HEBREOS 7:11 - Chatino Tataltepec

¹¹ Nu sti jo'ó nu ya̱a̱ chalyuu tiya' la bi', la cui' jua'a̱ tya'a ñati̱ ji'i̱ jyo'o Leví, nclyu'u qui'i̱ ngu' bi' ji'i̱ ngu' Israel cha' cua'ni ngu' lcaa cña nu ngulo ycui' Ndyosi ji'i̱ ngu'. Pana ná ndalo sti jo'ó bi' cua'ni tyucui cña bi', bi' cha' juani ngutu'u tucua chaca nu laca sti jo'ó nu cuentya ji'na. Ná laca yu sti jo'ó ñi'ya̱ ngua Aarón lo'o tya'a Aarón sti jo'ó, masi laca yu sca sti jo'ó nu ñi'ya̱ ngua'ni jyo'o Melquisedec nu ngua sa'ni la, la cui' jua'a̱ cua'ni yu cuentya ji'na juani.

HEBREOS 7:11 Referans Kwoze

HEBREOS 8:7

Ntsu'u tsa cha' nu lyiji ji'i̱ cha' cusu' nu ngua tya clyo, nu cua ngüiñi ji'i̱ Ni lo'o ñati̱ tyempo bi', bi' cha' nda ycui' Ndyosi chaca cha' lo'o ñati̱. Ná ndyu'u scua cha' cusu' bi', cha' taca ca tso'o cresiya ji'i̱ ñati̱ cuentya ji'i̱ ycui' Ndyosi,

GÁLATAS 2:21

Si'i cha' ná ndube ti' na' ji'i̱ lcaa cha' tso'o nu ngua'ni ycui' Ndyosi lo'o ngu' judío tya'a ya; laca cha' ndube tsa ti' na' cha' ná taca ca tso'o cresiya ji'na cuentya ji'i̱ ycui' Ndyosi, masi tso'o tsa ndaquiya' na ji'i̱ cña nu nclyo cha' cusu' bi' ji'na. Ndube tsa ti' na' cha' ná ngujuii Jesús jua'a̱ ti; ntsu'u cña nu ngua'ni yu lo'o ngujuii yu lo crusi bi', na cua ngua'ni tso'o yu ji'i̱ cresiya ji'na cuentya ji'i̱ ycui' Ndyosi nu ngua li'.

HEBREOS 7:21

Ná nchcui' Ni jua'a̱ lo'o sti jo'ó tya'a ngu' Leví. Pana ndi'ya̱ nchcui' ycui' Ni lo'o Jesús tya lo'o nguxana cha' caca Jesús sti jo'ó: Liñi tsa nda na' cha' cuentya jinu'u̱, nacui̱ ycui' Ndyosi, nga'aa tya'a̱chu̱' na' tsiya' ti ji'i̱ cha' nu cua nacui̱ na' bi': “Lcaa ca tyempo caca nu'u̱ sti jo'ó. Ñi'ya̱ nu ngua'ni jyo'o Melquisedec nu ngua sa'ni, la cui' jua'a̱ cua'ni nu'u̱ cuentya ji'i̱ ñati̱ juani.”

HEBREOS 7:15

Lo'o nu juani laca Jesús sti jo'ó nu xa' ña'a̱ cua'ni; ñi'ya̱ ngua'ni jyo'o Melquisedec, jua'a̱ cua'ni Ni cña ji'i̱ sti jo'ó. Bi' cha' tso'o la nchca cuayá' ti' na juani cha' cua ntyeje tacui cha' ji'i̱ cha' cusu' bi', cha' cua ngutu'u tucua Jesús nu sti jo'ó cucui ji'na.

HEBREOS 5:6

Lo'o li' cua nchcui' ycui' Ni chaca cha' ndi'ya̱: Lcaa ca tyempo caca nu'u̱ sti jo'ó; la cui' ñi'ya̱ nu ngua'ni jyo'o Melquisedec nu ngua cua sa'ni la, jua'a̱ cua'ni nu'u̱ cuentya ji'i̱ ñati̱ juani.

GÁLATAS 4:9

Lo'o juani cua nslo ma̱ ji'i̱ ycui' Ndyosi; hasta tso'o la ñacui̱ na, cua ndyuloo ycui' Ni ji'i̱ ma̱. ¿Ni cha' laca nti' ma̱ tya'a̱chu̱' ma̱ ji'i̱ cha' ji'i̱ ycui' Ndyosi lacua? Xa' cua'ni ma̱ cña nu ndatsaa cua ña'a̱ ca jo'ó nu cuxi ti bi' ji'i̱ ma̱ li', jo'ó nu ntsu'u ji'i̱ ñati̱ ti; pana ná ndyu'u tso'o cha' bi' tsiya' ti, ná caca cua'ni lyaá jo'ó bi' ji'na.

HEBREOS 6:20

Cuentya ji'na, cua ndyaa Jesús ca bi' nde loo la, cha' taca xtyucua yu ji'na. Ná nga'a̱ cha' tye cha' laca Jesús sti jo'ó nu laca loo la cuentya ji'na; la cui' ñi'ya̱ nu ngua'ni jyo'o Melquisedec nu ngua sa'ni, jua'a̱ cua'ni Jesús cuentya ji'na juani.

HEBREOS 5:10

Bi' cha' cua nacui̱ Ni cha' laca Jesús sti jo'ó nu laca loo la; la cui' ñi'ya̱ nu ngua'ni jyo'o Melquisedec nu ngua cua sa'ni la, jua'a̱ cua'ni Jesús cuentya ji'na juani.

GÁLATAS 4:3

La cui' jua'a̱ laca ji'na lo'o Jesús. Lo'o tya lyiji cuna na cha' ji'i̱ Jesús, caca ñacui̱ na cha' tya sube na, xqui'ya cha' tya ndu'ni na cña nu ndatsaa cua ña'a̱ ca jo'ó ji'na, ñi'ya̱ nu ndu'ni ti xa' ñati̱.

HEBREOS 7:10

Nu lo'o ndyacua tya'a Melquisedec lo'o Abraham, ñi'ya̱ laca si lo'o Leví nda msta̱, jua'a̱ ngua li', masi tya lyiji cala Leví chalyuu, xqui'ya cha' Abraham ngua jyo'o cusu' ji'i̱ yu, cha' sñi' ste' Abraham ngua sti Leví bi'.

HEBREOS 7:12

Nu lo'o ncha'a̱ cha' ji'i̱ sti jo'ó ni, la cui' jua'a̱ ncha'a̱ cña nu nga'a̱ cha' cua'ni na cuentya ji'i̱ ycui' Ndyosi.

HEBREOS 7:13

Cha' ji'i̱ Jesús nu Xu'na na nchcui' cha' nu nscua lo quityi cusu' bi'; pana ycui' Jesús ni, xa' ñati̱ laca bi', si'i tya'a ñati̱ ji'i̱ Leví laca yu. Ni sca ñati̱ tya'a xtañi Jesús ná ngua ngu' sti jo'ó nde chu̱' la.

HEBREOS 9:6

Jua'a̱ ngua cha' ntucua lcaa yaca bi' ne' chcua'ya late' bi' su ngua'ni tlyu ngu' ji'i̱ ycui' Ndyosi, cha' lcaa tsa̱ ndyatí̱ sti jo'ó ndyaa ne' chcua'ya bi', ngua'ni cña ji'i̱ ycui' Ndyosi ca jua;