HEBREOS 8:3 - Chatino Tataltepec

³ Lcaa xu'na sti jo'ó nde chalyuu ni, ntsu'u cha' sta ngu' msta̱ ca slo ycui' Ndyosi, ntsu'u cha' taqui̱ ngu' xa' la msta̱ lo mesa quii', cha' bi' laca cña ji'i̱ ngu'; lo'o jua'a̱ Jesús ni, ntsu'u msta̱ nu nda Ni ca slo ycui' Ndyosi cuentya ji'na,

HEBREOS 8:3 Referans Kwoze

HEBREOS 5:1

Xa' la xu'na sti jo'ó nu ndi'i̱ nde chalyuu ni, nsubi ngu' ji'i̱ tya'a ngu' tilaca caca xu'na sti jo'ó, cha' caca yu bi' cña ji'i̱ ycui' Ndyosi cuentya ji'i̱ ñati̱. Nsta sti jo'ó bi' msta̱ nu lijya̱ lo'o xa' ñati̱ ji'i̱ lo mesa ji'i̱ ycui' Ndyosi, jua'a̱ ndijña tsa yu cha' clyu ti' ji'i̱ Ni xqui'ya qui'ya nu ntsu'u ji'i̱ ñati̱ bi' li'.

EFESIOS 5:2

Tso'o ti tyu'u tyiquee ma̱ ña'a̱ ma̱ ji'i̱ ñati̱, cha' la cui' jua'a̱ ntsu'u tsa tyiquee Cristo ña'a̱ Ni ji'na. Nu lo'o ñaa Jesús chalyuu ni, cua ntaja'a̱ Jesús nda yu tyucui ña'a̱ ycui' ca yu cha' caca sca msta̱ ji'i̱ ycui' Ndyosi cuentya ji'na. Tso'o tsa ngua ti' ycui' Ndyosi li'.

HEBREOS 9:14

Masi jua'a̱ ngua'ni ngu' cña nu ngua li', pana tlyu la cña nu ngua'ni Cristo juani, cha' ndyalú tañi ycui' yu lo'o ngujuii yu lo crusi cuentya ji'na. Xqui'ya Xtyi'i ycui' Ni, bi' cha' ngua ji'i̱ Cristo ta yu tyucui ña'a̱ ycui' ca yu, cha' sca ti quiya' cati̱ qui'ya nu ntsu'u ji'na lo'o ycui' Ndyosi; nu ycui' Cristo ni, ná ntsu'u qui'ya ji'i̱ yu tsiya' ti, bi' cha' taca cua'ni lubii Ni cresiya ji'na, nu lo'o tyi'u ti' na ñi'ya̱ nu ngua'ni Ni lo'o ndyalú tañi ycui' Ni. Li' cuityi̱ Ni lcaa cha' cuxi nu ndyu'ni ñu'u̱ tsa ji'na, jua'a̱ taca ji'na cua'ni na cña ji'i̱ ycui' Ndyosi nu lu'ú ca nde chalyuu li'.

HEBREOS 7:27

Ndulo la tsiya' ti cha' nu ntsu'u ji'i̱ Jesús que cha' nu ntsu'u ji'i̱ xa' la sti jo'ó nu ndi'i̱ chalyuu. Lcaa tsa̱ nsta ngu' bi' msta̱ lo mesa tacati, cha' jua'a̱ cati̱ la qui'ya nu ntsu'u ji'i̱ ngu' lo'o ycui' Ndyosi; clyo ndu'ni ngu' cha' cati̱ qui'ya ji'i̱ ycui' ca ngu', lo'o li' ndu'ni ngu' cha' cati̱ qui'ya nu ntsu'u ji'i̱ lcaa ngu' quichi̱ bi'. Pana nu Jesús bi' ni, sca ti quiya' ngusta yu msta̱ lo'o nguti'i̱ yu chalyuu cha' cati̱ qui'ya nu ntsu'u ji'i̱ ñati̱; tyucui ña'a̱ ycui' yu ngua msta̱ bi', nu lo'o ngujui'i̱ ca'a̱ ngu' ji'i̱ yu lo crusi.

TITO 2:14

Nu lo'o nda Jesús chacuayá' cha' ndyujuii ngu' ji'i̱, nda yu tyucui ña'a̱ ycui' ca yu cha' taca clyaá na ji'i̱ nu cuxi. Ngua'ni lubii Ni ji'i̱ cresiya ji'na li' cha' caca na ñati̱ ji'i̱ Ni, cha' tyaja'a̱ na cua'ni na xcui' cha' tso'o li'.

