SAN JUAN 1:11 - Chatino Tataltepec

¹¹ Ya̱a̱ yu bi' chalyuu su laca tyi nquicha', lo'o jua'a̱ ñati̱ chalyuu nu ngüiñá yu, ná ndyuloo ngu' ji'i̱ yu.

SAN JUAN 1:11 Referans Kwoze

SAN LUCAS 19:14

Pana nu ñati̱ tya'a quichi̱ tyi yu, ná tso'o nti' ngu' ña'a̱ ngu' ji'i̱ yu. Li' ngua'a̱ lo ngu' bi' cña ji'i̱ sca taju ñati̱ cha' tsaa lca'a̱ ngu' ji'i̱ yu, cha' ñacui̱ ngu' ji'i̱ nu laca loo tyijyu' ndi'ya̱: “Ná nti' ya cha' caca nu qui'yu jua rey ji'i̱ ya, cha' caca yu loo quichi̱ tyi ya”, nacui̱ ngu'. Pana ná ndube ti' nu laca loo tsiya' ti bi', cha' nchcui' ngu' jua'a̱.

SAN JUAN 3:32

nda yu cha' liñi lo'o na cuentya ji'i̱ lcaa na nu cua na'a̱ yu, lcaa cha' nu cua ndyuna yu ca bi'. Pana ná ntaja'a̱ ñati̱ xñi cha' nu nda yu lo'o ngu'.

SAN MATEO 15:24

―Nda ycui' Ni 'na lijya̱ na' nde chalyuu cha' sca ti lo'o ngu' Israel chcui' na' ―nacui̱ Jesús li'―, cha' ñi'ya̱ ndu'ni xlya' nu cua nguna', jua'a̱ ndu'ni ngu' bi' ―nacui̱.

ROMANOS 15:8

Cua ñaa Cristo cha' cua'ni lyaá yu ji'i̱ ngu' judío, ñi'ya̱ nu ngüiñi cha' ji'i̱ ycui' Ndyosi lo'o jyo'o cusu' ji'i̱ ya sa'ni la; caca cuayá' ti' na jua'a̱ cha' liñi tsa cha' nu nda Ni lo'o jyo'o cusu' bi'.

LOS HECHOS 13:46

Pana ná ndyutsi̱i̱ Pablo lo'o Bernabé cha' xacui̱ ngu' cha' ji'i̱ ngu' judío bi': ―Clyo ntsu'u cha' chcui' ya cha' ji'i̱ ycui' Ndyosi lo'o ma̱ nquicha', cha' ngu' judío tya'a na laca ma̱. Pana juani tsaa ya culu'u ya cha' bi' ji'i̱ ngu' xa' tsu', xqui'ya cha' ná ntaja'a̱ ma̱ cuna ma̱ cha' nu nchcui' ya. Na cua ngüiñi cha' ji'i̱ ma̱ lo'o tya'a ma̱, cha' ná nti' ma̱ caja chalyuu nu ná nga'a̱ cha' tye ji'i̱ ma̱.

ROMANOS 9:5

Sñi' jyo'o cusu' ji'na laca ngu' bi'. Nu lo'o ngula Cristo chalyuu ngua Ni ñati̱, la cui' tya'a ngu' Israel ngua yu li'. La cui' jua'a̱ laca Cristo ycui' Ndyosi nu laca loo ji'i̱ lcaa na tsiya' ti, bi' cha' lcaa tyempo ndu'ni tlyu ngu' ji'i̱ Ni. Chañi tsa cha' bi'.

GÁLATAS 4:4

Pana lo'o cua ndyalaa tsa̱ nu ndu'u scua cha' nu ngüiñi ji'i̱ Ni lo'o na, li' cua nda ycui' Ndyosi ji'i̱ Sñi' ycui' ca Ni ñaa chalyuu; sñi' sca nu cuna'a̱ ngu' judío ngua nu Jesús bi', lo'o jua'a̱ ndaquiya' tsa yu ji'i̱ lcaa cha' cusu' nu jlya ti' ngu' judío.

LOS HECHOS 13:26

’Lcaa na nu laca na la cui' tya'a ñati̱ ji'i̱ jyo'o Abraham, lo'o jua'a̱ lcaa ma̱ nu ndaquiya' ma̱ ji'i̱ ycui' Ndyosi, cuentya ji'i̱ lcaa na laca cha' tso'o nu nda Ni lo'o na, cha' tso'o nu nchcui' ñi'ya̱ ndu'ni lyaá Ni ji'i̱ ñati̱ chalyuu.

ROMANOS 9:1

Ñati̱ nu ntsu'u cha' ji'i̱ lo'o Cristo laca na', bi' cha' xcui' cha' liñi ta na' lo'o cu'ma̱; si'i cha' cuiñi nchcui' na'. Xtyi'i ycui' Ndyosi ngua'ni cha' ngua'ya cha' hique na', bi' cha' liñi tsa cha' nu ta na' lo'o ma̱ juani.

SAN JUAN 1:10

Ndi'i̱ yu bi' lo yuu, la cui' ti cha' nu cua nda ycui' Ni lo'o ñati̱. Lo'o yu bi' ngüiñá Ni chalyuu, pana ná ndyuloo ñati̱ chalyuu ji'i̱ yu bi' li'.

SAN JUAN 1:12

Pana ndi'i̱ xi ñati̱ nu cua ngusñi cha' ji'i̱ yu, jlya ti' ngu' bi' ji'i̱ yu li'; ji'i̱ ñati̱ bi' nda Ni chacuayá' cha' caca ngu' bi' sñi' ycui' Ndyosi.

SAN JUAN 19:27

Lo'o jua'a̱ nchcui' Jesús lo'o nu qui'yu bi': ―Ma' cusu' cua caca xtya'a̱ nu'u̱ juani. Li' ndyaa lo'o nu qui'yu bi' ji'i̱ xtya'a̱ Jesús, nda su tyi'i̱ ma' ca toni'i̱ ji'i̱ li'.

LOS HECHOS 21:6

Ngusalya' ngu' lo'o ya, ngüityi ngu' ji'i̱ ya, li' ndyatí̱ ya ne' yaca ni'i̱; cuati nguxtyu̱u̱ ngu' ya̱a̱ ngu' nde toni'i̱ ji'i̱ ngu'.