SAN JUAN 1:50 - Chatino Tataltepec

⁵⁰ Lo'o li' nguxacui̱ Jesús cha' ji'i̱ Natanael: ―¿Ha bi' cha' jlya ti' nu'u̱ jna' ―nacui̱ yu―, xqui'ya cha' cua nchcui' na' lo'o nu'u̱ cha' cua na'a̱ na' jinu'u̱ ca ne' yaca quityi bi'? ―nacui̱―. Cha' xca ti laca bi', tonu la cha' ña'a̱ nu'u̱ nde loo la.

SAN JUAN 1:50 Referans Kwoze

SAN JUAN 11:40

Li' nacui̱ Jesús: ―Caca ña'a̱ ma̱ cha' tlyu tsa nu ndu'ni ycui' Ndyosi nu lo'o jlya ti' ma̱ ji'i̱ Ni. ¿Ha si'i jua'a̱ ni na' ji'i̱ ma̱ tsa̱?

SAN JUAN 20:29

―Jlya ti' nu'u̱ juani cha' cua na'a̱ nu'u̱ jna' ―nacui̱ Jesús ji'i̱ Tomás―, pana tso'o la caca tyiquee ñati̱ nu jlya ti' 'na lo'o bilya ña'a̱ ngu' 'na.

SAN LUCAS 1:45

Tso'o tsa tyiquee nu'u̱ cha' jlya ti' nu'u̱ cha' ji'i̱ ycui' Ndyosi, cha' cua'ni Ni lcaa cha' nu nda ycui' Ni lo'o nu'u̱. Jua'a̱ nacui̱ Elisabet ji'i̱ María.

SAN MATEO 25:29

Jua'a̱ laca lo'o ñati̱ nu ntsu'u xi cha' ji'i̱, tya ta na' quiña'a̱ la cha' ji'i̱ ñati̱ bi', cha' quiña'a̱ la cha' tso'o tyu'u ji'i̱ ngu' bi'; pana ñati̱ nu xixi ca cha' ntsu'u ji'i̱, si ná nti' ngu' cua'ni ngu' cña lo'o, hasta xlyaá na' nu xti ti cha' nu ntsu'u ji'i̱ ngu' li'.

SAN LUCAS 7:9

Lo'o cua ndyuna Jesús cha' nu nchcui' ngu' lo'o, ndube tsa ti' yu. Li' nguxtyacui Jesús su ndu̱ tyucui̱i̱, nchcui' yu lo'o ñati̱ nu ndya'a̱ lo'o yu: ―Chañi cha' nu nchcui' na' lo'o ma̱ juani ―nacui̱ Jesús―, cha' bilya ña'a̱ na' ji'i̱ sca ñati̱ nu jlya tsa ti' ji'i̱ ycui' Ndyosi ñi'ya̱ nu jlya ti' nu capitán bi'. Tyucui ña'a̱ nasiyu̱ Israel re, ná ntsu'u ngu' nu jlya ti' jna' jua'a̱ ―nacui̱ Jesús ji'i̱ ngu'.

SAN MATEO 13:12

Ñati̱ nu jlya ti' cha' nu nduna ngu' ji'i̱ ycui' Ndyosi, tya ta la Ni cha' lo'o ngu' bi', cha' jua'a̱ tso'o la xñi ngu' cha' ji'i̱ ycui' Ni; pana ñati̱ nu ná jlya ti' cha' bi', nu ná nti' taquiya' ngu' ji'i̱ cha' bi', cua'ni ycui' Ni cha' ná caca ji'i̱ ngu' xñi ngu' cha' ji'i̱ ycui' Ni tsiya' ti.

SAN MATEO 21:19

Lo'o li' na'a̱ yu sca yaca quityi nu ndu̱ to' tyucui̱i̱. Ndyaa na'a̱ yu ji'i̱ yaca bi' si ntsu'u si'yu lo yaca bi' cha' cacu yu; pana ná ntsu'u si'yu lo, xcui' laca' ti ntsu'u lo. Li' nchcui' Jesús ji'i̱ yaca bi': ―Nga'aa tyu'u tsiya' ti si'yu lo yaca cua chaca yija̱ ―nacui̱. Hora ti ngüityi yaca bi'.

SAN JUAN 1:49

―Mstru ―nacui̱ Natanael―, chañi cha' nu'u̱ laca nu sca ti Sñi' ycui' Ndyosi, nu'u̱ laca Rey nu laca loo ji'i̱ ngu' Israel.

SAN JUAN 1:51

Lo'o li' nacui̱ Jesús ji'i̱ ngu': ―Ta na' sca cha' liñi lo'o ma̱ juani ―nacui̱ yu―. Nde loo la ña'a̱ ma̱ cha' tyucua yaala ca su ntucua ycui' Ndyosi nde cua̱. Li' caca cuayá' ti' ma̱ cha' cua nda Ni 'na lijya̱a̱ cha' caca na' ñati̱ chalyuu. Lo'o ca su tyu̱ na' bi', ca bi' ña'a̱ ma̱ ji'i̱ ngu' xca̱ nu ndi'i̱ slo ycui' Ndyosi; tya'a̱ ngu' bi', tyacui̱ ngu' bi' nde cua̱, ca'ya ngu' bi' nde su tyu̱ na'.