Pana nu Cristo bi' ni, tso'o la cña ndu'ni yu, xqui'ya cha' laca yu Sñi' ycui' Ndyosi, lo'o jua'a̱ laca yu loo ji'i̱ lcaa ñati̱ nu ntsu'u cuentya ji'i̱ Ni. La cui' ñati̱ ji'i̱ ycui' Ni laca na, si ña'a̱ ti ná ntsi̱i̱ na ña'a̱ cuayá' tye chalyuu ji'na, si ña'a̱ ti tya tso'o ntsu'u tyiquee na laja lo'o ndu̱ ti' na ji'i̱ Cristo cha' cua'ni lyaá lyiji yu ji'na.
HEBREOS 6:11 - Chatino Tataltepec11 Tso'o si ña'a̱ ti tya cua'ni ma̱ tyucui tyempo nde loo la nti' ya, cha' ndu̱ ti' ma̱ ji'i̱ ycui' Ndyosi ña'a̱ cuayá' tyu'u tucua lcaa cha' nu cua nchcui' Ni lo'o ma̱. Gade chapit la |
HEBREOS 6:11
36 Referans Kwoze
Tya̱a̱ na ca slo ycui' Ndyosi lacua; tyucui tyiquee na cua'ni na cha' caca stu'ba cha' ji'na lo'o ycui' Ndyosi Sti na, cha' taca xñi tso'o na cha' ji'i̱ Ni li'. Cua ngüityi̱ Ni lcaa cha' cuxi nu ngua'ni cha' ngua tyuju'u ti' na tya tsubi' la; cua ngua lubii cresiya ji'na juani, ñi'ya̱ laca lo'o cua ndyaata na chcu lo'o hitya lubii ti.
Xcui' nguna' tya ndi'i̱ na chalyuu cua tsubi' la xqui'ya qui'ya nu ntsu'u ji'na; pana juani, cua nda ycui' Ndyosi chaca chalyuu cucui ji'na, cha' tso'o ti ndi'i̱ tyiquee na juani. Ntsu'u tsa tyiquee na ña'a̱ na ji'i̱ xa' la tya'a ntsu'u cha' ji'na lo'o Jesucristo; bi' cha' taca jlo ti' na cha' cua ntsu'u chaca chalyuu cucui ji'na juani, cha' ñati̱ nu ná ntsu'u tyiquee ña'a̱ ji'i̱ tya'a ñati̱, nguna' tya ndi'i̱ ngu' chalyuu.
Xqui'ya Cristo, bi' cha' jlya ti' ma̱ ji'i̱ ycui' Ndyosi, cha' cua ngua'ni ycui' Ni cha' ndyu'ú Cristo chaca quiya' lo'o cua ngujuii yu. Lo'o li' nda ycui' Ndyosi sca su tso'o su tyi'i̱ Cristo, ca su tlyu su ntucua ycui' Ni. Ngua'ni Cristo cña tonu bi', cha' taca xñi ma̱ cha' ji'i̱ ycui' Ndyosi, lo'o li' taca tyu̱ ti' ma̱ cha' caca lcaa ña'a̱ cha' nu nacui̱ Ni cha' caca.
Ni si'i sca ti ji'i̱ ngu' tya'a quichi̱ tyi ti ma̱ ntsu'u tyiquee ma̱, lo'o jua'a̱ ntsu'u tsa tyiquee ma̱ ña'a̱ ma̱ ji'i̱ lcaa ngu' tya'a ntsu'u cha' ji'i̱ ma̱ lo'o ycui' Ndyosi nde lcaa lo quichi̱ loyuu su cuentya Macedonia. Tya'a na laca ngu' bi', bi' cha' nchcui' ya lo'o ma̱ cha' tya cua'ni la ma̱ cha' tso'o bi'.
xqui'ya cha' ngusñi ma̱ cha' tso'o nu cua nchcui' ya lo'o ma̱, la cui' cha' tlyu nu nda Xtyi'i ycui' Ni cha' chcui' ya lo'o ma̱; Xtyi'i ycui' Ndyosi ngua'ni cña laja lo'o nchcui' ya lo'o ma̱, bi' cha' ngusñi ma̱ cha' bi'. Lo'o jua'a̱ jlo ti' ma̱ ñi'ya̱ ngua cña nu ngua'ni ya lo'o nguti'i̱ ya ca slo cu'ma̱.
Tya clyo lo'o ndyuna ma̱ cha' tso'o bi', cha' nu nchcui' ji'i̱ ycui' Ndyosi nu chañi ca, li' ngua cuayá' ti' ma̱ cha' tya ntsu'u chaca cha' nu cua tlyu la nu nga'a̱ cha' tyacua ji'na tyempo nde loo la lo'o tyalaa na ca su ntucua ycui' Ndyosi. Ca bi' ntsu'u co'o cha' bi' cuentya ji'i̱ ma̱; bi' laca cha' nu tyacua ji'i̱ ma̱ ca tiya' la xqui'ya cha' ngusñi ma̱ cha' ji'i̱ Cristo, lo'o jua'a̱ tso'o tsa ntsu'u tyiquee ma̱ ña'a̱ ma̱ ji'i̱ xa' la tya'a ñati̱ ma̱.
