SAN JUAN 1:1 - Chatino Tataltepec1 Nu ngua tya clyo la ndi'i̱ ycui' Ndyosi, lo'o jua'a̱ ndi'i̱ yu nu laca tyucui cha' ji'i̱ ycui' Ndyosi; nguti'i̱ yu bi' lo'o ycui' Ndyosi. Nu yu nu laca cha' bi', stu'ba ntsu'u cha' ji'i̱ yu lo'o ycui' Ndyosi. Gade chapit la |
SAN JUAN 1:1
39 Referans Kwoze
Tyucui tyempo ycui' Ndyosi tsiya' ti laca Jesucristo, ná ntsu'u tyempo nu ná laca yu ycui' Ndyosi; pana lo'o ya̱a̱ yu lo yuu chalyuu, ná ngulacua ti' Jesús cha' ca̱lo'o yu lcaa chacuayá' ji'i̱ ycui' Ndyosi, masi ntsu'u tsa chacuayá' ji'i̱ yu slo Ni nquicha', cha' stu'ba ti ntsu'u cha' ji'i̱ yu lo'o ycui' Ndyosi Sti yu.
Li' nchcui' Ni lo'o na' chaca quiya': ―Jua'a̱ caca lacua. Ñi'ya̱ nti' letra A ―nacui̱ Ni―, jua'a̱ nguxana lcaa cha' lo'o na'; ñi'ya̱ nti' letra Z, jua'a̱ tye lcaa cha' lo'o na' ―nacui̱ Ni―. Xlya'be ti ta na' na co'o ñati̱ nu jña tsa cha' bi' 'na; nu na co'o ngu' bi', tyu'u bi' ca su tyu'u lcaa cha' tso'o nu ta na' ji'i̱ ngu' cha' cua'ni cu'ú cresiya ji'i̱ ngu'.
Cua jlo ti' na cha' cua ya̱a̱ nu sca ti Sñi' ycui' Ndyosi nde lo yuu chalyuu, lo'o jua'a̱ cua nda bi' chacuayá' cha' caca tyu'u cha' ji'na lo'o ycui' Ndyosi. Chañi cha' stu'ba ntsu'u tyiquee na lo'o ycui' Ndyosi juani, xqui'ya cha' stu'ba ntsu'u tyiquee na lo'o Jesucristo nu laca Sñi' ycui' ca Ni. Chañi cha' ycui' Ndyosi tsiya' ti laca nu Jesús bi', lo'o jua'a̱ chañi cha' ná nga'a̱ cha' tye chalyuu cucui nu ta Ni ji'na.
Chañi cha' tlyu tsa cha' tso'o ji'i̱ Jesucristo nu ngusñi na. Ndi'ya̱ nchcui' cha' bi': Nu ngua sa'ni la ni, ni sca ñati̱ ná ngua cuayá' ti' ñi'ya̱ cua'ni lyaá ycui' Ndyosi ji'i̱ ngu'; pana nu juani jlo ti' na, xqui'ya cha' ngula Jesucristo chalyuu, cha' ngua ycui' Ni sca ñati̱. Lo'o jua'a̱ nchcui' Xtyi'i ycui' Ni cha' ji'i̱ yu, cha' sca ñati̱ nu lubii tsa laca yu; cua na'a̱ xca̱ ji'i̱ ycui' Ndyosi ji'i̱ Jesús, nu ñati̱ lubii bi'. Li' nclyu'u ngu' cha' ji'i̱ Jesucristo bi' ji'i̱ ñati̱ ca quiña'a̱ tsa quichi̱ tyucui ña'a̱ chalyuu; ngusñi ñati̱ lcaa quichi̱ cha' nu nchcui' ngu' ji'i̱ Ni li'. Cua ndyaa Jesús ca slo ycui' Ndyosi Sti na nde cua̱, lo'o juani tlyu tsa laca Jesús cajua.
Lo'o cua na'a̱ na' ji'i̱ Ni, tsiya' ca nclyú na' nde quiya' Ni; cua culiji ti ti' na' ngua, xqui'ya cha' ndyutsi̱i̱ tsa na'. Li' ya' tsu' cui̱ Ni ngusta Ni hichu̱' na', ndi'ya̱ nchcui' Ni lo'o na': ―Ná cutsi̱i̱ nu'u̱ ―nacui̱ Ni―. Na' ntucua̱ lo'o nguxana chalyuu, lo'o jua'a̱ la cui' na' tyucua̱ lo'o tye chalyuu.
Ná nchcui' quityi ñi'ya̱ naa sti xtya'a̱ nu Melquisedec bi', jua'a̱ ni sca cha' ná nscua lo quityi cuentya ji'i̱ jyo'o cusu' ji'i̱ nu cusu' bi'; ná nchcui' ni jacua' ngula, ni jacua' ngujuii. Ñi'ya̱ ngua Melquisedec, jua'a̱ laca Jesús, cha' lcaa tyempo laca yu sti jo'ó cuentya ji'na; pana Jesús ni, laca yu nu sca ti Sñi' ycui' Ndyosi.
