HEBREOS 4:7 - Chatino Tataltepec

⁷ tya nda la Ni xi tyempo ji'na, cha' juani ti tya taca cuna na cha' bi'. Cua ngua tyu̱u̱ yija̱ tya lo'o ngujuii jyo'o Moisés bi', nu lo'o nchcui' ycui' Ndyosi lo'o David. Ndi'ya̱ nacui̱ Ni: Juani ti cua'a̱ jyaca̱ ma̱ ji'i̱ cha' nu nda na' lo'o ma̱, ná tyu'u cha' cuxi tyiquee ma̱ ña'a̱ ma̱ jna'.

HEBREOS 4:7 Referans Kwoze

HEBREOS 3:15

Ndi'ya̱ nchcui' ycui' Ndyosi cha' nu nscua lo quityi bi': Juani ti cua'a̱ jyaca̱ ma̱ ji'i̱ cha' nu ta na' lo'o ma̱: Nga'aa tyu'u cha' cuxi tyiquee ma̱ ña'a̱ ma̱ 'na chaca quiya', nga'aa cua'ni ma̱ ñi'ya̱ ngua'ni jyo'o cusu' ji'i̱ ma̱ tsaca quiya' tya sa'ni la; nu ngua li' lye tsa ngusu̱u̱ tya'a ngu' lo'o na'.

SAN MATEO 22:43

Li' nchcuane Jesús ji'i̱ ngu' bi' chaca quiya': ―¿Ñi'ya̱ ndyu'u ta cha' re nti' cu'ma̱, cha' cua nchcui' jyo'o David cha' Xu'na yu laca nu Cristo bi'? Cua ngulu'u Xtyi'i ycui' Ndyosi cha' bi' ji'i̱ David, bi' cha' nchcui' yu ndi'ya̱:

LOS HECHOS 28:25

ná nchca ca stu'ba tyiquee ngu'. Li' ngua ti' ngu' tyaa ngu', pana xa' nchcui' Pablo lo'o ngu': ―Liñi tsa cha' nu nda Xtyi'i ycui' Ndyosi lo'o jyo'o Isaías nu ngua tu'ba ji'i̱ ycui' Ndyosi nu ngua sa'ni, cha' nu nchcui' bi' lo'o jyo'o cusu' ji'na. Ndi'ya̱ ntsu'u cha' bi':

LOS HECHOS 2:31

Ngua cuayá' ti' yu tya sa'ni la cha' ntsu'u cha' tyu'ú nu Cristo bi' chaca quiya' lo'o cua ngujuii, bi' cha' nchcui' yu cha' ná tyanu cresiya ji'i̱ Cristo su ndi'i̱ jyo'o, ná catsu' cuaña' Cristo li'.

SAN LUCAS 20:42

Ndi'ya̱ cha' nguscua ycui' David bi' lo quityi Salmos: Ycui' Ndyosi nu laca Xu'na na nacui̱ ji'i̱ Cristo nu Xu'na na': “Tyucua nu'u̱ nde la'a tsu' cui̱ 'na, cha' stu'ba ti caca nu'u̱ loo lo'o na'”, nacui̱ Ni,

SAN MARCOS 12:36

Cua nchcui' ycui' jyo'o David tya sa'ni la cha' Xu'na yu laca ycui' Cristo. Xqui'ya cha' ngulu'u Xtyi'i ycui' Ndyosi ji'i̱ David, bi' cha' nguscua yu ndi'ya̱: Ycui' Ni nu laca Xu'na na nacui̱ ji'i̱ Cristo nu Xu'na na': “Tyucua nu'u̱ nde la'a tsu' cui̱ 'na”, nacui̱ Ni, “ña'a̱ cuayá' nu cua'ni tye na' cha' ji'i̱ lcaa tya'a cusu̱u̱ jinu'u̱, cha' caca nu'u̱ loo ji'i̱ lcaa ca cha'”, nacui̱ ycui' Ndyosi nu Xu'na na ji'i̱ Cristo.

LOS HECHOS 2:29

’Pana jlo ti' cu'ma̱ cha' chañi cha' ngujuii David, nu jyo'o cusu' ji'na ―nacui̱ Pedro―. Sa'ni tsa ngujuii bi'; nguxatsi' ngu' ji'i̱ li', lo'o jua'a̱ tya ntsiya cuaá ji'i̱ jyo'o bi' juani.