Tyi'u ti' ma̱ ji'i̱ ngu' jyo'o tya'a ma̱ nu ngua loo ji'i̱ ma̱ chacuayá' ji'i̱ Jesucristo; ngu' bi' laca nu cua nchcui' cha' ji'i̱ ycui' Ndyosi lo'o ma̱ tya clyo, bi' cha' culacua tso'o ti' ma̱ ji'i̱ cña tso'o nu ngua'ni ngu' bi' nde chalyuu. Cua'ni ma̱ ñi'ya̱ nu ngua'ni ngu' bi' lo'o ngusñi ngu' cha' ji'i̱ ycui' Ndyosi.
HEBREOS 6:12 - Chatino Tataltepec12 Ná nti' ya cha' caca taja ma̱; na cua nti' ya cha' cua'ni ma̱ ñi'ya̱ nu ngua'ni xa' la tya'a ngusñi na cha' ji'i̱ Jesús tya clyo la, nu cua ndalo tsa tyiquee cha' ndu̱ ti' ngu' ji'i̱ ycui' Ndyosi. Bi' cha' cua ngujui lcaa cha' ji'i̱ ngu', ñi'ya̱ nu nacui̱ Ni cha' tyacua ji'i̱ ngu'. Gade chapit la |
HEBREOS 6:12
36 Referans Kwoze
Lo'o juani, ¿ñi'ya̱ cua'ni na lacua? Ndi'ya̱ cua'ni na nde chalyuu: Ñi'ya̱ si tya ndi'i̱ jyo'o cusu' bi' tsa tlyu ti lo'o na, jua'a̱ cua'ni na, cha' jua'a̱ tyi'u tso'o ti' na lcaa ña'a̱ cha' tlyu nu ngua'ni ngu' bi' tya sa'ni la, xqui'ya cha' jlya ti' ngu' ji'i̱ ycui' Ndyosi. Ndu'ni cha' xtyanu na lcaa cha' nu ndaca'a ji'na cha' ná xñi tso'o na cha' ji'i̱ Jesús; xtyanu na lcaa cha' cuxi nu tiji̱' tsa ti' na ji'i̱, culochu̱' na cha' bi'. Lo'o li' nguula ti' tyiquee na cua'ni na cha' tso'o nde chalyuu, tsa lo cua tyempo nu tya ta ti Ni ji'na.
Lcaa nu laca xca̱ ji'i̱ ycui' Ndyosi nde cua̱ ni, lcaa tsa̱ ndu'ni bi' cña nu nclyo ycui' Ndyosi ji'i̱; cui'i̱ nu tso'o tsa laca nu ngu' xca̱ bi'. Nda Ni ji'i̱ ngu' xca̱ bi' ca̱a̱ nde chalyuu, cha' xtyucua ngu' ji'i̱ ca ta'a ñati̱ nu cua clyaá ti ji'i̱ nu cuxi xqui'ya Jesús, cha' cua ngulala ti tye chalyuu.
sca chalyuu tso'o nu ná nga'a̱ cha' tye, bi' laca nu ta Ni ji'i̱ ngu' tso'o, nu ná nchca taja ti' ndu'ni ngu' cña tso'o lo'o tya'a ngu'. Xcui' ndya'a̱ cha' tyiquee ngu' bi' ji'i̱ cha' tso'o nu ntsu'u ca slo ycui' Ndyosi, xcui' nti' ngu' cha' tyi'i̱ tso'o ti ngu' cuentya ji'i̱ Ni, xcui' ndube ti' ngu' ji'i̱ chalyuu nu lijya̱ nde loo la.
Si lo'o nscua cha' tsalo'o ngu' ji'i̱ tsaca ma̱ ne' chcua̱, jua'a̱ caca lacua. Ná cutsi̱i̱ ma̱ li'. Si lo'o nscua cha' cujuii ñati̱ ji'i̱ tsaca ma̱, masi lo'o maxtyi, jua'a̱ caca lacua. Ná cutsi̱i̱ ma̱ li'. Ndu'ni cha' talo tsaa tyiquee na ji'i̱ cha' cuxi; ndu'ni cha' lcaa tsa̱ taquiya' na ji'i̱ ycui' Ndyosi si ntsu'u cha' ji'na lo'o Ni nde chalyuu.
