SAN JUAN 10:10 - Chatino Tataltepec

¹⁰ ’Tsa cu' ti cña cuaana ndu'ni nu ngu' cuaana bi' ―nacui̱ Jesús―. Ndya'a̱ ngu' bi' cha' cua'ni ñu'u̱ ngu' ji'i̱ ñati̱, cha' chcuna' cresiya ji'i̱ ñati̱ bi'; na cua lijya̱ na' cha' ta na' chalyuu tso'o ji'i̱ ñati̱, su caca tyi'i̱ ngu' tyucui tyiquee ngu' li' ―nacui̱―.

SAN JUAN 10:10 Referans Kwoze

SAN LUCAS 19:10

Cua nda Ni 'na lijya̱a̱ cha' caca na' ñati̱ cha' clyana na' ji'i̱ ñati̱ nu nguna' chalyuu ji'i̱ xqui'ya nu cuxi, lo'o jua'a̱ cua'ni lyaá na' ji'i̱ ngu' bi'.

SAN JUAN 6:51

Na' laca̱ nu cha' tso'o nu caja ji'i̱ ñati̱ ―nacui̱ Jesús―. Ngutu'u na' nde slo ycui' Ndyosi lijya̱ na' chalyuu cha' caca na' ñati̱, cha' caja ñi'ya̱ nu tyaala' ti' ngu'. Nu lo'o xñi ñati̱ cha' jna', ná nga'a̱ cha' tye chalyuu ji'i̱ ngu' bi' li'; ta na' tyucui ña'a̱ na' ji'i̱ ngu', cha' jua'a̱ caja chalyuu cucui ji'i̱ ngu'.

SAN JUAN 12:47

Nda na' cha' lo'o ngu'; pana si cuna ngu' cha' bi', lo'o li' ná taquiya' ngu' ji'i̱ cha' bi', si'i na' nu sta̱ qui'ya ji'i̱ ngu' bi' li' ―nacui̱ Jesús―. Ná lijya̱ na' cha' cua'ni cuayá' na' ji'i̱ ñati̱ chalyuu; cha' cua'ni lyaá na' ji'i̱ ngu', bi' cha' lijya̱ na'.

SAN JUAN 6:33

Juani ta Sti na' sca lo cha' tso'o nu cacu ma̱ nu chañi cha' cua'ni cha' tyaala' ti' ma̱ lo'o caja cha' bi' ji'i̱ ma̱, ñi'ya̱ laca lo'o ndyacu ma̱ tyaja. Ndu'u cha' tso'o bi' ca su ndi'i̱ ycui' Ndyosi, lijya̱ bi' nde lo yuu, nda bi' chalyuu nu ná nga'a̱ cha' tye ji'i̱ ma̱.

SAN JUAN 3:17

Si'i cha' sta ycui' Ndyosi Sti na' qui'ya ji'i̱ ñati̱ chalyuu nda Ni jna' lijya̱ na' chalyuu, na cua lijya̱ na' cha' cuityi̱ na' qui'ya nu ntsu'u ji'i̱ ñati̱ chalyuu; bi' cha' cua nda Ni jna' lijya̱ na' ―nacui̱ Jesús―.

1 TIMOTEO 1:15

Taca xñi tso'o ngu' cha' nu nchcui' ndi'ya̱: Cua ya̱a̱ Jesucristo nde chalyuu cha' cua'ni lyaá Ni ji'i̱ ñati̱ chalyuu nu ntsu'u qui'ya ji'i̱. Lo'o na', tlyu la xqui'ya na' que xa' la ñati̱, cha' cuxi tsa cña nu ngua'ni na' lo'o ñati̱ ji'i̱ Jesucristo nu ngua sa'ni la.

SAN JUAN 10:1

’Ta na' sca cha' liñi lo'o ma̱ juani ―nacui̱ Jesús ji'i̱ ngu' judío li'―. Tachaa tsa ndya' lo'o su ndyi'i̱ xlya' talya. Lo'o ndya'a̱ ngu' ne' lo'o bi', sca ti to' lo'o nga'a̱ cha' tyatí̱ ngu'. Nu cuaana laca nu ndyacuí̱ que lo'o, ndyatí̱ chaca se'i̱ li' ―nacui̱ Jesús―.

SAN MATEO 20:28

Na' nu cua nda Ni 'na lijya̱a̱ cha' caca na' ñati̱, ná lijya̱ na' nde chalyuu cha' caja msu 'na; ycui' na' laca na' msu ji'i̱ ñati̱, bi' cha' lijya̱ na'. Na cua lijya̱ na' cha' cajaa na' cha' cati̱ qui'ya nu ntsu'u ji'i̱ ñati̱, cha' cua'ni lyaá na' ji'i̱ quiña'a̱ tsa ñati̱ li' ―nacui̱ Jesús ji'i̱ ngu'.

HEBREOS 7:25

Lcaa ca tyempo, masi juani, masi nde loo la, taca ji'i̱ Ni cua'ni lyaá Ni ji'i̱ cua ña'a̱ ca ñati̱ nu xñi cha' ji'i̱ ycui' Ndyosi xqui'ya Jesús. Tyucui tyempo ndi'i̱ Jesús ca slo ycui' Ndyosi, cha' chcui' Ni lo'o ycui' Sti Ni cuentya ji'na.

