HEBREOS 9:8 - Chatino Tataltepec

⁸ Laja lo'o nchcui' na ji'i̱ chcua'ya late' bi' ndu'ni Xtyi'i ycui' Ndyosi cha' ca cuayá' ti' na, cha' tya lyiji xñi tso'o na tyucui̱i̱ cha' ca̱a̱ na slo ycui' Ndyosi si ña'a̱ ti tya ndu̱ ni'i̱ cusu' bi', si tya ndu'ni tlyu na ji'i̱ ycui' Ndyosi ñi'ya̱ nu ngua'ni ngu' tya sa'ni bi'; tya lyiji caja ñi'ya̱ nu ca̱a̱ na slo ycui' Ndyosi nu lubii tsiya' ti cha' ji'i̱ Ni li', si jua'a̱.

HEBREOS 9:8 Referans Kwoze

SAN JUAN 14:6

―Na' laca̱ nu nclyu'u̱ tyucui̱i̱ ―nacui̱ Jesús li'―, na' nclyu'u̱ lcaa cha' nu liñi ca; na' nda̱ chalyuu tso'o ji'i̱ ngu', chalyuu nu ná nga'a̱ cha' tye. Ná taca ji'i̱ ngu' tyalaa ngu' ca slo ycui' Ndyosi si ná lo'o na' ―nacui̱ Jesús―.

HEBREOS 3:7

Lo quityi cua nscua sca cha' nu nda Xtyi'i ycui' Ndyosi lo'o ñati̱ sa'ni. Ndi'ya̱ nchcui' Ni lo'o ngu' tya li': Juani ti cua'a̱ jyaca̱ ma̱ ji'i̱ cha' nu nda na' lo'o ma̱:

EFESIOS 2:18

Lo'o juani ná ndu'ni cha' masi ngu' judío laca ya, masi xa' ñati̱ laca ma̱, sca ti lo ñati̱ laca na lo'o lcaa tya'a na xqui'ya Cristo, sca ti Xtyi'i ycui' Ndyosi ndu'ni cha' tyuloo na ji'i̱ Ni;

2 PEDRO 1:21

Lcaa ñati̱ nu ngua tu'ba ji'i̱ ycui' Ndyosi sa'ni la ni, ná nchcui' ngu' cua ña'a̱ ca cha' nu ndiya ti ti' ngu', nu lo'o nchcui' ngu' cuentya ji'i̱ ycui' Ndyosi; xcui' cha' nu nda Xtyi'i ycui' Ndyosi lo'o ngu' bi', bi' laca cha' nu nchcui' ngu' cuentya ji'i̱ ycui' Ni.

HEBREOS 9:3

Ca ne' tasá nu ndacui cla'be ne' chcua'ya bi', ca bi' ntsu'u chaca cuarto nu tacati tsa ji'i̱ ngu'.

GÁLATAS 3:8

Cua nscua lo quityi cusu' cha' ndi'ya̱ nchcui' ycui' Ndyosi lo'o nu Abraham bi' nu ngua sa'ni: “Caca tso'o cresiya ji'i̱ lcaa ñati̱ nu ndi'i̱ xa' tsu' xqui'ya nu'u̱”, nacui̱ Ni ji'i̱ Abraham. Ycui' Ndyosi laca nu cua nda cha' bi' lo'o jyo'o bi' yala la, cha' jua'a̱ lo'o cu'ma̱ ngu' xa' tsu' caca tso'o cresiya ji'i̱ ma̱ cuentya ji'i̱ ycui' Ndyosi nde loo la, nu lo'o xñi ma̱ cha' ji'i̱ ycui' Ni.

SAN JUAN 10:9

Nu nga'a̱ to' lo'o, tso'o tsa ña'a̱si̱i̱ ji'i̱ xlya' ji'i̱; lo'o jua'a̱ na', tso'o tsa ña'a̱si̱i̱ na' ji'i̱ ñati̱ 'na ―nacui̱ Jesús―. Taca tyeje tacui ngu' cha' tyatí̱ ngu' ne' lo'o su nga'a̱ na', cha' ná caca cuxi ji'i̱ ngu' bi' li'. Tso'o ti tyatí̱ ngu' ne' lo'o su nga'a̱ na', tso'o ti tyu'u ngu' chaca quiya', ñi'ya̱ nu ndu'ni xlya'. Caja ñi'ya̱ tyiji̱ yu'u ji'i̱ ngu' bi' li', ñi'ya̱ laca lo'o ndyiji na ndacu xlya'.

LOS HECHOS 28:25

ná nchca ca stu'ba tyiquee ngu'. Li' ngua ti' ngu' tyaa ngu', pana xa' nchcui' Pablo lo'o ngu': ―Liñi tsa cha' nu nda Xtyi'i ycui' Ndyosi lo'o jyo'o Isaías nu ngua tu'ba ji'i̱ ycui' Ndyosi nu ngua sa'ni, cha' nu nchcui' bi' lo'o jyo'o cusu' ji'na. Ndi'ya̱ ntsu'u cha' bi':

SAN JUAN 10:7

Lo'o li' nchcui' Jesús lo'o ngu' chaca quiya': ―Liñi tsa cha' nu nda na' lo'o ma̱ ―nacui̱ Jesús―. Ycui' ti na' laca̱ to' lo'o bi', cha' nchca'a̱ na' to' lo'o su ndyatí̱ ni'.

HEBREOS 10:15

Sca ti xqui'ya Xtyi'i ycui' Ndyosi nchca cuayá' ti' na ni cña laca nu ngua'ni Cristo nu ngua li', bi' cha' ngua'ni Xtyi'i ycui' Ni cha' nscua cha' lo quityi nu nchcui' ndi'ya̱:

SAN LUCAS 1:80

Cua ndyaluu la nu piti, lo'o jua'a̱ cua ngua tlyu la tyiquee yu. Pana xcui' ne' quixi̱' ndi'i̱ yu ña'a̱ cuayá' nu nguluu yu, ña'a̱ cuayá' nu ndu'u tucua yu slo ngu' Israel tya'a yu.