SAN JUAN 1:9 - Chatino Tataltepec

⁹ Nu laca xee nu chañi ca, cua lijya̱ yu bi' lo yuu cha' ta xee nu caca tyu'ú ne' cresiya ji'i̱ cua ña'a̱ ca ñati̱.

SAN JUAN 1:9 Referans Kwoze

SAN JUAN 12:46

Cua lijya̱ na' chalyuu cha' caca na' ñi'ya̱ laca sca xee nu tyu'ú ne' cresiya ji'i̱ ñati̱. Lo'o xñi ñati̱ cha' jna', li' nga'aa tyi'i̱ ngu' chalyuu ñi'ya̱ laca si ná ntsu'u xee ne' cresiya ji'i̱ ngu' xqui'ya cha' cuxi nu ndu'ni ngu'.

1 JUAN 2:8

Pana si'i jua'a̱ ndyu'ni ñati̱, bi' cha' nacui̱ na cha' sca cña cucui laca bi'. Tsubi' ti nguxana Jesucristo ngulu'u yu ji'na ñi'ya̱ ntsu'u cha' tyu'u tso'o tyiquee na ña'a̱ na ji'i̱ xa' la tya'a ñati̱ na, ngua'ni Jesús cha' taca cua'ni na jua'a̱. Sca cha' cucui laca bi', cha' cua tye ti cha' talya ña'a̱ ne' cresiya ji'na; juani tyanu nu cha' tso'o ji'i̱ Jesucristo ne' cresiya ji'na, ñi'ya̱ nti' si ntyiji'i̱ sca xee nu ndubi tsa ña'a̱ su ndi'i̱ na.

SAN JUAN 1:4

Ca slo ycui' Ndyosi ndu'u yu bi' ya̱a̱ cha' caca tso'o cresiya ji'i̱ ñati̱ chalyuu na. Ngua'ni yu cha' caca cuayá' ti' na lcaa cha' liñi, xqui'ya xee nu ta Ni cha' tyanu ne' cresiya ji'na.

1 JUAN 5:20

Cua jlo ti' na cha' cua ya̱a̱ nu sca ti Sñi' ycui' Ndyosi nde lo yuu chalyuu, lo'o jua'a̱ cua nda bi' chacuayá' cha' caca tyu'u cha' ji'na lo'o ycui' Ndyosi. Chañi cha' stu'ba ntsu'u tyiquee na lo'o ycui' Ndyosi juani, xqui'ya cha' stu'ba ntsu'u tyiquee na lo'o Jesucristo nu laca Sñi' ycui' ca Ni. Chañi cha' ycui' Ndyosi tsiya' ti laca nu Jesús bi', lo'o jua'a̱ chañi cha' ná nga'a̱ cha' tye chalyuu cucui nu ta Ni ji'na.

SAN JUAN 14:6

―Na' laca̱ nu nclyu'u̱ tyucui̱i̱ ―nacui̱ Jesús li'―, na' nclyu'u̱ lcaa cha' nu liñi ca; na' nda̱ chalyuu tso'o ji'i̱ ngu', chalyuu nu ná nga'a̱ cha' tye. Ná taca ji'i̱ ngu' tyalaa ngu' ca slo ycui' Ndyosi si ná lo'o na' ―nacui̱ Jesús―.

SAN JUAN 6:32

Li' nchcui' Jesús lo'o ngu' chaca quiya': ―Liñi tsa cha' nu nchcui' na' lo'o ma̱ juani: Ycui' Ndyosi Sti na' laca nu ta cha' tso'o nu cacu ma̱, la cui' cha' bi' laca nu ndyu'u nde su ndi'i̱ ycui' Ni; si'i la cui' cha' ñi'ya̱ nu nda jyo'o Moisés ndyacu ngu' cua sa'ni ―nacui̱―.

1 JUAN 1:8

Si ñacui̱ na cha' ná ntsu'u qui'ya ji'na tsiya' ti, na ñilo'o na ji'i̱ ycui' ca ti na li', cha' ná nchca chcui' na cha' liñi.

SAN JUAN 15:1

’Na' laca̱ ñi'ya̱ laca sca su̱u̱ yaca nu nda si'yu tyixi, jua'a̱ laca na' ―nacui̱ Jesús ji'i̱ ngu'―. Lo'o ycui' Ndyosi Sti na' laca nu ca ji'i̱ yaca bi'.

SAN JUAN 7:12

Quiña'a̱ tsa cha' nda ngu' quichi̱ bi' lo'o tya'a ngu' cuentya ji'i̱ Jesús. Ntsu'u ngu' nu nchcui' ndi'ya̱: “Tso'o tsa ñati̱ bi'”. Lo'o ntsu'u xi xa' la ngu' nu ndu'ni: “Si'i. Xcui' cha' cuiñi nda yu, na ñilo'o ti yu ji'i̱ ngu'”.

SAN MATEO 6:23

Pana si quicha si'yu cloo na, nga'aa caca cua'ni na cña, cha' talya xee ña'a̱ na li'. Lo'o jua'a̱ ne' cresiya ji'i̱ ma̱ ni, si ndyacu̱' xee ji'i̱ ma̱ cha' ntsu'u chalyuu cuxi ji'i̱ ma̱, nga'aa tyu'u xee ne' cresiya ji'i̱ ma̱ tsiya' ti li'; talya tsa tyanu cresiya ji'i̱ ma̱ li'.

SAN LUCAS 11:36

Lo'o lubii ti tyucui ña'a̱ ma̱, lo'o ná ntsu'u cha' ji'i̱ ma̱ tsiya' ti lo'o chalyuu cuxi bi', li' xee ti' ma̱, ñi'ya̱ si tso'o tsa ntyiji'i̱ sca xee tyucui ña'a̱ ma̱.