Jlya ti' lcaa ngu' bi' ji'i̱ ycui' Ndyosi, bi' cha' ngusu̱u̱ tya'a ngu' lo'o ñati̱ cuxi nde xa' chalyuu, ntiji̱loo ngu' ji'i̱ lcaa ñati̱ nu nguti'i̱ ca bi' li'; tso'o tsa cña ngua'ni ngu' bi', bi' cha' ngua'ni Ni cua ña'a̱ ca cha' nu nacui̱ Ni cha' cua'ni Ni cuentya ji'i̱ ngu' bi'. Ngua ji'i̱ ngu' bi' cua'a ji'i̱ cuichi tyaala cha' ná ndyacu ji'i̱ ngu';
Tso'o tsa li'. Tso'o tsa ntsu'u tyiquee ya xqui'ya cu'ma̱, bi' cha' nda ya cha' ji'i̱ ma̱ lo'o lcaa taju ngu' tya'a ntsu'u cha' ji'na lo'o ycui' Ndyosi. Nacui̱ ya ji'i̱ ngu' cha' tso'o tsa ndyu'ni ma̱, cha' tlyu tsa tyiquee ma̱ xqui'ya ycui' Ndyosi, masi ndyiji tsa cha' ti'í ji'i̱ ma̱, masi lye tsa ndyu'ni lya' ti' ngu' ji'i̱ ma̱. Tso'o tsa cha' ndalo tyiquee ma̱ ji'i̱ ngu', masi cuxi tsa ndyu'ni ngu' bi' lo'o ma̱ jua'a̱.
Ñi'ya̱ laca si'yu nu ndyú su tso'o tsa yuu, jua'a̱ laca lo'o ñati̱ nu tyucui tyiquee ngu' ndyuna ngu' cha' tso'o nu nda ycui' Ndyosi lo'o ngu'; ntaja'a̱ ngu' ndaquiya' ngu' cua ña'a̱ ca cha' nu nda Ni lo'o ngu'. Ndalo ngu' bi' li', ná xutacui ngu' cha' ngusñi ngu' cha' bi'. Li' tso'o tsa cha' tyu'ú ne' cresiya ji'i̱ ngu' bi'.
“Ycui' Ndyosi Xu'na Abraham laca na',” nacui̱ Ni, “ycui' Ndyosi Xu'na Isaac laca na', lo'o la cui' ti ycui' Ndyosi Xu'na Jacob laca na'”, nacui̱ Ni. Ná nacui̱ quityi bi' cha' na cua ngua ycui' Ndyosi Xu'na ngu' bi'; ña'a̱ ti tya laca ycui' Ndyosi Xu'na ngu' bi' juani, lo'o jua'a̱ laca ycui' Ndyosi Xu'na lcaa ñati̱ lu'ú.
Ntsu'u ti' ya cha' ntsu'u tsa cha' tso'o nu ndyu'ni ma̱, cha' ntsu'u tsa tyiquee ma̱ ña'a̱ ma̱ ji'i̱ tya'a ma̱, xqui'ya cha' ngusñi ma̱ cha' ji'i̱ Jesucristo. Ndalo tsa tyiquee ma̱ xqui'ya cha' jlo ti' ma̱ cha' ntucua Jesucristo nu Xu'na na ca slo ycui' Ndyosi Sti na; bi' cha' xcui' cha' tso'o ndyu'ni ma̱, masi tlyu tsa cña.
Ngua ñasi̱' xu'na lo'o msu bi' li'. “Sca msu xña'a̱ laca nu'u̱”, nacui̱ xu'na ji'i̱ msu bi'. “Taja tsa nu'u̱”, nacui̱. “Nacui̱ nu'u̱ cha' jlo ti' nu'u̱ ñi'ya̱ nu ndu'ni na', cha' nxuti'i̱ na' ltya masi ná ndyataa na' nscua'; lo'o jua'a̱ tyaa lo'o na' ji'i̱ nscua' masi ná ngua'ni na' cña ji'i̱”, nacui̱ nu'u̱.
Piblisite