAN JUAN 8:53

¿Ha nti' nu'u̱ cha' xti la cha' jlo ti' jyo'o cusu' Abraham ji'i̱ ya, quiña'a̱ la cha' jlo ti' ycui' nu'u̱ lacua? ¿Ha jua'a̱ nti' nu'u̱? Lo'o jyo'o Abraham, lo'o nu xa' la jyo'o cusu' bi', cua ngujuii lcaa ngu' bi'. ¿Tilaca laca nu'u̱, nti' nu'u̱?

SAN JUAN 8:25

―¿Tilaca laca nu'u̱ lacua? ―nacui̱ ngu' ji'i̱ Jesús li'. ―Tya tsubi' ni na' ji'i̱ ma̱ tilaca laca na' ―nacui̱ Jesús li'―.

SAN MATEO 11:3

cha' xcuane ngu' bi' ji'i̱ Jesús cuentya ji'i̱ Juan ndi'ya̱: ―¿Ha chañi cha' nu'u̱ laca ycui' nu cua ca̱a̱ ti? ―nacui̱ ngu' bi' ji'i̱ Jesús li'―. ¿Ha tya ca̱a̱ la chaca nu caca ycui' Cristo?

2 CORINTIOS 3:12

Lo'o juani nga'aa ntsi̱i̱ na chcui' na lo'o ñati̱, cha' jlo ti' na cha' tso'o tsa laca cha' ji'i̱ Jesús nu nchcui' na re.

SAN JUAN 16:25

’Xcui' cui̱i̱ ti nda na' lo'o ma̱ ―nacui̱ Jesús―, cha' caca cuayá' ti' ma̱ scaa cha'; pana tyalaa sca tsa̱ lo'o nga'aa si'i cui̱i̱ ti chcui' na' lo'o ma̱ li', liñi ti ta na' cha' lo'o ma̱ cha' ji'i̱ ycui' Ndyosi Sti na'.

SAN JUAN 9:22

Jua'a̱ nacui̱ sti xtya'a̱ nu qui'yu bi' ji'i̱ ngu', cha' ntsi̱i̱ tsa ngu' ji'i̱ ngu' judío bi'; na cua ngua'ni stu'ba ngu' laca cña cha' ji'i̱ ngu' lo'o tya'a ngu' cha' culo'o ngu' ji'i̱ ñati̱ ne' laa, cua ña'a̱ ca ñati̱ nu ñacui̱ cha' Jesús laca Cristo, nu ñati̱ tlyu nu nda ycui' Ndyosi ji'i̱ lijya̱ chalyuu. Nga'aa ta ngu' judío bi' chacuayá' tsaa ngu' ne' laa li'.

SAN LUCAS 3:15

Nclyacua tsa ti' ngu' su ndi'i̱ ti ngu', cha' ngua ti' ngu' cha' Juan laca nu Cristo nu cua ca̱a̱ ti chalyuu.

SAN MARCOS 8:32

Liñi ngulu'u Jesús cha' bi' ji'i̱ nu ngu' nu ndyaca tsa'a̱ ji'i̱; bi' cha' ngusñi Pedro ya' Jesús li', nchcui' lo'o yu cha' ngua ti' cua'a ji'i̱ yu, cha' nga'aa chcui' Jesús jua'a̱.

SAN JUAN 10:31

Chaca quiya' ngusñi nu ngu' judío bi' quee cha' cu̱ ngu' ji'i̱ Jesús, cujuii ngu' ji'i̱.

SAN JUAN 10:33

Li' nguxtyacui nu ngu' judío bi' cha' lo'o Jesús: ―Ná cujuii ya jinu'u̱ lo'o quee xqui'ya sca cña tso'o nu ngua'ni nu'u̱ ―nacui̱ ngu'―, xqui'ya cha' cuxi nu nchcui' nu'u̱ ji'i̱ ycui' Ndyosi, bi' cha' cu̱ ya quee jinu'u̱. Sñi' ñati̱ chalyuu ti laca nu'u̱, pana ndu'ni nu'u̱ cha' laca nu'u̱ ycui' Ndyosi.