HEBREOS 9:2 - Chatino Tataltepec

² sca chcua'ya late' ngüiñá ngu' bi' nu nscua cla'be ne' lo'o su ndya'a̱ sti jo'ó ti. Nde ne' chcua'ya bi' cua ntucua candyeru chcua̱ su ndyaqui̱ quii' lcaa hora; jua'a̱ ntucua sca mesa su nscua xlyá lo, nu caca msta̱ ji'i̱ ycui' Ndyosi. Lcaa tsa̱ ngusta sti jo'ó msta̱ bi'.

HEBREOS 9:2 Referans Kwoze

SAN MATEO 5:15

Lo'o jua'a̱ si cua'a̱ ngu' sca quii' quityee, ná su'ba cuatsi' ngu' ji'i̱ bi' ne' caju̱ li'; cua̱ sta ngu' quityee cha' clyane xee tyucui ña'a̱ ni'i̱ bi'.

SAN MATEO 12:4

Pana jlo ti' yu cha' ntucua xlyá nu laca msta̱ ji'i̱ ycui' Ndyosi lo mesa ne' ni'i̱ nu cuentya ji'i̱ Ni cajua. Bi' cha' ndyaa ngu' ne' ni'i̱ bi', ndyacu ngu' xlyá bi', masi ná ntsu'u chacuayá' cacu cua ña'a̱ ca ñati̱ ji'i̱; sca ti ji'i̱ ngu' sti jo'ó ntsu'u chacuayá' cacu ngu' xlyá bi'.

HEBREOS 9:25

Cuentya ji'i̱ cha' cusu' ni, sca ti quiya' sca yija̱ ndya'a̱ sti jo'ó nu laca loo ji'i̱ tya'a ngu' judío ne' cuarto nu tacati tsa cuentya ji'i̱ ngu' bi'; ndya'a̱ lo'o nu cusu' ji'i̱ tañi na'ni nu cua ndyujuii ca ti ngu' ji'i̱ cha' caca msta̱, cha' cuityi̱ qui'ya nu ntsu'u ji'i̱ ngu' quichi̱. Pana si'i tyu̱u̱ quiya' ndyaa Cristo ca slo ycui' Ndyosi nde cua̱.