HEBREOS 6:8 - Chatino Tataltepec

⁸ Pana ná tso'o yuu tsiya' ti si tyucua xcui' quixi̱', xcui' yaca quiche'; xtyanu ngu' ji'i̱ yuu nu ndu'ni jua'a̱, cha' ñi'ya̱ laca si cua ngusta ycui' Ndyosi yabe' ji'i̱ yuu bi', jua'a̱ ndyu'u cha'. Nga'a̱ cha' cua'a̱ ngu' quii' lo yuu bi', cha' tye tyaqui̱ lcaa na cuxi nu ntsu'u ca ndacua. Ñi'ya̱ nu caca ji'i̱ yuu nu ná tso'o tsiya' ti bi', jua'a̱ caca cuxi ji'na si xtyanu na cha' ji'i̱ Jesús.

HEBREOS 6:8 Referans Kwoze

SAN JUAN 15:6

Culaya' Sti na' ji'i̱ ñati̱ nu ná stu'ba nchca tyiquee ngu' lo'o na', ñi'ya̱ lo'o nchcua̱a̱ ngu' sta̱' yaca nu cua ndyanaa; nxuti'i̱ montón ngu' sta̱' yaca btyi bi', nsta ngu' ji'i̱ lo quii' cha' tye tyaqui̱ bi'.

HEBREOS 12:17

Cua jlo ti' ma̱ ñi'ya̱ ngua ca tiya' la: nu lo'o ngua ti' yu cha' culacua̱ sti yu ji'i̱ yu, li' nga'aa ndaquiya' sti yu ji'i̱ cha' nu nda yu lo'o; nga'aa ngujui ñi'ya̱ nu tya'a̱chu̱' yu ji'i̱ cha' nu cua ngua'ni yu, masi ngusi'ya tsa yu lo'o ngüijña yu cha' bi' ji'i̱ sti yu.

HEBREOS 10:27

Jua'a̱ ti caca na li', cutsi̱i̱ tsa na ji'i̱ ycui' Ndyosi lo'o tyalaa hora nu cua'ni cuayá' Ni ji'i̱ lcaa ñati̱ tya'a ngusu̱u̱ lo'o Ni. Lo'o li' cua'ni tye Ni ji'i̱ lcaa ngu' bi', tsaa ngu' nde lo quii' tlyu nu ná nga'a̱ cha' tye tyaqui̱.

APOCALIPSIS 20:15

Lo'o li' xcua̱a̱ Ni ji'i̱ cua ña'a̱ ca ñati̱ nu ná nscua xtañi lo quityi ji'i̱ ycui' Ni, tyaa ngu' nde lo tayu' ca su ntsu'u quii' bi', cha' ndacha' quityi bi' tilaca laca ñati̱ nu ná nga'a̱ cha' tye chalyuu ji'i̱.

SAN MARCOS 11:21

Li' ntsu'u ti' Pedro cha' nu nchcui' Jesús ji'i̱ yaca bi' tya la caa. ―Mstru, ña'a̱ xi ca nde ña'a̱ ―nacui̱ Pedro ji'i̱ Jesús―. Cua ngüityi yaca quityi nu ngusta nu'u̱ yabe' ji'i̱.

SAN MARCOS 11:14

―Nga'aa cacu ngu' tsiya' ti si'yu nu tyu'u lo yaca cua ―nacui̱ Jesús li'. Lo'o nu ngu' nu ndyaca tsa'a̱ ji'i̱ Jesús ni, ndyuna ngu' cha' nu nchcui' yu ji'i̱ yaca bi'.

SAN MATEO 7:19

Lo'o li' si'yu ngu' ji'i̱ yaca btyi bi', cha' nga'aa tso'o bi'; taqui̱ ngu' yaca bi' li'.

SAN MATEO 3:10

Ñi'ya̱ ndu̱ sca ñati̱ lo'o hacha ji'i̱ cha' clyaja lo yaca si'yu ji'i̱ yu, jua'a̱ nti' ycui' Ndyosi; si'yu yu bi' ji'i̱ lcaa yaca nu ná nda si'yu tso'o cha' tyaqui̱ lo quii', lo'o jua'a̱ xcube' Ni ji'i̱ ñati̱ nu ná ntaja'a̱ xtyanu qui'ya nu ntsu'u ji'i̱ ngu'.

SAN MATEO 25:41

’Lo'o li' chcui' na' lo'o taju ñati̱ nu ndi'i̱ la'a tsu' coca 'na: “Tyu'u ma̱ liya', cu'ma̱ nu ná ntsu'u su tyi'i̱ ma̱ slo ycui' Ndyosi. Yaa clya ma̱ ca su ná tye tsiya' ti cha' ndyaqui̱ quii', cha' stu'ba ti tyi'i̱ ma̱ lo'o nu laca xu'na cuiñaja lo'o lcaa xca̱ ji'i̱, lcaa cui'i̱ cuxi; cuentya ji'i̱ nu cuiñaja bi' nguxtyu'u ycui' Ni quii' bi'.