SAN JUAN 1:16 - Chatino Tataltepec

¹⁶ Lcaa na tsiya' ti ntsu'u ji'i̱ Jesús, lo'o lcaa tsa̱ ndyiji cha' tso'o ji'na xqui'ya Jesús.

SAN JUAN 1:16 Referans Kwoze

COLOSENSES 1:19

Cua nacui̱ ycui' Ndyosi cha' caca Sñi' Ni ñi'ya̱ laca ycui' Ni tsiya' ti,

ROMANOS 5:2

Tso'o tsa ndyu'ni ycui' Ndyosi lo'o na chacuayá' ji'i̱ Cristo, nu lo'o ngusñi na cha' ji'i̱ nu Cristo bi'. Ngua'ni Ni cha' ntsu'u cha' ji'na lo'o ycui' Ni, bi' cha' nga'aa ntsu'u cha' tya'a̱chu̱' na ji'i̱ Ni; tso'o tsa ntsu'u tyiquee na, cha' jlo ti' na cha' ca tiya' la caja sca se'i̱ nu tso'o tsa su tyi'i̱ na ca su ntucua ycui' Ndyosi, cha' jua'a̱ tso'o ti ndu'ni Ni lo'o na.

EFESIOS 3:19

Bi' cha' nti' tsa na' cha' ca cuayá' tso'o ti' ma̱ cha' ntsu'u tsa tyiquee Cristo ña'a̱ Ni ji'na, masi sca cha' tlyu tsa nu ná nchca ca cuayá' tso'o ti' na ji'i̱ laca cha' bi'. Lo'o jua'a̱ nti' na' cha' tyi'i̱ ycui' Ndyosi lo'o lcaa ma̱, cha' ná tyu'u tyiquee ma̱ ji'i̱ xa' la cha' tsiya' ti.

EFESIOS 1:23

Ca ta'a na nu ngusñi na cha' ji'i̱ Cristo scaa quichi̱, tsa tlyu ti na ntsu'u cha' ji'na lo'o Cristo. Ndi'ya̱ laca na cuentya ji'i̱ Cristo: ñi'ya̱ nti' si laca na sca tsu' ya' Cristo, cha' cua'ni na cña nu ntsu'u ji'i̱ Ni chalyuu. La cui' jua'a̱, lcaa ca na nu ña'a̱ na nu ntsu'u nde chalyuu ni, cua ntsu'u bi' xqui'ya Cristo.

ROMANOS 5:17

Ntsu'u cha' cajaa na xqui'ya qui'ya nu ntsu'u ji'i̱ nu sca ti Adán bi', masi sca ti cha' cuxi ngua'ni yu; pana tlyu la cña ndyu'ni ycui' Ndyosi cuentya ji'na juani, nu lo'o ndyu'ni lubii Ni cresiya ji'na. Quiña'a̱ tsa cha' xlya'be ngua'ni Ni lo'o na; jua'a̱ caja chalyuu cucui ji'na juani xqui'ya Jesucristo, masi sca ti ñati̱ laca bi'.

SAN JUAN 3:34

Nda Ni ji'i̱ nu Jesucristo bi' ya̱a̱ chalyuu, lo'o jua'a̱ xcui' cha' ji'i̱ ycui' Ndyosi nda yu lo'o na xqui'ya Xtyi'i ycui' Ndyosi. Lo'o ycui' Ndyosi ni, ná ntsu'u cha' tye cha' ta Ni Xtyi'i ycui' Ni ji'na.

1 PEDRO 1:2

Tya clyo la cua jlo ti' ycui' Ndyosi Sti na lcaa ña'a̱ cha' nu caca nde loo la, bi' cha' ngusubi ycui' Ni ji'i̱ ma̱. Lo'o juani ndyu'ni Xtyi'i ycui' Ndyosi cña cha' tyanu lubii cresiya ji'i̱ ma̱, cha' taquiya' ma̱ ji'i̱ ycui' Jesucristo; na cua ngujuii yu lo crusi xqui'ya cu'ma̱, ndyalú tañi yu cha' caja ñi'ya̱ caca lubii cresiya ji'i̱ ma̱. Lo'o juani nti' na' cha' ña'a̱ ti tya cua'ni ycui' Ndyosi cha' tso'o lo'o ma̱, cha' jua'a̱ ti̱ ti tyi'i̱ tyiquee ma̱ lcaa hora.