’Lo'o jua'a̱ scua nu'u̱ cha' re cha' tsaa slo nu ñati̱ nu ndu̱ cuentya jna' nde quichi̱ Laodicea, cha' culu'u cha' ji'i̱ ycui' Ndyosi ji'i̱ ngu' bi': “Ndi'ya̱ nchcui' na' lo'o ma̱: Chañi cha' ndyu'u tucua cha', lcaa cha' nu nda na' lo'o ñati̱; liñi tsa nchcui' na' cha' ji'i̱ ycui' Ndyosi Sti na' lo'o ñati̱, cha' tyucui tyiquee na' ndu'ni na' cña ji'i̱ ycui' Ni. Nu lo'o nguxana ndya' lcaa na nu ntsu'u chalyuu, stu'ba ti ndu̱ na' lo'o ycui' Ni nu ngua li', nacui̱ Jesús.
Cua nchcui' Ni lo'o na' lacua. Ycui' Ndyosi nu ngüiñá Ni lcaa na nu ntsu'u chalyuu, nti' Ni cha' culu'u na' cha' bi' ji'i̱ lcaa ñati̱, cha' li' caca cuayá' ti' ngu' ñi'ya̱ laca cña nu nti' Ni cha' cua'ni ngu'. Nu ngua tya sa'ni la, bilya cuna ñati̱ cha' nu ngua ti' ycui' Ndyosi cua'ni Ni xqui'ya Cristo;
Nde cua̱ ntucua sna tya'a ngu' nu nchcui' cha' chañi laca cha' ji'i̱ Jesús bi': ycui' Ndyosi Sti yu laca tsaca ngu' bi'; jua'a̱ Jesucristo nu ntsu'u tyucui cha' ji'i̱ ycui' Ndyosi ji'i̱, bi' laca chaca; lo'o jua'a̱ Xtyi'i ycui' Ni, chaca laca bi'. Stu'ba ti nchcui' nu ca ta'a sna bi', cha' chañi laca cha' bi'.
’Lo'o jua'a̱ scua nu'u̱ cha' re cha' tsaa slo nu ñati̱ nu ndu̱ cuentya jna' nde quichi̱ Esmirna, cha' culu'u cha' ji'i̱ ycui' Ndyosi ji'i̱ ngu' bi': “Ndi'ya̱ nchcui' na' lo'o ma̱, na' nu ntucua̱ lo'o nguxana lcaa cha', la cui' na' nu tya tyucua̱ lo'o tye lcaa cha': Chañi cha' ngujuii na', pana cua ndyu'ú na' chaca quiya'.
Simón Pedro laca na'; ndyu'ni na' cña ji'i̱ Jesucristo, cha' cua ngusubi Ni 'na cha' tsa'a na' ta na' cha' tso'o ji'i̱ Cristo lo'o ngu' xa' quichi̱. Lo'o nu juani nscua na' quityi re cha' tsaa slo lcaa ñati̱ nu ngusñi cha' ji'i̱ ycui' Ndyosi ñi'ya̱ nu ngusñi na ji'i̱. Xcui' cha' liñi ndu'ni ycui' Ndyosi nu Xu'na na, la cui' Jesucristo nu ndyu'ni lyaá ji'na ji'i̱ nu cuxi laca bi'; bi' cha' stu'ba ti laca lcaa na cuentya ji'i̱ ycui' Ndyosi, tso'o tsa ndyaca ji'i̱ lcaa na cuentya ji'i̱ Ni.
Ndi'ya̱ nchcui' nu bi' lo'o na': ―Ñi'ya̱ nti' letra A, jua'a̱ nguxana lcaa cha' lo'o na'; ñi'ya̱ nti' letra Z, jua'a̱ tye lcaa cha' lo'o na' ―nacui̱ nu nchcui' bi'―. Scua clya nu'u̱ lcaa cha' nu cacha' na' jinu'u̱ juani; lcaa cha' nu ña'a̱ nu'u̱ juani, scua clya nu'u̱ ji'i̱ lo quityi. Li' ta nu'u̱ quityi re cha' tsaa slo nu cati tya'a taju ñati̱ nu ntsu'u cha' ji'i̱ lo'o Jesucristo ca quichi̱ tyi ngu', ca loyuu su cuentya Asia nu ñacui̱ na' re: quichi̱ Efeso, jua'a̱ quichi̱ Esmirna, jua'a̱ quichi̱ Pérgamo, jua'a̱ quichi̱ Tiatira, jua'a̱ quichi̱ Sardis, jua'a̱ quichi̱ Filadelfia, jua'a̱ quichi̱ Laodicea.
Piblisite