HEBREOS 9:1 - Chatino Tataltepec

¹ Nu cha' cusu' nu cua nda Ni lo'o ngu' Israel nu ngua li', nchcui' bi' ñi'ya̱ cua'ni ngu' lo'o ngua'ni tlyu ngu' ji'i̱ ycui' Ndyosi. Lo'o jua'a̱ cua ntsu'u sca ni'i̱ nu tacati ji'i̱ ngu', su ngua'ni tlyu ngu' bi' ji'i̱ Ni, masi ñati̱ ti ngua ngu' nu ngüiñá ni'i̱ bi';

HEBREOS 9:1 Referans Kwoze

HEBREOS 8:2

Ndu'ni Ni cña ca sca se'i̱ su tacati tsa nu ngüiñá ycui' Ndyosi; si'i ñati̱ chalyuu ti nu ngüiñá ji'i̱, cha' laca bi' ñi'ya̱ nu ngua ti' ycui' Ndyosi cha' caca.

HEBREOS 8:7

Ntsu'u tsa cha' nu lyiji ji'i̱ cha' cusu' nu ngua tya clyo, nu cua ngüiñi ji'i̱ Ni lo'o ñati̱ tyempo bi', bi' cha' nda ycui' Ndyosi chaca cha' lo'o ñati̱. Ná ndyu'u scua cha' cusu' bi', cha' taca ca tso'o cresiya ji'i̱ ñati̱ cuentya ji'i̱ ycui' Ndyosi,

COLOSENSES 2:8

Cui'ya tso'o ma̱ cuentya lacua, cha' ná tucui taca cñilo'o ji'i̱ ma̱ lo'o cua ña'a̱ ca cha' cuiñi nu chcui' ngu' lo'o ma̱, masi tajua' tsa chcui' ngu' bi'. Si'i ycui' Cristo nu ntucua quiya' cha' ji'i̱ ngu' lo'o nchcui' ngu' jua'a̱; bi' laca cña cua̱ ti, bi' laca cha' cuiñi nu nchcui' ñati̱ chalyuu ti, masi nchcui' ngu' cha' ji'i̱ sca jo'ó, masi nchcui' ngu' cha' ji'i̱ sca cui'i̱ nu ntsu'u nde chalyuu ti.

HEBREOS 8:13

Na cua culiji yu'u ti cha' cusu' nu ngua tya clyo; jua'a̱ ndyu'u cha' bi' li', nu lo'o nchcui' ycui' Ndyosi ji'i̱ chaca cha' cucui nu cua quiñi ti ji'i̱ Ni lo'o na. Sa'ni tsa nguxana cha' cusu' bi'; cua jyo'o ti cha' bi' juani, cua culiji ti cha' jua'a̱ ti.

SAN LUCAS 1:6

Liñi tsa ndu'ni tyucuaa ngu' bi' cuentya ji'i̱ ycui' Ndyosi, ndaquiya' ngu' lcaa cña ji'i̱ ycui' Ni; ndaquiya' tsa ngu' lcaa cha' nu cua nda Ni lo'o ñati̱ cua sa'ni la, jua'a̱ ná tucui nchcui' cha' cuxi ji'i̱ ngu' bi'.

ROMANOS 9:4

Laca ngu' bi' la cui' tya'a ñati̱ ji'i̱ jyo'o cusu' Israel, ñati̱ ji'i̱ nu ya̱a̱ chalyuu nde loo la; sca ti tañi ntsu'u ji'i̱ ngu' lo'o jyo'o bi', lo'o jua'a̱ cua nda ycui' Ndyosi chacuayá' cha' caca ngu' bi' ñati̱ ji'i̱ ycui' Ni. Tlyu tsa cha' nu ngua'ni Ni, cha' ntaja'a̱ ycui' Ni tyi'i̱ Ni lo'o ngu' bi'. Cua ngüiñi cha' ji'i̱ ycui' Ndyosi lo'o ngu' bi'; cua ngulo Ni cña ji'i̱ Moisés, lcaa ña'a̱ cña nu culo yu ji'i̱ ngu' bi'; cua nda Ni cha' lo'o ngu' bi', ñi'ya̱ nu caca lo'o cua'ni tlyu ngu' ji'i̱ ycui' Ni; lo'o jua'a̱ yala la nda Ni cha' lo'o ngu' bi', ñi'ya̱ nu caca ji'i̱ Cristo nu ntsu'u cha' ca̱a̱ nde loo la.

HEBREOS 9:24

Bi' cha' nga'aa ndyaa Cristo nde ne' laa nu ngüiñá ñati̱ nde chalyuu ti, masi ntucua bi' cuentya ji'i̱ ycui' Ndyosi; na cua ndyaa liñi Ni ca slo ycui' Ndyosi ca nde cua̱. Ca bi' ntucua Ni juani, cha' chcui' lo'o ycui' Ndyosi cuentya ji'na.