HEBREOS 8:13 - Chatino Tataltepec

¹³ Na cua culiji yu'u ti cha' cusu' nu ngua tya clyo; jua'a̱ ndyu'u cha' bi' li', nu lo'o nchcui' ycui' Ndyosi ji'i̱ chaca cha' cucui nu cua quiñi ti ji'i̱ Ni lo'o na. Sa'ni tsa nguxana cha' cusu' bi'; cua jyo'o ti cha' bi' juani, cua culiji ti cha' jua'a̱ ti.

HEBREOS 8:13 Referans Kwoze

2 CORINTIOS 5:17

Lo'o juani nu lo'o cua ngusñi sca ñati̱ cha' ji'i̱ Cristo, li' cua nguxcutsa'a̱ Ni cha' ji'i̱ ñati̱ bi'; cua ndye cha' ji'i̱ yu lo'o cha' cuxi nu ngua'ni yu nu ngua tya tsubi' la. Chaca chalyuu cucui, bi' laca nu cua ngujui ji'i̱ yu juani.

HEBREOS 9:15

Bi' cha' lacua, Cristo laca nu ngüiñi sca cha' cucui ji'i̱ ycui' Ndyosi lo'o ñati̱ chalyuu, masi lo'o cua ña'a̱ ca ñati̱ nu cua ngusubi ycui' Ndyosi ji'i̱. Jua'a̱ ngua'ni Cristo, nu lo'o ngujuii yu, cha' jua'a̱ ngulaá na ji'i̱ lcaa cha' cuxi nu ngua'ni na lo'o tya ndaquiya' tsa na ji'i̱ cha' cusu' bi'. Nu juani taca tyacua lcaa cha' nu cua nacui̱ ycui' Ndyosi Sti na ji'na cha' tyacua ji'i̱ lcaa ngu' nu ngusubi Ni ji'i̱; ná nga'a̱ cha' culiji yu'u cha' bi' ji'na tsiya' ti.

1 CORINTIOS 13:8

Nde loo la ná ntsu'u cha' tye cha' ntsu'u tyiquee na ña'a̱ na ji'i̱ ñati̱. Nde loo la tyalaa tyempo nu lo'o nga'aa ndu'ni cha' tya chcui' la ycui' Ndyosi lo'o na nde chalyuu, nga'aa ndu'ni cha' chcui' la na cha'cña ji'i̱ xa' ñati̱, ni nga'aa ndu'ni cha' caca cuayá' ti' na lcaa cha' ji'i̱ ycui' Ndyosi ca lo'o caca tyempo bi'; pana ná tye chca cha' ntsu'u tyiquee na ña'a̱ na ji'i̱ ñati̱.

SAN MATEO 24:35

Masi tye lcaa na nu ntsu'u nde cua̱, masi tye chalyuu re, pana ná tye tsiya' ti cha' nu nchcui' na' re, cha' xcui' cha' liñi laca cha' nu nchcui' na'.

SAN LUCAS 22:20

La cui' jua'a̱ ngua'ni Jesús lo'o vaso bi' lo'o ndye ndyacu ngu'. ―Lo'o co'o ma̱ vino re tyi'u ti' ma̱ ji'i̱ cha' cucui nu cua quiñi ti ji'i̱ ycui' Ndyosi lo'o ma̱ ―nacui̱ Jesús li'―. Nu lo'o cajaa na' lo crusi, li' tyalú tañi na' xqui'ya cu'ma̱.

2 CORINTIOS 3:6

Laca bi' sca cha' nu cua nguxana ca ti, sca cña nu ndyu'ni Xtyi'i ycui' Ndyosi laca. Ná laca bi' ñi'ya̱ laca sca cña nu ndacane ti quityi cusu' ji'na cha' cua'ni na. Ndyijii na xqui'ya yabe' nu ntsu'u ji'na xqui'ya cña nu nclyo quityi cusu' bi' ji'na, pana juani ndyiji chalyuu cucui ji'na xqui'ya Xtyi'i ycui' Ndyosi.

HEBREOS 1:11

Tiya' la li' culiji lcaa cha' bi' jua'a̱ ti; pana ná sca caca jinu'u̱ tsiya' ti, masi casu̱ chalyuu, masi casu̱ lcaa na nu ntsu'u nde cua̱ ñi'ya̱ laca lo'o ndyasu̱ sca ste' na.

HEBREOS 7:22

Bi' cha' cua tso'o la ngüiñi cha' ji'i̱ ycui' Ni lo'o na juani, xqui'ya cña nu ngua'ni Jesús cuentya ji'na.

HEBREOS 8:6

Bi' cha' cua nchca cuayá' ti' na cha' tso'o la tsiya' ti cña nu ndu'ni Jesús cuentya ji'na, siya' la cña nu ndyu'ni nu xa' la sti jo'ó nde chalyuu. Lo'o juani ndulo tsa cha' ji'na, la cui' cha' nu cua ngüiñi ji'i̱ ycui' Ndyosi lo'o na xqui'ya Jesús, cha' xcui' cha' liñi tsiya' ti nchcui' ycui' Ndyosi lo'o na.

HEBREOS 8:8

cha' ná tso'o ngua'ni ñati̱ bi' li'. Ndi'ya̱ nscua lo quityi ji'i̱ ycui' Ndyosi cuentya ji'i̱ cha' bi': Cua ngulala ti tyalaa tsa̱ cha' quiñi cha' 'na lo'o tya'a ngu' Israel chaca quiya', la cui' jua'a̱ lo'o tya'a ngu' Judá, nacui̱ ycui' Ndyosi nu Xu'na na.

HEBREOS 12:24

Lo'o jua'a̱ ca bi' ndi'i̱ Jesús, nu ngüiñi chaca cha' nu tso'o la ji'i̱ ycui' Ni lo'o na; tso'o tsa ngua cha' ndyalú tañi ycui' Jesús, cha' xqui'ya nu Jesús bi' ni, bi' cha' cua nguti̱ cha' cuxi nu ntsu'u ji'na. Pana nu lo'o ndyalú tañi jyo'o Abel nu ngua sa'ni, li' ntsu'u cha' cajaa chaca yu nu cua ndyujuii ji'i̱ tya'a; xcui' cha' cuxi ndyu'u ji'i̱ cha' bi' li'.