Bi' cha' ná tso'o si ca taja ti' na cha' cua'ni na cha' tso'o laja lo'o ndi'i̱ na chalyuu. Lo'o tyalaa hora bi', li' tyu'u tucua cha' tso'o nu nacui̱ Ni cha' tyacua ji'na nde loo la, la cui' cha' nu tyiquee' tsa ngujuatya na ji'i̱; pana ntsu'u cha' talo na, cha' ná ca taja ti' na ndu'ni na cña tso'o.
Cu'ma̱ tya'a ngusñi na cha' ji'i̱ Jesús, ntsu'u tsa tyiquee na' ña'a̱a̱ ji'i̱ cu'ma̱. Ndi'ya̱ ñacui̱ na' ji'i̱ ma̱, cha' ña'a̱ ti xñi tso'o ma̱ cha' ji'i̱ ycui' Ndyosi, lcaa tsa̱ jlya ti' ma̱ ji'i̱ Ni; xcui' lye tsa cua'ni ma̱ cña ji'i̱ ycui' nu Xu'na na, ná ca taja ti' ma̱ lo'o cua'ni ma̱ cña bi'. Cua jlo ti' ma̱ cha' ná culiji jua'a̱ ti sca cña nu ndyu'ni ma̱ cuentya ji'i̱ ycui' Ndyosi.
Bi' cha' lacua, lcaa tyempo ndu'ni cha' tyi'u ti' na ji'i̱ ycui' Ndyosi, lcaa tyempo ndu'ni cha' tu̱ ti' na cha' caca tso'o la ji'na ca nde loo la, lo'o jua'a̱ tyucui tyempo ndu'ni cha' tyu'u tyiquee na ña'a̱ na ji'i̱ tya'a ñati̱ na. Bi' laca cña nu ndulo la cha' cua'ni na, cha' tyu'u tyiquee na ña'a̱ na ji'i̱ tya'a ñati̱ na.
Jua'a̱ ndyu'ni na' cña, cha' caca tyucui ti' tyiquee ngu', cha' stu'ba ti caca tyiquee ngu' lo'o xa' la tya'a ngu'. Nga'aa cutsi̱i̱ ngu' nu lo'o chcui' ngu' cha' ji'i̱ Cristo li', xqui'ya cha' tso'o tsa nchca cuayá' ti' ngu' ji'i̱ cha' bi'. Jua'a̱ li' quijeloo cha' ji'i̱ ngu', cha' ycui' Cristo laca cha' bi', la cui' cha' ji'i̱ ycui' Ndyosi nu bilya caca cuayá' ti' ngu' ji'i̱ cua sa'ni la.
Pana juani ña'a̱ ti ndulo tsa cha' ji'i̱ ma̱ cha' tyanu tachaa la cha' ji'i̱ Cristo ne' cresiya ji'i̱ ma̱, cha' ycui' yu bi' laca su̱u̱ lcaa cha' bi'. Ná ta ma̱ chacuayá' cha' cñilo'o ngu' ji'i̱ ma̱, cha' si jua'a̱, nga'aa culacua ti' ma̱ ji'i̱ cha' tso'o nu tyacua ji'i̱ ma̱ nde loo la, la cui' cha' nu cua ndyuna ma̱ ji'i̱ tya clyo. Xqui'ya cha' tso'o ji'i̱ Cristo bi', bi' cha' ndya'a̱ ngu' tyucui ña'a̱ chalyuu nchcui' ngu' cha' bi' lo'o ñati̱. Lo'o jua'a̱ na', Pablo, ndya'a̱ tsa na' lo cña bi'.
Nu lo'o ta ma̱ sca cui̱i̱ cuentya ji'i̱ ycui' Ndyosi lo'o ngu', tyucui tyiquee ma̱ ta ma̱ cha' bi' lacua. Nu lo'o ta ma̱ cha' xlya'be ji'i̱ ngu', tyucui tyiquee ma̱ ta ma̱ cha' tso'o ji'i̱ ngu' lacua. Si laca ma̱ loo ji'i̱ ngu' tya'a ma̱, cui'ya ma̱ cuentya cha' tso'o ti cua'ni ma̱ lacua. Nu lo'o cua'ni tya'na ti' ma̱ ji'i̱ ngu', tso'o ti caca tyiquee ma̱ laja lo'o cua'ni ma̱ cña bi' cuentya ji'i̱ ngu' li'.
Piblisite