HEBREOS 7:12 - Chatino Tataltepec

¹² Nu lo'o ncha'a̱ cha' ji'i̱ sti jo'ó ni, la cui' jua'a̱ ncha'a̱ cña nu nga'a̱ cha' cua'ni na cuentya ji'i̱ ycui' Ndyosi.

HEBREOS 7:12 Referans Kwoze

HEBREOS 7:11

Nu sti jo'ó nu ya̱a̱ chalyuu tiya' la bi', la cui' jua'a̱ tya'a ñati̱ ji'i̱ jyo'o Leví, nclyu'u qui'i̱ ngu' bi' ji'i̱ ngu' Israel cha' cua'ni ngu' lcaa cña nu ngulo ycui' Ndyosi ji'i̱ ngu'. Pana ná ndalo sti jo'ó bi' cua'ni tyucui cña bi', bi' cha' juani ngutu'u tucua chaca nu laca sti jo'ó nu cuentya ji'na. Ná laca yu sti jo'ó ñi'ya̱ ngua Aarón lo'o tya'a Aarón sti jo'ó, masi laca yu sca sti jo'ó nu ñi'ya̱ ngua'ni jyo'o Melquisedec nu ngua sa'ni la, la cui' jua'a̱ cua'ni yu cuentya ji'na juani.

HEBREOS 7:13

Cha' ji'i̱ Jesús nu Xu'na na nchcui' cha' nu nscua lo quityi cusu' bi'; pana ycui' Jesús ni, xa' ñati̱ laca bi', si'i tya'a ñati̱ ji'i̱ Leví laca yu. Ni sca ñati̱ tya'a xtañi Jesús ná ngua ngu' sti jo'ó nde chu̱' la.

HEBREOS 9:10

Xcui' cha' nu nchcui' ñati̱ chalyuu ti laca, masi ñacui̱ ngu' cha' ná tso'o cacu na co'o na sca lo na, masi ñacui̱ ngu' ñi'ya̱ cua'ni na cha' caca lubii cresiya ji'na; cña nu ndatsaa ti ñati̱ chalyuu ji'na cha' cua'ni na, jua'a̱ laca cha' bi'. Xti ti tyempo talo cha' bi' ña'a̱ cuayá' xcutsa'a̱ ycui' Ndyosi lcaa cha'.