SAN JUAN 6:51

Na' laca̱ nu cha' tso'o nu caja ji'i̱ ñati̱ ―nacui̱ Jesús―. Ngutu'u na' nde slo ycui' Ndyosi lijya̱ na' chalyuu cha' caca na' ñati̱, cha' caja ñi'ya̱ nu tyaala' ti' ngu'. Nu lo'o xñi ñati̱ cha' jna', ná nga'a̱ cha' tye chalyuu ji'i̱ ngu' bi' li'; ta na' tyucui ña'a̱ na' ji'i̱ ngu', cha' jua'a̱ caja chalyuu cucui ji'i̱ ngu'.

ROMANOS 4:25

Nda Ni chacuayá' cujuii ngu' ji'i̱ Jesús, cha' cuityi̱ qui'ya nu ntsu'u ji'na; lo'o li' ndyu'ú Jesús chaca quiya', cha' caca tso'o cresiya ji'na cuentya ji'i̱ ycui' Ndyosi.

ROMANOS 5:6

Jlo ti' na cha' ná caca cua'ni lyaá na ji'i̱ ycui' ca ti na ji'i̱ qui'ya nu ntsu'u ji'na; pana lo'o ndyalaa la cui' hora nu ngusta ycui' Ndyosi, li' ngujuii Jesús xqui'ya na, ñati̱ cuxi na.

ROMANOS 5:8

Pana jua'a̱ ngua'ni ycui' Ndyosi lo'o na, cha' culu'u Ni ji'na cha' ntsu'u tsa tyiquee Ni ña'a̱ Ni ji'na; nda Ni ji'i̱ Cristo cha' cajaa cuentya ji'na, masi tya ntsu'u tsa qui'ya ji'na.

GÁLATAS 2:20

Cuentya ji'i̱ cha' cusu' bi' laca na' ñi'ya̱ laca si cua ngujuii na', ñi'ya̱ laca si stu'ba ti nga'a̱ na' lo crusi lo'o Jesús; juani nga'aa si'i ycui' ca ti na' laca na' loo ne' cresiya 'na, cha' Cristo laca nu laca loo ne' cresiya 'na juani. Ndi'i̱ tso'o ti na' chalyuu juani sca ti xqui'ya cha' jlya ti' na' ji'i̱ cña nu cua ngua'ni ycui' Jesús, nu sca ti Sñi' ycui' Ndyosi; bi' laca nu ntsu'u tsa tyiquee ña'a̱ jna', bi' laca nu cua nda chacuayá' ji'i̱ ngu' cha' cujuii ngu' ji'i̱ ycui' yu cuentya jna'.

HEBREOS 2:17

Bi' cha' lacua, stu'ba ti ntsu'u cha' ji'i̱ Jesús lo'o ñati̱ ji'i̱ ycui' nde chalyuu. Ngujuii yu lo crusi cuentya ji'na, lo'o juani ntucua yu ca slo ycui' Ndyosi cha' chcui' yu lo'o Ni, cha' cuityi̱ Ni qui'ya nu ntsu'u ji'na. Juani laca Jesús ñi'ya̱ laca sca sti jo'ó nu laca loo la nu ndyi'u tsa ti' ji'na, nu jua'a̱ tso'o tsa ndu'ni tya'na ti' ji'na.

HEBREOS 3:1

Cu'ma̱ tya'a ngusñi na cha' ji'i̱ Cristo, cu'ma̱ nu cua ngusubi ycui' Ndyosi ji'i̱ ma̱, culacua tso'o ti' ma̱ tilaca laca Jesucristo. Cua nda ycui' Ndyosi Sti yu ji'i̱ yu cha' ya̱a̱ yu nde chalyuu, lo'o nu juani laca yu ñi'ya̱ laca sti jo'ó nu laca loo la cuentya ji'na, cha' ngusñi na cha' ji'i̱ ycui'.

HEBREOS 8:4

masi ná ngua Jesús sti jo'ó lo'o nguti'i̱ yu nde chalyuu. Ná nda ngu' cña bi' ji'i̱, cha' cua laca ndi'i̱ xa' la sti jo'ó nu nsta msta̱ nu ntsu'u cha' ta ngu' quichi̱ chacuayá' ji'i̱ jyo'o Moisés.