2 PEDRO 1:11

ndya'a̱ ma̱ lo tyucui̱i̱ ji'i̱ ycui' Ndyosi li'. Jua'a̱ caca ycui' Jesucristo nu Xu'na na loo ji'i̱ ma̱, bi' laca nu ndyu'ni lyaá ji'na; ná nga'a̱ cha' tye tsa̱ cha' laca ycui' Ni loo, lo'o li' tso'o ti tyatí̱ na ca su ntucua ycui' Ni.

HEBREOS 6:17

La cui' jua'a̱ ngua'ni ycui' Ndyosi. Ngua ti' Ni cacha' liñi Ni ji'i̱ ngu' ñi'ya̱ nu caca cha' bi' ji'i̱ ngu' bi' ca nde loo la, cha' ca cuayá' ti' ngu' cha' nga'aa tya'a̱chu̱' Ni tsiya' ti ji'i̱ sca cha' nu cua nacui̱ Ni tsaca quiya'; bi' cha' xtañi ycui' Ni ngulotu̱ Ni clyo, cha' jua'a̱ ngüiñi cha' ji'i̱ Ni lo'o jyo'o bi'.

SAN MATEO 23:13

’¡Tya'na tsa cu'ma̱ ngu' mstru cha' jo'ó, lo'o jua'a̱ cu'ma̱ ngu' fariseo, cha' tucua cha' ntsu'u tyiquee ma̱! Na ndacu̱' ma̱ tyucui̱i̱ ji'i̱ ngu', cha' ná caca tyatí̱ ngu' cha' ji'i̱ ycui' Ndyosi, cha' ná caca ycui' Ni loo ne' cresiya ji'i̱ ngu'. Ni ycui' ma̱, ná caca tyatí̱ ma̱ cha' bi', lo'o jua'a̱ ná nda ma̱ chacuayá' cha' tyatí̱ xa' la ñati̱ cha' bi'.

ROMANOS 2:21

Na nclyu'u ma̱ ji'i̱ tya'a ñati̱ ma̱ tu'ni, ¿ni cha' laca ná nchca culu'u ma̱ ji'i̱ ycui' ca ti ma̱? Nacui̱ ma̱ cha' ná tso'o cuaana ngu' na nu ntsu'u ji'i̱ xa' ñati̱. ¿Ha ná lo'o cu'ma̱ tya ntucuaana ma̱ ntsu'u quiya'?

SAN MATEO 18:10

’Ná tso'o si ná taquiya' ma̱ ji'i̱ sca ñati̱ 'na, masi ji'i̱ sca nu piti. Cha' liñi nchcui' na' lo'o ma̱, cha' ntsu'u xca̱ ca su ntucua ycui' Ni cuentya ji'i̱ lcaa ngu' sube bi'; lcaa hora ntsu'u chacuayá' chcui' xca̱ bi' lo'o ycui' Ndyosi Sti na' cuentya ji'i̱ nu ngu' sube ji'i̱.

SAN MARCOS 11:17

Li' nda Jesús sca cha' lo'o ngu' jua: ―Ndi'ya̱ nscua lo quityi ji'i̱ ycui' Ndyosi cuentya ji'i̱ laa re: “Ni'i̱ su caca chcui' lcaa ñati̱ lo'o ycui' Ndyosi, jua'a̱ ñacui̱ ngu' cha' ji'i̱ ni'i̱ 'na, nacui̱ Ni”. Jua'a̱ nscua lo quityi ―nacui̱ Jesús li'―, pana juani, cua ngua'ni ma̱ cha' to' tyi ngu' cuaana laca ni'i̱ re ―nacui̱ Jesús ji'i̱ ngu' bi'.

SAN JUAN 12:6

Cha' cuaana Judas, bi' cha' nacui̱ jua'a̱, si'i cha' tya'na ti' ji'i̱ ngu' ti'i. Ycui' ca Judas laca loo ji'i̱ cuiji̱ su ntsu'u cñi ji'i̱ ngu' tya'a ndya'a̱ lo'o Jesús, pana na ntyucuaana Judas cñi nu ntsu'u ji'i̱ lcaa ngu' bi'.

SAN MATEO 21:13

―Ndi'ya̱ nscua cha' lo quityi ji'i̱ ycui' Ndyosi cuentya ji'i̱ laa re ―nacui̱ Jesús li'―: “Ni'i̱ su caca chcui' lcaa ñati̱ lo'o ycui' Ndyosi, jua'a̱ ñacui̱ ngu' cha' ji'i̱ ni'i̱ 'na, nacui̱ Ni.” Jua'a̱ nscua lo quityi, pana juani, cua ngua'ni ma̱ cha' to' tyi ngu' cuaana laca ni'i̱ re ―nacui̱ Jesús ji'i̱ ngu' bi'.

SAN JUAN 5:40

Pana ná ntaja'a̱ ma̱ jña ma̱ chalyuu tso'o bi' jna'.

SAN JUAN 10:11

Tso'o tsa ña'a̱si̱i̱ na' ji'i̱ xlya' 'na. Ycui' ca na' tyaja'a̱ Na' caja̱a̱ cha' ná cajaa xlya' jna', cha' ntsu'u tsa tyiquee na' ña'a̱ na' ji'i̱ ngu' ―nacui̱―.

SAN MATEO 18:11

Cua nda Ni 'na lijya̱a̱ chalyuu chacuayá' ji'i̱ ycui' Ndyosi cha' caca na' ñati̱, cha' cua'ni lyaá na' ji'i̱ ñati̱ nu cua nguna' chalyuu ji'i̱ xqui'ya cha' cuxi.