Nga'aa ta ma̱ chacuayá' cha' culo xa' ñati̱ cña ji'i̱ ma̱ lacua, na laca nu cacu ma̱, na laca nu co'o ma̱ cha' cua'ni tacati ma̱ lo'o ycui' Ndyosi. La cui' jua'a̱ ná tso'o laca si ñacui̱ ngu' ji'i̱ ma̱ ni tsa̱ laca nu cua'ni ma̱ ta'a; masi ta'a lo'o ndi'i̱ cña' na nu ndacui snu' tsa̱ ti, masi ta'a lo'o cuañi' co', masi chaca ta'a nu ndu'ni ngu' nu ndacui yija̱ ti, ná ntsu'u cha' cua'a̱ jyaca̱ ma̱ ji'i̱ ngu' bi' tsiya' ti, nti' na'.
HEBREOS 9:10 - Chatino Tataltepec10 Xcui' cha' nu nchcui' ñati̱ chalyuu ti laca, masi ñacui̱ ngu' cha' ná tso'o cacu na co'o na sca lo na, masi ñacui̱ ngu' ñi'ya̱ cua'ni na cha' caca lubii cresiya ji'na; cña nu ndatsaa ti ñati̱ chalyuu ji'na cha' cua'ni na, jua'a̱ laca cha' bi'. Xti ti tyempo talo cha' bi' ña'a̱ cuayá' xcutsa'a̱ ycui' Ndyosi lcaa cha'. Gade chapit la |
HEBREOS 9:10
32 Referans Kwoze
La cui' cha' cusu' nu jlya tsa ti' nu ngu' judío tya'a na' ji'i̱, bi' laca nu nñilo'o ji'i̱ ya cha' ná ca ti̱ cha', cha' ntsu'u tsa su ndatsaa cha' bi' ji'i̱ ya. Pana cua ngua'ni tye Jesús ji'i̱ cha' cusu' bi', nu lo'o ngujuii yu lo crusi; bi' cha' tyucuaa lo ñati̱ na, cua ndyaca na chaca tya ñati̱ juani, xqui'ya cha' cua ngua stu'ba cha' ji'na lo'o ycui' Ndyosi. Lo'o jua'a̱ ndu'ni Ni cha' caja ñi'ya̱ caca tyi'i̱ ti̱ ti na lo'o Ni, jua'a̱ lo'o tya'a ñati̱ na.
Cua nda ycui' Ndyosi cña ji'i̱ Jesús cha' caca Ni sti jo'ó, xqui'ya cha' ná ngua ji'i̱ ñati̱ chalyuu cujuii ngu' ji'i̱ yu sca ti quiya'; cua ndyu'ú Jesús chaca quiya' lo'o cua ngujuii yu. Juani ná nga'a̱ cha' tye chalyuu ji'i̱ Ni; bi' cha' laca Jesús sti jo'ó cuentya ji'na juani, si'i cha' cua'ni Ni lcaa cña nu ndyu'ni ngu' tya'a Leví nu laca ñati̱ chalyuu ti.
Tya̱a̱ na ca slo ycui' Ndyosi lacua; tyucui tyiquee na cua'ni na cha' caca stu'ba cha' ji'na lo'o ycui' Ndyosi Sti na, cha' taca xñi tso'o na cha' ji'i̱ Ni li'. Cua ngüityi̱ Ni lcaa cha' cuxi nu ngua'ni cha' ngua tyuju'u ti' na tya tsubi' la; cua ngua lubii cresiya ji'na juani, ñi'ya̱ laca lo'o cua ndyaata na chcu lo'o hitya lubii ti.
Ná ta ma̱ chacuayá' culu'u ñati̱ xi xa' la cha' ji'i̱ ma̱, sca cha' nu ná stu'ba nchcui' lo'o cha' bi', cha' ná xtyanu ma̱ jua'a̱ ji'i̱ tyucui̱i̱ liñi. Tso'o la si tyanu tso'o lcaa cha' ji'i̱ ycui' Ndyosi ne' cresiya ji'na, si cube ti' na ji'i̱ lcaa cha' tso'o nu ndu'ni Ni lo'o na lcaa hora; pana ná taca tyanu tso'o cha' ji'i̱ ycui' Ndyosi ne' cresiya ji'na lo'o taquiya' na ji'i̱ cua ña'a̱ ca cña nu tatsaa ngu' ji'na, ñi'ya̱ nti' si nacui̱ ngu' cha' ná tso'o cacu na sca lo na nu ndacu ngu'. Masi cua ndaquiya' tsa na ji'i̱ cña bi' tya tsubi' la, si'i na tso'o la ngua ti' na lo'o ngua'ni na jua'a̱.
Lo'o juani cua nslo ma̱ ji'i̱ ycui' Ndyosi; hasta tso'o la ñacui̱ na, cua ndyuloo ycui' Ni ji'i̱ ma̱. ¿Ni cha' laca nti' ma̱ tya'a̱chu̱' ma̱ ji'i̱ cha' ji'i̱ ycui' Ndyosi lacua? Xa' cua'ni ma̱ cña nu ndatsaa cua ña'a̱ ca jo'ó nu cuxi ti bi' ji'i̱ ma̱ li', jo'ó nu ntsu'u ji'i̱ ñati̱ ti; pana ná ndyu'u tso'o cha' bi' tsiya' ti, ná caca cua'ni lyaá jo'ó bi' ji'na.
Lo'o tsaa ngu' lcaya' cui'ya ngu' sca na cacu ngu', tya̱a̱ lo'o ngu' ji'i̱ toni'i̱ li'; pana ná ntsu'u chacuayá' cacu ngu' ji'i̱ si bilya cua'ni lubii ngu' ji'i̱ tyucui ña'a̱ ngu'. Quiña'a̱ tsa cña tacati jua'a̱ cua ngulu'u jyo'o cusu' ji'i̱ ngu' judío cha' cua'ni ngu'; ñi'ya̱ nu tyaati̱ tasa ji'i̱ ngu', ñi'ya̱ nu tyaati̱ castyu, ñi'ya̱ nu tyaati̱ quityu̱' chcua̱, ñi'ya̱ nu tyaati̱ ca'ña, cha' caca lubii scaa na bi' cuentya ji'i̱ ycui' Ndyosi, ngua ti' ngu'.)
Piblisite