SAN JUAN 1:25 - Chatino Tataltepec

²⁵ Nchcui' ngu' bi' lo'o Juan li': ―¿Ni cha' laca ndu̱ nu'u̱ ntyucuatya nu'u̱ ji'i̱ ngu' si si'i nu ñati̱ tlyu bi' laca nu'u̱, si si'i jyo'o Elías laca nu'u̱, si si'i nu cusu' nu chcui' cha' ji'i̱ ycui' Ndyosi laca nu'u̱?

SAN JUAN 1:25 Referans Kwoze

LOS HECHOS 5:28

―Cua ngulo ya cña ji'i̱ ma̱ ―nacui̱ sti jo'ó ji'i̱ ngu' preso―, cha' ná culu'u ma̱ cha' ji'i̱ jyo'o Jesús bi' ji'i̱ ñati̱ ―nacui̱―. ¿Na laca ngua ji'i̱ ma̱ juani? ¿Ni cha' laca ná nduna ma̱? ―nacui̱―. Nclyu'u ma̱ cha' bi' ji'i̱ lcaa ngu' quichi̱ Jerusalén re, lo'o jua'a̱ nti' ma̱ sta ma̱ qui'ya ji'i̱ ya cha' ndyujuii ya ji'i̱ Jesús.

SAN MATEO 21:23

Nu lo'o ndyalaa ngu' quichi̱ tlyu bi', li' xa' ndyatí̱ Jesús ndyaa ne' laa tonu bi'; nclyu'u yu ji'i̱ ñati̱ chaca quiya'. Lo'o li' na'a̱ sti jo'ó nu laca loo lo'o xa' la ngu' cusu' nu laca loo, na'a̱ ngu' ji'i̱ Jesús. Hora ti ñaa ngu' bi' slo yu cha' xcuane ngu' cha' ji'i̱ yu li': ―¿Tilaca laca nu nda chacuayá' jinu'u̱ cha' cua'ni nu'u̱ ñi'ya̱ nu ndyu'ni nu'u̱ juani? ―nacui̱ ngu' nu laca loo bi' ji'i̱ Jesús―. ¿Ma nde ngujui chacuayá' cua jinu'u̱? ―nacui̱ ngu' bi' ji'i̱.

SAN MATEO 3:6

Li' ntyucuatya Juan ji'i̱ ngu' nu ndya'a̱ slo yu nde lo hitya Jordán, ntyucuatya yu ji'i̱ lcaa ngu' nu nchcui' cha' ngua tyuju'u ti' ngu' ji'i̱ cha' cuxi nu ndyu'ni ngu'.

SAN MATEO 21:11

Li' nguxacui̱ nu quiña'a̱ tsa ñati̱ bi' cha' ji'i̱ ngu' quichi̱ bi': ―Jesús Nazaret laca nu nde. Loyuu su cuentya Galilea laca quichi̱ tyi yu. Tu'ba ji'i̱ ycui' Ndyosi laca yu re ―nacui̱ ngu'.

SAN JUAN 1:24

Lo'o xi ngu' fariseo nguti'i̱ laja ngu' nu ya̱a̱ slo Juan. Tacati tsa ndu'ni ngu' bi'.