HEBREOS 9:5 - Chatino Tataltepec

⁵ Chu̱' cñá' bi' ntucua lcui̱ ji'i̱ tucua tya'a xca̱ ji'i̱ ycui' Ndyosi nu ndubi tsa ña'a̱; ngatya'a ti lo lu'be xca̱ ndubi bi' chu̱' cñá', cha' tyi'u ti' ñati̱ cha' ca bi' lijya̱ ycui' Ndyosi cha' cati̱ qui'ya nu ntsu'u ji'i̱ ngu'. Xca̱ ndubi bi' cua ntucua cha' ca cuayá' ti' ngu' Israel cha' lcaa tsa̱ nga'a̱ ycui' Ndyosi laja su ndi'i̱ ngu'. Pana ná caja tyempo chcui' na ji'i̱ lcaa cha' bi' juani.

HEBREOS 9:5 Referans Kwoze

1 PEDRO 1:12

Pana ná nquije cha' bi' ji'i̱ ngu' bi' li'; sca ti cha' nchcui' ycui' Ni lo'o ngu' bi', cha' si'i ycui' ngu' bi' laca nu ca cuayá' tso'o ti' ñi'ya̱ caca cha' bi' tyempo nde loo la. Pana cu'ma̱ ni, nu lijya̱ chalyuu nde loo la ji'i̱ ngu' jyo'o bi', nchca cuayá' ti' ma̱ juani, xqui'ya cha' cua ndyuna ma̱ lcaa cha' tlyu nu ngua'ni Jesucristo. Cua ndacha' liñi ya cha' bi' ji'i̱ ma̱; chacuayá' ji'i̱ Xtyi'i ycui' Ndyosi ngulu'u ya cha' bi' ji'i̱ ma̱, cha' cua nda ycui' Ndyosi Xtyi'i ycui' Ni lijya̱ lo ya nde chalyuu. Lo'o jua'a̱ lcaa xca̱ ji'i̱ ycui' Ni nu ndi'i̱ slo Ni, lcaa ngu' bi' nti' tsa ngu' ca cuayá' ti' ngu' lcaa cha' nu ngua ji'i̱ Cristo lo'o ñaa yu nde chalyuu.

HEBREOS 4:16

Ná cutsi̱i̱ na tsiya' ti lacua, tyucui tyiquee na jña na sca cha' ji'i̱ ycui' Ndyosi ca su tlyu ca su laca Ni loo; chcui' na lo'o ycui' Ndyosi nu xcui' tso'o tsa ndu'ni lo'o ñati̱, cha' cui'ya Ni cha' clyu ti' ji'na, cha' xtyucua Ni ji'na, masi la cui' ca hora nu lyiji tsa cha' ji'na.

EFESIOS 3:10

pana juani caca cuayá' ti' lcaa cui'i̱ nu laca loo nde cua̱, nu lo'o ña'a̱ cui'i̱ bi' ji'i̱ ñati̱ chalyuu nu tsa tlyu ti ndyu'ni tlyu ji'i̱ Cristo. Lo'o jua'a̱ cui'i̱ nu ngua ti' tyiji̱loo ji'i̱ ycui' Ndyosi sa'ni la ni, caca cuayá' ti' cui'i̱ bi' cha' nchca la ji'i̱ ycui' Ndyosi que cua ña'a̱ ca na nu ngüiñá ycui' Ni.

ROMANOS 9:4

Laca ngu' bi' la cui' tya'a ñati̱ ji'i̱ jyo'o cusu' Israel, ñati̱ ji'i̱ nu ya̱a̱ chalyuu nde loo la; sca ti tañi ntsu'u ji'i̱ ngu' lo'o jyo'o bi', lo'o jua'a̱ cua nda ycui' Ndyosi chacuayá' cha' caca ngu' bi' ñati̱ ji'i̱ ycui' Ni. Tlyu tsa cha' nu ngua'ni Ni, cha' ntaja'a̱ ycui' Ni tyi'i̱ Ni lo'o ngu' bi'. Cua ngüiñi cha' ji'i̱ ycui' Ndyosi lo'o ngu' bi'; cua ngulo Ni cña ji'i̱ Moisés, lcaa ña'a̱ cña nu culo yu ji'i̱ ngu' bi'; cua nda Ni cha' lo'o ngu' bi', ñi'ya̱ nu caca lo'o cua'ni tlyu ngu' ji'i̱ ycui' Ni; lo'o jua'a̱ yala la nda Ni cha' lo'o ngu' bi', ñi'ya̱ nu caca ji'i̱ Cristo nu ntsu'u cha' ca̱a̱ nde loo la.