SAN MATEO 13:12

Ñati̱ nu jlya ti' cha' nu nduna ngu' ji'i̱ ycui' Ndyosi, tya ta la Ni cha' lo'o ngu' bi', cha' jua'a̱ tso'o la xñi ngu' cha' ji'i̱ ycui' Ni; pana ñati̱ nu ná jlya ti' cha' bi', nu ná nti' taquiya' ngu' ji'i̱ cha' bi', cua'ni ycui' Ni cha' ná caca ji'i̱ ngu' xñi ngu' cha' ji'i̱ ycui' Ni tsiya' ti.

COLOSENSES 2:3

Xqui'ya cha' ngusñi na cha' ji'i̱ Cristo, bi' cha' taca quijeloo cha' ji'na macala su ntucua quiya' lcaa cha' nu ntsu'u tyiquee ycui' Ndyosi, masi lcaa cha' nu nda'ya hique Ni cha' cua'ni Ni nde chalyuu.

ROMANOS 8:9

Nga'aa si'i jua'a̱ ndi'i̱ ma̱ juani, nga'aa nchca tiji̱' ti' ma̱ ji'i̱ cha' cuxi nu ntsu'u nde chalyuu; stu'ba ntsu'u cha' ji'i̱ ma̱ lo'o ycui' Ndyosi juani, cha' cua nda ycui' Ndyosi Xtyi'i Ni cha' tyanu ne' cresiya ji'i̱ ma̱. Lo'o jua'a̱ ná ntsu'u cha' ji'na lo'o Cristo tsiya' ti, si bilya tyanu Xtyi'i ycui' Ni ne' cresiya ji'na, la cui' Xtyi'i nu ndyu'u ji'i̱ Cristo.

SAN LUCAS 21:15

La cui' hora bi' cua'ni na' cha' ca'ya cha' hique ma̱ cha' ca jlo ti' ma̱ ñi'ya̱ nu chcui' ma̱ lo'o ngu' bi', cha' ná caja cha' nu xtyacui tya'a cusu̱u̱ ma̱ lo'o ma̱, cha' ná caja ñi'ya̱ nu chcui' loo ngu' ji'i̱ ma̱.

SAN MATEO 3:14

Lo'o li' ngua ti' Juan cua'a yu ji'i̱ Jesús. ―Ná tso'o tyucuatya na' jinu'u̱ ―nacui̱ Juan ji'i̱―. Tso'o la tyucuatya ycui' nu'u̱ jna'.

SAN MATEO 3:11

Lo'o na' ni, ntyucuatya na' ji'i̱ ma̱ lo'o hitya, si chañi cha' cua ngua tyuju'u ti' ma̱ ji'i̱ qui'ya nu ntsu'u ji'i̱ ma̱; pana cua ca̱a̱ ti sca ñati̱ nu tso'o la que na'. Lo'o na', cua'ni tlyu na' ji'i̱ ñati̱ bi'; tso'o tsa caca tyiquee na', masi caña nu ntsu'u quiya' ñati̱ bi' culo na'. Lo'o nu ñati̱ bi' ni, ná tyucuatya yu ji'i̱ ngu' lo'o hitya ti; pana cua'ni yu cha' tyanu Xtyi'i ycui' Ndyosi ne' cresiya ji'i̱ ngu' nu lo'o tyucuatya yu ji'i̱ ngu', lo'o li' subii Ni ji'i̱ ngu' lo'o xee ji'i̱ Ni cha' caca lubii ne' cresiya ji'i̱ ngu'.

1 PEDRO 1:11

Xtyi'i ycui' Cristo ngulu'u lcaa cha' ji'i̱ ngu' bi', ñi'ya̱ nu caca ji'i̱ ycui' Cristo nde loo la, ñi'ya̱ nu chcube' yu nde loyuu chalyuu, ñi'ya̱ nu tlyu tsa cha' tso'o nu caca ji'i̱ yu lo'o tyaa yu ca slo ycui' Ndyosi chaca quiya'. Lo'o li' ngulana tsa nu ngu' jyo'o bi', cha' quije cha' ji'i̱ ngu' tilaca caca nu Cristo bi', ni tsa̱ tyu'u tucua yu nde chalyuu.

ROMANOS 5:20

Nu lo'o cuna na ni cña laca nu nclyo ycui' Ndyosi ji'na, li' nchca cuayá' la ti' na ñi'ya̱ laca qui'ya nu sta Ni ji'na. Masi ndube tsa ti' na cha' ntsu'u tsa cha' cuxi ji'na, la cui' jua'a̱ jlo ti' na cha' ntaja'a̱ Ni cua'ni lyaá Ni ji'na; jlo ti' na cha' nchca ji'i̱ Ni, cha' tso'o tsa ndu'ni Ni lo'o na.