HEBREOS 8:1 - Chatino Tataltepec

¹ Ndi'ya̱ ndyu'u cha' nu nti' na' chcui̱' lo'o ma̱ juani: Ca cua̱ ntucua Jesús, nde la'a tsu' cui̱ ca su ntucua ycui' Ndyosi, cha' nclyo Ni cña tyucui ña'a̱ chalyuu; ca bi' ntucua Jesús cha' laca Ni sti jo'ó nu laca loo la cuentya ji'na.

HEBREOS 8:1 Referans Kwoze

COLOSENSES 3:1

Pana cu'ma̱ ni, cua ngujui chaca chalyuu cucui ji'i̱ ma̱ xqui'ya cha' cua ngua stu'ba cha' ji'i̱ ma̱ lo'o Cristo; bi' cha' lacua, xcui' na tyu'u tyiquee ma̱ ji'i̱ cua ña'a̱ ca cha' tso'o nu ndyu'u ji'i̱ Cristo lijya̱, cha' ntucua Cristo nde la'a tsu' cui̱ su tlyu su ntucua ycui' Ndyosi.

HEBREOS 1:3

Lcaa xee lubii nu ntsu'u ca slo ycui' Ndyosi, cua ndyanu xee bi' lo Jesús Sñi' Ni lo'o ñaa Jesús nguti'i̱ yu chalyuu. Ñi'ya̱ nu laca ycui' Ndyosi, la cui' jua'a̱ laca nu Jesús bi'; liñi tsa nclyo Jesús cña ji'i̱ lcaa na nu ntsu'u chalyuu tsiya' ti, bi' cha' laca ndi'i̱ tso'o ti lcaa na bi'. Nu lo'o ndye ngua'ni Jesús cña nu ntsu'u ji'i̱ yu nde chalyuu, cha' ngüityi̱ yu yabe' nu ntsu'u ji'i̱ ñati̱, li' nguxtyu̱u̱ yu ndyaa yu ca slo ycui' Ndyosi Sti yu, ndyaa tucua yu nde la'a tsu' cui̱ su tlyu ca su ntucua ycui' Ni.

APOCALIPSIS 3:21

Cua ña'a̱ ca ñati̱ nu tyiji̱loo ji'i̱ nu xña'a̱ ña'a̱ cuayá' tye chalyuu, ta na' su tyucua ñati̱ bi' ca su ntucua na' cha' laca na loo; cha' jua'a̱ na', cua ntiji̱loo na' ji'i̱ nu xña'a̱ bi', lo'o juani nga'a̱ na' slo ycui' Sti na' su laca Ni loo.

HEBREOS 12:2

Xcui' culacua ti' na ñi'ya̱ ngua'ni Jesús; lcaa cha' nu jlya ti' na ni, Jesús laca su̱u̱ lcaa cha' bi'; si jua'a̱, taca jlya ti' na ji'i̱ Ni ña'a̱ cuayá' nu tye chalyuu. Nu ycui' Jesús ni, ná nguta'a̱chu̱' yu ji'i̱ cña nu nga'a̱ cha' cua'ni yu, masi cua jlo ti' yu cha' cua cajaa ti yu lo crusi. Pana tiya' la li', nu lo'o cua ntiji̱loo yu ji'i̱ nu cuxi, tso'o tsa ntsu'u tyiquee yu li'; bi' cha' ná ngua tyuju'u ti' yu tsiya' ti, masi nguxcube' ngu' ji'i̱ yu lo crusi. Lo'o juani cua ndyaa tucua Jesús nde la'a tsu' cui̱ su tlyu ca su ntucua ycui' Ndyosi Sti na.

HEBREOS 2:17

Bi' cha' lacua, stu'ba ti ntsu'u cha' ji'i̱ Jesús lo'o ñati̱ ji'i̱ ycui' nde chalyuu. Ngujuii yu lo crusi cuentya ji'na, lo'o juani ntucua yu ca slo ycui' Ndyosi cha' chcui' yu lo'o Ni, cha' cuityi̱ Ni qui'ya nu ntsu'u ji'na. Juani laca Jesús ñi'ya̱ laca sca sti jo'ó nu laca loo la nu ndyi'u tsa ti' ji'na, nu jua'a̱ tso'o tsa ndu'ni tya'na ti' ji'na.

HEBREOS 10:12

Pana nu Jesucristo bi' ni, sca ti quiya' ngujuii yu lo crusi cha' cati̱ qui'ya nu ntsu'u ji'i̱ ñati̱, lo'o ña'a̱ ti tya ndyu'u scua cña nu ngua'ni yu masi chalyuu juani. Li' ngutu'u Jesús ndyaa Ni, ndyaa tucua Ni nde la'a tsu' cui̱ su tlyu ca su ntucua ycui' Ndyosi.

HEBREOS 1:13

Nde ntsu'u chaca cha' nu nscua lo quityi cusu' cuentya ji'i̱ Jesús: Cua̱a̱ clya nu'u̱ ca nde, tyucua nu'u̱ ca su ntucua na' re; ña'a̱ cuayá' tyiji̱loo na' ji'i̱ lcaa tya'a cusu̱u̱ nu'u̱ tyucua nu'u̱, cha' caca nu'u̱ loo ji'i̱ ngu' bi' tsiya' ti. Ni sca quiya' bilya chcui' ycui' Ndyosi jua'a̱ cuentya ji'i̱ xca̱ ji'i̱ Ni nde cua̱, sca ti lo'o Jesús cua nchcui' Ni jua'a̱.

EFESIOS 6:20

Cua ngusubi Ni 'na cha' tsa'a̱ tyijyu', cha' ta na' cha' bi' lo'o ñati̱; bi' cha' laca na' preso juani. Chcui' ma̱ lo'o ycui' Ndyosi cuentya jna' lacua, cha' taca chcui' liñi na' cha' bi' lo'o ñati̱, ñi'ya̱ nu nga'a̱ cha' chcui' na'.

SAN MARCOS 16:19

Lo'o ndye nchcui' Jesús nu Xu'na na, li' ngua'ni ycui' Ndyosi cha' ndu'u yu ndyaa yu nde cua̱; ndyaa tucua Jesús la'a tsu' cui̱ ji'i̱ ycui' Ndyosi ca bi'.

HEBREOS 3:1

Cu'ma̱ tya'a ngusñi na cha' ji'i̱ Cristo, cu'ma̱ nu cua ngusubi ycui' Ndyosi ji'i̱ ma̱, culacua tso'o ti' ma̱ tilaca laca Jesucristo. Cua nda ycui' Ndyosi Sti yu ji'i̱ yu cha' ya̱a̱ yu nde chalyuu, lo'o nu juani laca yu ñi'ya̱ laca sti jo'ó nu laca loo la cuentya ji'na, cha' ngusñi na cha' ji'i̱ ycui'.

HEBREOS 4:14

Lo'o cua ngusñi na cha' ji'i̱ Jesús, li' nga'a̱ cha' cua'ni na cha' tso'o ti tyanu cha' bi' ne' cresiya ji'na. Cua laca ntsu'u sca sti jo'ó nu laca loo la nu ndu̱ cuentya ji'na; Jesús laca bi', nu sca ti Sñi' ycui' Ndyosi laca yu. Cua ndyaa Jesús ca su ndi'i̱ ycui' Ndyosi Sti yu; juani ndu̱ Jesús slo Ni, nchcui' cha' ji'na lo'o Ni.