HEBREOS 5:5 - Chatino Tataltepec

⁵ Lo'o Cristo ni, laca Ni sti jo'ó nu laca loo la cuentya ji'na; si'i cha' ji'i̱ ycui' ti Ni ndu'ni Ni jua'a̱, cha' ná ngüijña Ni cha' ji'i̱ ycui' Ndyosi Sti Ni cha' caca tlyu la Ni. Ycui' Ndyosi laca nu cua nchcui' lo'o Sñi' Ni tya clyo: Sñi' na' laca nu'u̱; ycui' na' cua nda na' chalyuu jinu'u̱, cha' laca nu'u̱ Sñi' na'. Jua'a̱ cha' nda Ni lo'o Cristo.

HEBREOS 5:5 Referans Kwoze

SAN JUAN 8:54

Lo'o li' nacui̱ Jesús: ―Ná tso'o na' tsiya' ti si cua'ni na' cha' caca tlyu ycui' ca ti na', pana ycui' Ndyosi Sti na' ndu'ni cha' caca tlyu na' ―nacui̱―. Ndu'ni ma̱ cha' Sti ma̱ laca ycui' Ndyosi;

HEBREOS 1:5

Nde laca sca cha' nu cua nchcui' ycui' Ndyosi cuentya ji'i̱ Jesús nu laca Sñi' ycui' ca Ni: Sñi' na' laca nu'u̱; cua nda na' chalyuu jinu'u̱ cha' laca nu'u̱ Sñi' na'. Lo'o jua'a̱ cua nchcui' ycui' Ndyosi chaca cha' cuentya ji'i̱ Jesús: Na' caca̱ Sti yu; caca yu Sñi' na' lacua. Si'i cha' ji'i̱ sca xca̱ nu ntsu'u nde cua̱ nchcui' Ni cha' bi', cuentya ji'i̱ Jesús nda Ni cha' bi'.

SAN JUAN 7:18

Sca ñati̱ nu nchcui' cha' ji'i̱ ycui' ca lo'o ngu', jua'a̱ nti' yu cha' caca tlyu ycui' ca ti yu. Xa' ña'a̱ ndu'ni na', cha' tyucui tyiquee na' ndu'ni tlyu na' ji'i̱ ycui' Ndyosi nu Xu'na na' nu ngulo cña 'na ca̱a̱ na' nde chalyuu. Ná ntsu'u cha' cuiñi 'na tsiya' ti.

LOS HECHOS 13:33

lo'o nu juani cua ngua'ni Ni cha' bi' cuentya ji'na, nu lo'o cua ndyu'ú Jesús chaca quiya'. Ndi'ya̱ nchcui' Salmo nu nchca tyucuaa cha' ji'i̱ Jesús: “Sñi' na' laca nu'u̱”, nacui̱ ycui' Ni ji'i̱ Jesús. “Juani cua ngua'ni na' cha' tyu'ú nu'u̱ chalyuu.”

ROMANOS 8:3

Cua ngua'ni Ni sca cha' tlyu nu ná ngua cua'ni nu cha' cusu' nu nda jyo'o Moisés lo'o ñati̱ nu ngua sa'ni. Ná ngua cña cha' bi', xqui'ya cha' cuxi tsa tyiquee ñati̱ chalyuu na; pana ngua ji'i̱ ycui' Ndyosi cua'ni cha' tlyu bi', nu lo'o nda Ni ji'i̱ Sñi' ycui' ca Ni ya̱a̱ chalyuu re cha' ngua ñati̱. Nda Ni ji'i̱ nu Jesús bi' ya̱a̱, cha' caca yu sca msta̱ lu'ú; bi' laca msta̱ nu ngua ji'i̱ cuityi̱ qui'ya nu ntsu'u ji'na. Ngua Jesús ñati̱; stu'ba ti ngua yu ñi'ya̱ laca cua ña'a̱ ca ñati̱ chalyuu, cha' jua'a̱ ngua ji'i̱ yu cua'ni tye yu ji'i̱ qui'ya nu ntsu'u ji'i̱ ñati̱ cuxi na. Bi' cha' ngua Ni ñati̱.

HEBREOS 1:1

Nu ngua tya sa'ni la, tyu̱u̱ tsa quiya' cua nchcui' ycui' Ndyosi lo'o jyo'o cusu' ji'na, quiña'a̱ xi cha' nda Ni lo'o jyo'o bi'; cua nda ycui' Ndyosi cha' lo'o jyo'o bi', cha' chcui' ngu' lo'o lcaa tya'a quichi̱ tyi ngu'.

SAN JUAN 3:16

’Ntsu'u tsa tyiquee ycui' Ndyosi ña'a̱ Ni ji'i̱ ñati̱ chalyuu, bi' cha' cua nda ycui' Ni jna' nu laca̱ Sñi' ycui' ca Ni lijya̱ na' chalyuu. Ná tsaa ñati̱ ca bilyaa si xñi ngu' cha' jna', nu laca̱ sca ti Sñi' ycui' Ndyosi; caja chalyuu tso'o ji'i̱ ngu' bi', chalyuu nu ná nga'a̱ cha' tye ―nacui̱ Jesús―.

HEBREOS 2:17

Bi' cha' lacua, stu'ba ti ntsu'u cha' ji'i̱ Jesús lo'o ñati̱ ji'i̱ ycui' nde chalyuu. Ngujuii yu lo crusi cuentya ji'na, lo'o juani ntucua yu ca slo ycui' Ndyosi cha' chcui' yu lo'o Ni, cha' cuityi̱ Ni qui'ya nu ntsu'u ji'na. Juani laca Jesús ñi'ya̱ laca sca sti jo'ó nu laca loo la nu ndyi'u tsa ti' ji'na, nu jua'a̱ tso'o tsa ndu'ni tya'na ti' ji'na.

HEBREOS 3:1

Cu'ma̱ tya'a ngusñi na cha' ji'i̱ Cristo, cu'ma̱ nu cua ngusubi ycui' Ndyosi ji'i̱ ma̱, culacua tso'o ti' ma̱ tilaca laca Jesucristo. Cua nda ycui' Ndyosi Sti yu ji'i̱ yu cha' ya̱a̱ yu nde chalyuu, lo'o nu juani laca yu ñi'ya̱ laca sti jo'ó nu laca loo la cuentya ji'na, cha' ngusñi na cha' ji'i̱ ycui'.

HEBREOS 5:10

Bi' cha' cua nacui̱ Ni cha' laca Jesús sti jo'ó nu laca loo la; la cui' ñi'ya̱ nu ngua'ni jyo'o Melquisedec nu ngua cua sa'ni la, jua'a̱ cua'ni Jesús cuentya ji'na juani.